بت د الراديو
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لبت د الراديو (بالنّݣليزية: Radio communication) هو لعملية د لمسيفطة ديال السينيالات علّ بعد، ب لواسطة ديال لمواج لكهرومغناطيسية لي عندها طبيعة صوتية، ولا هدرة ولا مزيكا ولا شي نواع وخرى. و هادشي ب لإيستيعمال ديال لمواج راديوية ل ڭاع الناس لي عندهم مستقبلات ديالها ف لازون ديالهم.
صعيب تحدد التاريخ ديال الزيادة د راديو ولا حتا لمختارع ديالو، حيت هو جا منبعد بزاف ديال الإختيراعات لمرتابطة بيناتها شوية بشوية على طول بزاف ديال السنين. و من بين الأعمال ديال لي ساهمات ف تطوار ديال تيكنيك د البت د راديو، كنلقاو الأعمال ديال شي عولاما كانو ف لقرن تسعطاش، بحال: أندري ماري أمپير، ألكساندر ݣراهام بيل، صامويل مورس، مايكل فاراداي، دجيمس واط، هاينريش هيرتس، ݣيورݣ زيمون أوم و ألساندرو ڤولتا. و ف نهاية لقرن تسعطاش قدر لعالم ݣولييلمو ماركوني، يتبت عمليا بلي ممكن يتستعمل الهوا بحال شي زون ديال لمسيفطة د السينيال،[1] و هادشي فاش طلق أول بت د الراديو كيتكون من كريپطة د مورس، و بتو من محطة موقتة صايبها ماركوني ف عام 1895.
و ف لوقيتة لي صعيب نسندو البراءة د لإختيراع تاع راديو ل شي شخص واحد، و وخا هاكاك تعطات أول براءة د لإختيراع تاع الراديو ل نيكولا طيسلا، و عطاهلو المكتب د براءات لإختيراع ف الولايات المتاحدة.
تكتاشفات الإمكانية ديال لبت د الراديو غير ب الزهر. ف عام 1916 ف واحد النهار كانو لمهندسين ف واحد الشركة ديال التصنيع ف ميريكان كيديرو تجارب على لمسيفطة ديال الصوت، و طاح ف بالهم يسيفطو لمزيكا لي كتخرج من الأسطوانات لكلاسيكية، ف بلاصت الصوت. و ب الصدفة، فنفس اللحظة كانو شي ناس هواة مامتوقعينش كيستعملو معدات ديال لإستقبال صايبوها ف ديورهم، و هنا غادي يستقبلو المزيكة ف هاد لمعدات. و منبعد غادي يسيفطو طلبات لديك الشركة باش تعاود تبت ليهم المزيكا مرة وخرة، و هادشي غادي يدهش دوك لمهندسين. مور شي فترة الشركة غتبدا تدير بت د راديو بشكل منتاظم، و غاتسمى منبعد بسمية ديال KDKA، وغتكون هي أول محطة ديال بت د رايدو ف لعالم. ف لعشرينات غادي يبدا البت د راديو كينتاشر ف بزاف ديال لبلادات د لعالم، بحال كانادا ف 1920، و ؤسطراليا لي غتفتح لمحطة اللولة تاعها ف 1921، و ف النݣليز غادي تبان شركة لبت لبريطانية BBC ف عام 1922.[2] و غايبدا ف نفس الوقت أول بت د الراديو فـ فرانسا لي غينطالق من برج إيفل، و حتا أول بت د رايدو ف لإتحاد السوڤياتي. و ف 1923 غايتصايبو محطات د لبت د الراديو فـ بلجيكا، تشيكوصلوڤاكيا،ألمانيا و سپانيا، و موراهم فينلاندا و الطاليان ف عام 1924، و منبعد النورڤيج، پولونيا، لمكسيك و الجاپون ف عام 1925 و لهند ف عام 1927، و موراها التباقي ديال لبلدان ف لعالم.
لمحطة ديال راديو سانط پول - مينيسوطا
لمخطاط ديال الإرسال د الراديو من نوع (AM و FM)
سيسطيمات ديال لمسيفطة ديال AM و FM
