الشراط
ميّز على عبد لحق الشراط.الشراط
| ||||
|
الشراط (ar) | ||||
 | ||||
| لبلاصة | ||||
| لبلاد | لمغريب | |||
| لإقليم | إقليم بنسليمان | |||
| السكان | ||||
| شحال دالسكان | 11,266 (2024) | |||
| شحال دلفاميلات | 1,856 (2014) | |||
| معلومات خرين | ||||
| الرمز لجغرافي | 6546926 | |||
الشرّاط (ⵛⵔⴰⵟ)، معروفة تا بواد الشراط، هي جماعة ترابية مغربية كاينة فإقليم بنسليمان، جهة دار البيضا سطات. عدد ناس لي عايشين فيها على حساب لإحصاء ديال 2014 هو 9754 نسمة.[1]
تشهرات جماعة شراط أول مرة عام 1962، فاش تعرض فيها سياسي لمغربي المهدي بن بركة لمحاول غتيال، و رجعات تشهرات مرة أخرى فاش ماتو فيها جوج سياسيين مغاربة، أحمد الزايدي لي مات غارق تحت لقنطرة ديال تران بجماعة الشراط عام 2014، و تبعاتو بعد أيام لموت ديال سياسي لمغربي عبد الله باها بعد ما ضربو تران فوق نفس لقنطرة[2] وعام 2015، غرق فهاد لجماعة 6 ديال لوليدات دفعة واحدة.[3]
عام 2022، وزارة داخلية قررات توقف رئيس جماعة شراط سعيد الزايدي من خدمتو بتهمة لابتزاز ورشوة.[4]
جماعة الشراط كاينة فإقليم بنسليمان جهة الدار البيضاء سطات، وهي جماعة ساحلية تاطل على لمحيط لأطلسي، بضبط هضبة شاوية سفلى. هاد الجماعة مشهورة بواد شراط لي تايقطعها، و كاتعتابر من من أغنى لجماعات فلمغريب، حيت فيها نشاط عقاري كبير تايبان فلإقامات سّكنية جديدة لي كايتبناو، و سياحة شاطئية، و لفلاحة. هاد لجماعة كاتعتابر من لأشهر فلمغريب فلإنتاج ديال لعنب دلماكلة، و تايدار فيها كل عام مهرجان ديال لعنب.[4]
پلاج دواد الشراط هو واحد من شواطئ 26 فلجيهة ديال دار البيضا سطات، بعيد ب 52.3 كم على مدينة الدار لبيضا. فمنطقة شبه حضرية، بعيدة على مركز مدينة بوزنيقة ب 6 كيلوميترات، وهو پلاج درملة، و بلاصة مزيانة لتبحار فصيف. كاين فپلاج شراط تجهيزات مختلفة من باراسولات و قهاوي وخدمات، كيف ما فيه مركب سياحي مهجور. كايتعتابر هاد لبلاج بلاصة مزيانة لرياضة سورف وصيد بلقصبة، وكاينة فيه تجزئات ديال لفيلات وسكن راقي.[5]
- نسبة لأمية (نّاس لّي ما كايعرفوش يقراو ولا يكتبو): 39,8%
- نسبة سّكان لّي قاريين فوق تّانوي (تانوي و جامعة): 7,1%
- نسبة نّاس نّشيطين (لّي يقدرو يخدمو): 50,9%
- نسبة لبطالة (نّاس لّي ما خدامينش و تايقلبو على خدمة): 13,1%
- نسبة نّاس اللي خدامين ف دّولة (ولا لعاطلين اللي سبق ليهوم خدمو): 2,5%
- نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):52,5%
حاجز الأمواج من شائط الشراط
القنطرة المعلقة على واد الشراط
صورة تاريخية للقنطرة المعلقة لواد الشراط
صورة تاريخية لقنطرة على واد الشراط
- ↑ "Maroc en carte". rgphencartes.hcp.ma. Archived from the original on 2023-07-02. Retrieved 2023-02-01.
- ↑ ""واد الشراط" المنطقة الملعونة واللغز الغامض". مغرس. Archived from the original on 2023-02-01. Retrieved 2023-02-01.
- ↑ "لعنة واد الشراط تستمر بالمغرب.. غرق 6 أطفال بينهم بطلة تايكواندو وفقدان 5". CNN Arabic (ب العربية). 2015-06-08. Archived from the original on 2023-06-08. Retrieved 2023-02-01.
- 1 2 "وزارة الداخلية توقف الزايدي عن مزاولة مهامه بواد الشراط". Hespress - هسبريس جريدة إلكترونية مغربية (ب العربية). 2022-11-12. Archived from the original on 2023-04-25. Retrieved 2023-02-01.
- ↑ "Oued Cherrat Plage sur la carte avec des photos et des avis 🏖️ BeachSearcher.com". beachsearcher.com (ب الفرنسية). Archived from the original on 2023-02-01. Retrieved 2023-02-01.
