سلوان

سلوان
‫سلوان‬ (ar) ⵙⵍⵡⴰⵏ (zgh)
لبلاصة
لبلاد	لمغريب
لإقليم	إقليم الناظور
السكان
شحال دالسكان	29,628 (2024)
شحال دلفاميلات	5,025 (2014)
معلومات خرين
الرمز لجغرافي	2537469

سلوان (بلأمازيغية: ⵙⵍⵡⴰⵏ) مدينة مغريبية و جماعة ترابية حضرية كاينة ف إقليم نّاظور، جهة الشرق، ساكنين فيها 21570 واحد، على حسب لإحصاء لعام 2014.

التاريخ

فعهد حرب الريف، كانت سلوان من المدن اللي لجأ ليها الجيش الإسباني من بعد أحداث معركة أنوال. ومن بعد ما تحاصرو من طرف قوات الريف، استسلمو نهار 2 غشت 1921. ومن بعد الاستسلام وقعات عمليات انتقام وتصفيات خلات عدد كبير من الجنود والضباط الإسبان يقتلو، وكان العدد ديالهم قرابة 500 واحد.

السكان

حسب إحصاء 2024، وصل عدد السكان ديال سلوان لـ 29.628 نسمة.

العام	2004	2014	2024
عدد السكان	9.211	21.570	29.628

أغلب السكان ديال سلوان من الأمازيغ الريافة، وكايهضرو بـ تاريفيت والدارجة المغربية. وعرفت المدينة نمو ديموغرافي كبير بسبب الهجرة من دواوير ومناطق الريف الجبلية.

المعالم

• قصبة سلوان : كاينة فالجهة الجنوبية ديال المدينة القديمة، على الضفة اليسرى ديال واد سلوان. بناها المولى إسماعيل، وكانت فيها أبراج مربعة. ترمّمات سنة 1859 على يد السلطان محمد بن عبد الرحمن، ولكن دابا ولات مهملة. وكانت حتى مقر ديال بوحمارة لمدة من الزمن.

تعليم

• نسبة لأمية (نّاس لّي ما كايعرفوش يقراو ولا يكتبو) : 22,8%
• نسبة سّكان لّي قاريين فوق الليسي (ليسي و جامعة): 21,2%

منذ سنة 2005، ولات سلوان كتحتاضن الكلية المتعددة التخصصات بالناظور التابعة لـ جامعة محمد الأول، واللي كتقدم تكوينات فالعلوم والاقتصاد والقانون والآداب والدراسات الإسلامية.

الموقع والمناخ

كاتوجد سلوان فالجهة الداخلية ديال خليج الناظور وقريبة من البحر الأبيض المتوسط، على علو حوالي 30 متر. مدينة الناظور كاتبعد عليها بحوالي 12 كلم، ومطار العروي قريب منها بحوالي 16 كلم فالجنوب الغربي.

المناخ ديال المدينة متوسطي، متأثر بالبحر، والشتا كينزل غالباً فالخريف والشتا، بمعدل قرابة 300 ملم فالسنة.

الاقتصاد

سلوان كتعتبر مركز مهم للتجارة والخدمات والأسواق فالمنطقة، وكتربط بين الناظور وعدة مدن وقرى مجاورة.

• نسبة نّاس نّشيطين (لّي يقدرو يخدمو): 45,7%
• نسبة لبطالة (نّاس لّي ما خدامينش و تايقلبو على خدمة): 18%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 15%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):50,2%

التاريخ

السلطان المولى إسماعيل بنا فقلب المنطقة قصبة عسكرية خلال فترة حكمو بين 1672 و1727. ومن بعد، ولات سلوان جزء من منطقة الحماية الإسبانية فشمال المغرب ما بين 1912 و1956.

المعالم

كاينة جنوب وسط المدينة بقايا القصبة القديمة المبنية بالطابية، واللي مازال بعض الأجزاء ديالها واقفة حتى لدابا.

تاريخ سلوان

كتعتبر قصبة سلوان من أبرز المعالم التاريخية والأثرية فالريف الشرقي، ومازالـة صامدة حتى لدابا رغم الزلازل والتقلبات الطبيعية والإهمال اللي تعرضات ليه عبر السنين. وكتعتبر من أقدم البنايات المعروفة فسهل كارت، فالوقت اللي كانت فيه المنطقة شبه خالية من العمران، غير بخيام قبائل بني بويحيى وأولاد ستوت. كاتوجد القصبة فالمجال الترابي ديال قبيلة آيت بويفرور، فواحد الموقع الاستراتيجي قريب من قبائل قلعية وكبدانة وأولاد ستوت وبني بويحيى، وما بعيدةش بزاف على مليلية المحتلة والحدود الجزائرية اللي كانت خاضعة للعثمانيين فداك الوقت.

