تاريخ بلغاريا من 1989
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
التاريخ ديال بلغاريا من بعد 1989 هي لفترة من التاريخ لبلغاري لّي بدات بعدما طاح النظام الشيوعي و بدات الديموقراطية.
الإصلاح ف تيجاه التحرير، ف المجال الإجتماعي، السياسي و الإقتصادي، ف دول شرق ؤروپا بدا ب البرنامج الإصلاحي ديال ميخاييل ݣورباتشيڤ ف لإتحاد السوڤياتي، لّي وصل تأتيرو ل بلغاريا ف اللخر ديال التمانينات. ف الحقيقة، السمطا بدات ترخف ف اللخر ديال الفترة السطالينية، و بقات كترخف شوية بشوية حتى ولاو بزاف ديال الكتوبا لّي كانو ممنوعين كيترجمو، وحتى أفلام هوليوود و غيرهم. و البوتيكات بداو يبانو و كيبيعو منتوجات غربية يديرو ليها الإشهار (الإشهار لّي كان عموما ما معروفش و مامستعملش ف دول الكتلة الشرقية حيتاش كلشي كان كيقدر يشري غير منتوج واحد). هاد التحول ف اللخر ديال سنوات الشيوعية بين ل ناس حلف وارسو ب الأهمية ديال تدمير الريدو د الحديد. هادشي كلو و السياسة ديال ݣورباتشيڤ خلق حرية و مطالب ب الديموقراطية بين الناس.
ف نونبر 1989، بداو مظاهرات ف صوفيا ل أسباب بيئية، لّي من بعد تطورو ولاو حملة عامة كطالب بإصلاح سياسي. ومنين الشيوعيين ما تدخلوش باش يفرقو المظاهرات، بان بلّي كاين احتمال يكون شي تغيير. ف الواقع، الحزب الشيوعي تفاعل مع المظاهرات وقال طوضور جيڤكوڤ من رئاسة الحزب و من رئاسة البلاد و عوضو ب پيتار ملادينوڤ. ولكن هاد الحركة ربّحاتهم غير شوية ديال راحة البال. ف فبراير 1990، المظاهرات ف الشارع بززات على الحزب الشيوعي يتنازل على السلطة و ف يونيو 1990 دّارو أول انتخابات حرة من 1931، لّي ربح فيها الحزب الإشتراكي البلغاري (السمية الجديدة ديال الحزب الشيوعي). ف يوليوز 1991 تكتب دستور جديد، اللي دخل المناصب المنتخبة ديال الرئيس، رئيس الووزرا و الحكومة.
- ↑ "Todor Zhivkov, Bulgarian political leader". Retrieved 2025-10-12.
