تامانارت
تامانارت
| ||||
|
تمنارت (ar) | ||||
| ||||
| لبلاصة | ||||
| لبلاد | لمغريب | |||
| لإقليم | إقليم طاطا | |||
| السكان | ||||
| شحال دالسكان | 4,999 (2024) | |||
| شحال دلفاميلات | 1,483 (2014) | |||
| معلومات خرا | ||||
| الرمز لجغرافي | 6545619 | |||
تامانارت جماعة ترابية قروية كاينة ف إقليم طاطا، جهة سوس ماسة، ساكنين فيها 6160 نسمة، على حسب الإحصاء العام 2014.[1] تامانارت جات ف تّقاطع ديال طّريق 102 ؤ 107، على بعد ديال 163 كيلوميطر من لعاصيمة د لإقليم طاطا. ؤ جات على ضّفة ديال واد تامانارت، لي هوّا واحد من روافد واد درعة، على جّيهة لجانوبية ديال لأطلس صّغير، حدا سّفح ديال جبل باني.
جّماعة فيها 16 قرية هوما: أݣجدال، أݣرض، أنامور، أوكردا، دوار إيݣيواز، إيغير ن بلقاسم، إيغير ويلولن، إيݣمير، إيمي ؤزلاݣ، إيغير إيغناين، قصبة أيت هربيل، سموݣن تيمولا، تاݣجكالت، تامسولت، تانغروت، تيسلݣيت.
تامانارت معروفة ب لموسم ديالها لي كيجي ف شهر شتنبر، ؤ ب نّقيشات صّخرية لي كيرجعو ل عصور قبلتاريخية، ف وادي تامانارت، لي فيه كتر من 60 موقع ديال لفن صّخري.[2]
واحد من أهم لمواقع لأترية فيها هوما مداشر لي كانو سكنو فيهوم ليهود ف لقديم، ؤ لّي تم تّنقيب فيها من طاراف عولاما د لأركيولوجيا من لمغريب، فرانسا ؤ إسرائيل. لأركيولوجيين كشفو على مجموعة د لأتار بحال سيناݣوݣ لي تعرضات ل تّدمير ب سباب فيضان، ؤ توحاف أترية ؤ وتائق قديمة بحال حجابات مكتوبين ب لعبرية. لأتار كيرجعو ل لفترة مابين لقرن 16 ؤ لقرن 19. واحد من لأحدات طّراجيدية لي طرات ف لمنطقة ف 1792، هوّا فاش نتاحرو 50 يهودي مغريبي بشكل جماعي ب لعافية، فاش حاول حاكم محلي يفرض عليهوم لإسلام ب لقوة.[3]
- عبد الله بن ياسين: مؤسس لحاراكة لمورابيطية
- سيدي محمد بن براهيم تّامانارتي: كان ولي صالح ؤ قايد ديال تامانارت
- نسبة الأمية : 49,5%
- نسبة السكان اللي قاريين فوق الثانوي (ثانوي وجامعة): 9,3%
- نسبة الناس النشيطين (اللي يقدرو يخدمو): 20,5%
- نسبة البطالة: 33,8%
- نسبة الناس اللي خدامين في الدولة (أو العاطلين اللي سبق ليهوم خدمو): 16,6%
- نسبة الناس اللي خدامين في القطاع الخاص (أو العاطلين اللي سبق ليهوم خدمو):34,2%
- ^ "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-01-07.
- ^ "60 موقع د لفن صّخري ف وادي تامانارت" (ب لفرانساوية). 10 غشت 2015. مأرشيڤي من لأصل ف 2023-06-08. تطّالع عليه ب تاريخ 2022-01-02.
- ^ "أسرار جّماعة د لمغاربا ليهود ف تامانارت كشفات عليها تنقيبات ف سيناݣوݣ". هاأريتز (ب نڭليزية). 27 دجنبر 2021. مأرشيڤي من لأصل ف 2022-05-25. تطّالع عليه ب تاريخ 2022-01-02.
|
تقدر تزيد شوف بزاف د تّصاور و لمعلومات ديال Tamanart ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |