بني نصار

بني نصار
‫بْني نصار‬ (ar) ⴰⵢⵝ ⵏⵚⴰⵔ (tzm)
لبلاصة
لبلاد	لمغريب
لإقليم	إقليم الناظور
السكان
شحال دالسكان	50,508 (2024)
شحال دلفاميلات	12,897 (2014)
لجغرافيا
لعلو	61 م
معلومات خرين
الرمز لجغرافي	2555882 و 6546346

بني نصار ؤلا أيث نصار بلوغة الريفية مدينة كتواجد فشمال شرقي ديال لمغريب، فجهة شرق، فإقليم ناظور بمنطقة ريف. من لشمال كتحدّها مدينة مليلية ، ومن لغرب جبل غوروغو (كوروكو) وجماعة فرخانة، ومن لشرق كاينة بحيرة مارتشيكا، ومن الجنوب مدينة ناظور

تسمية

اصل سمية ماشي هوما لي سماوها ؤلقاوها ضمنيا تذكرات فقيادة مزوجة عند سبليون لي كانت بني انصار تابعة ليها فوقيتة لستعمار، ؤ كاين لي ربطو هاد سمية بلموريسكين ديال مورسيا بضبط لي جاو للمنطقة من بعد ما صدر القرار ديال فيليب تالت ملك سبانيا باش يجري عليهم وينفيهم عام 1609م، لي خلانا نرجحو هاد لاحتمال هو تجاور ديال بني انصار ؤ مزوجة، ؤهاد لبلايص بجوج كاينين فمدينة مورسيا ليومنا هدا بهاد السمية (Benizar) بني صار ؤ مزوجا (Mazuza) هاد التشابه كبير بزاف.

لموقع لجوغرافي

بني أنصار كتواجد على بعد نحو 12 كيلومتر شمال مدينة ناظور، ؤكتحدها شمالاً مدينة مليلية، ؤ غرباً جبل كوروكو (غوروغو)، ؤ شرقاً بحيرة مارتشيكا (مار تشيكا)، ؤ جنوباً لمجال لحضري للناظور. ؤ هاد لموقيع كيعطيه أهمية جيوسياسية ؤ اقتصادية نقطة عبور حدودية بين المغرب ؤأوروبا

سكان

عدد سكان د لمدينة على حسب لإحصاء د لعام للسكان والسكنى لسنة 2024. حوالي 50,508 نسمة، مع تسجيل تراجع ديمغرافي مرتبط بتوقف نشاط تجاري مع معابر مليلة منبعد الجايحة لي عرفها لمغريب ديال كورونا ؤ راجع لهجرة داخلية للمناطق لمجاورة.

ؤ سكانها معروفين بطابع الريفي الأمازيغي، مع حضور لعربية نتيجة ديال لتوسع لحضري ؤلتبادل تجاري.

تاريخ

رتابط تطور ديال ميدينة بني أنصار تاريخياً بموقعها لحدودي ولقرب ديالها من مليلية، تعرفات لمنطقة فلبدايات بواحد انشاط تجاري ؤبحري على طول لبحر لمتوسط.

ومني تفرضات لحماية لإسبانية على شمال لمغرب فالقرن لعشرين، ولات عند لمنطقة أهمية كبيرة، رجعات هي سونتر دلمراقبة ؤلتبادل تجاري. ؤمنبعد استقلال لمغريب، لمدينة بدات كتتوسع وكتكبر عمرانيا ؤهادشي بفضل ميناء ناظور ؤتطوير ديال لبنية لتحتية لمرتبطة بنقل ولعبور لبحري. لي خلا لمدينة طريق رئيسية للجالية لمغربية لمقيمة بأوروبا خلال عملية “مرحبا” سنوية.

ميناء آيث نصار / بني نصار

ميناء بني نصار كيعتابر من أهم لموانئ لي فلمغرب، وهو واحد من أكبر مصادر دخل ديال لمدينة.

فيه بزاف ديال لأرصفة ديال لبواخر: كاينين لي مخصصين لنقل لمسافرين، وكاينين ديال صيد لبحري، وكاينين آخرين لنقل لسلع لتصدير ولاستيراد، وزيد عليها مرافق أخرى خاصة بتجارة لحرة بحال محطة لقطار ومحطات نقل لسلع، وزيد عليها محطة لنقل لحضري ديال طوبيسات كتيسيرها شركة فيكتاليا .

ومدينة بني انصار / آيث نصار كتحدّ مليلية بجوج ديال البوابات: بوابة بني نصار / آيث نصار وباريوتشينو، ولي كيستعملوهم فعبور ونقل سلع.

لأحياء ديال مدينة بني نصار

• حي إزرّيجن ولا حي بويفقوسن
• حي كاليطا ولا حي قاليطا
• حي إبوقشوْن ولا حي بلغاطة ولا حي ثانوية جديدة
• حي آيث سالم
• حي أرطببين
• حي غاسي
• حي بكّار
• حي إيّاسينن
• حي باصو
• حي آيث لعربي
• حي باريتشينو أو حي زروالة
• حي إعاسن
• حي إحموتوثن
• حي سيدي موسى
• حي لفيض أعراص ولا حي المسجد
• حي إغماريَّنْ
• حي آيث زهرة
• حي لمصوصف ولا حي آسْڭنافْ
• حي ديوانة لقديمة
• حي إدانِيثَن
• حي وهدانة
• حي عبد المومن
• حي آيث عيسى
• حي ثٙيْزاث أو بوقانا أو ميامي
• سيدي أحمد الحاج

تعليم

• نسبة لأمية (نّاس لّي ما كايعرفوش يقراو ولا يكتبو) : 26,5%
• نسبة سّكان لّي قاريين فوق الليسي (ليسي و جامعة): 12,4%

قتيصاد

• نسبة نّاس نّشيطين (لّي يقدرو يخدمو): 49,2%
• نسبة لبطالة (نّاس لّي ما خدامينش و تايقلبو على خدمة): 20,3%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 8,4%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):45,4%

مصادر

ويكيميديا كومنز عندا تصاور و معلومات على بني نصار.

هادي زريعة ديال مقالة خاصها تّوسع. تقدر تشارك ف لكتبة ديالها.