وكتعتبر القصبة النواة الأولى لمدينة سلوان. وكيقول الأرشيف المحلي بلي اسم "سلوان" كان كيدل على البلاصة اللي كانو كيجتمعو فيها الفرسان باش يديرو مواسم الفروسية والتبوريدة فعهد المولى إسماعيل، بينما الباحث محمد شفيق كيرجّح الأصل الأمازيغي للاسم، بحيث "سلوان" كتعني السخام ولا أثر الدخان. وكاينين روايات أخرى كترجع الاسم للأصل العربي، وكانو السكان قديماً كيسميو المنطقة "ثا قصفت" نسبة للقصبة. وحسب المصادر التاريخية، تبنات القصبة ما بين سنتي 1678 و1679 بأمر من السلطان المولى إسماعيل، وتحت إشراف المهندس أبو العباس أحمد بن عبد الكريم بن مالك. وخدا بناؤها حوالي عام وثلاثة شهور. المساحة ديالها كتقارب 38950 متر مربع، والسور ديالها مبني بالطابية وكيوصل العلو ديالو لحوالي 7 متر، وفيه أبراج مربعة موزعة فالزوايا والجوانب، وثلاثة أبواب رئيسية. وكانو داخلها مساكن للقواد والوفود المخزنية، وزيد عليهم مسجد ومعتقل أرضي.

وتبنات القصبة باش تعزز السلطة المركزية وتحمي الحدود الشرقية ديال المغرب من التهديدات الخارجية، خصوصاً التوسع الإسباني فـ مليلية والضغط العثماني من الشرق، وزيد عليها الدور ديالها فجباية الضرائب وتأمين الطرق التجارية والبريد. وعرفات القصبة بزاف ديال الأحداث التاريخية المهمة، منها استقرار جيش عبيد البخاري فيها فعهد المولى إسماعيل، والمشاركة ديالو فالحصار اللي فرضو المغاربة على مليلية. وزارها السلطان محمد بن عبد الله سنة 1774 خلال الحملة العسكرية ضد الإسبان، وحتى المولى سليمان لعبات فالقصبة أدوار عسكرية مهمة فعهدو. وفـ سنة 1847 شهدات القصبة معركة بين الجيش المغربي وقوات الأمير عبد القادر الجزائري، وخلفات عدد كبير ديال القتلى. وحتى السلطان المولى الحسن الأول أقام فيها فرمضان سنة 1291 هـ، وكان كيرابط فيها عدد مهم من الجنود.

وفبداية القرن العشرين، خداها الجيلالي الزرهوني المعروف بـ بوحمارة عاصمة ليه ما بين 1903 و1908، وبنا فيها قصر وجمع فيها الآلاف من الجنود. ولكن من بعد ما باع مناجم المنطقة للأجانب، تزادت عليه نقمة القبائل، وهاد الشي خلا الشريف محمد أمزيان يقود مواجهات ضدو حتى قدر يطردو وينهي المشروع السياسي ديالو. ومن بعد، عرفات القصبة معارك قوية ضد الإسبان، خصوصاً فحرب الريف بقيادة الأمير محمد بن عبد الكريم الخطابي. وفـ معركة سلوان نهار 3 غشت 1921، تمكن المجاهدون من قتل مئات الجنود الإسبان، ومن بعد سقط مركز العروي وتشد الجنرال نافارو وعدد من الضباط الإسبان. وبقات قصبة سلوان حتى اليوم شاهدة على تاريخ طويل ديال المقاومة والصراعات والتحولات السياسية اللي عرفها الريفالشرقي عبر القرون.

لحضيرة صناعية سلوان

الموضوع	المعطيات
المدينة	سلوان
الحالة	جارية عملية التسويق
سنة الإحداث	2011
المساحة الإجمالية	50 هكتار
التقديم	كتعتبر المنطقة الصناعية ديال سلوان جزء من مخطط "ميد إيست"، اللي كيمثل تنزيل جهوي للاستراتيجية الصناعية على مستوى الجهة الشرقية.

مصادر

ويكيميديا كومنز عندا تصاور و معلومات على سلوان.

هادي زريعة ديال مقالة خاصها تّوسع. تقدر تشارك ف لكتبة ديالها.