باسيرو ديومايي فايي
باسيرو ديومايي فايي
| ||
.jpg) | ||
| معلومات عامة | ||
| زيادة | 25 مارس 1980 (45 عام) ندياڭانياو | |
| لجنسية | سينيڭال | |
| لحرفة | مفتش الضرائب و سياسي | |
| لفاميلة | ||
| شريك | Marie Khone Faye Absa Faye (2023–) | |
| معلومات خرى | ||
| دين | إسلام | |
| لحيزب | الوطنيون من أجل العمل والأخلاق والأخوة | |
    | ||
باسيرو ديومايي فايي (مزيود ف 25 مارس 1980)،[1] لمعروف بزاف غير ب ديومايي، سياسي سينيڭالي، موفتيش ديال الضرائب فايت، و الرايس نمرة 5 ديال السينيڭال من 2024. هوّ لأمين لعام ديال حيزب PASTEF لي كان تّمنع، و ربح لإنتخابات الرياسية د السينيڭال د 2024، بعدما تستبعد لمرشّح عصمان صونكو. هاد اللخر عيّنو ديومايي رئيس د لوزارا بعدما شد لمنصب د الرياسة.
تولد فايي ف ندياڭانياو، ف منطقة مبور ف غرب السينيڭال.[2] كينتامي ل لإتنية د السيرير Serer، و هوّ من فاميلة فايي النبيلة. السمية لوسطانية ديالو ديومايي كاتعني "شريف" ب اللوغة د السيرير.[3][4] بّاه صامبا فايي كان عضو ف لحيزب لإشتراكي السينيڭالي. و جدّو كان شارك ف لحرب لعالمية اللولة معا فرانسا، و من بعد تشد ف لحبس بسباب مدابزة معا السلطات لفرانساوية ف السينيڭال، حيت بغى باش تأسس مدراسة ف ندياڭانياو. هاد لمدراسة لي تدارت ف اللخر هيّ نيت لي قرا فيها ديومايي.[5]
قرا فايي ف لمدراسة د الدوار فين تزاد و كبر، و موراها دار الليسي ف مبور.[6] ف عام 2000 شد لباك، و مبعد دار ماسطر ف لقانون ف جامعة الشيخ أنطا ديوپ ف داكار. قرا موراها ف لمدراسة لوطنية د لإدارة ف 2004. ملي تخرّج، ختار باش يولّي موفتيش ديال الضرائب ف الديپارطومو ديال الضاريبة و لعقار، و تماك تلاقى معا عصمان صونكو و ولاو صحاب.[2] صونكو أسس النقابة د الضاريبة و لعقار، و حيزب PASTEF لي نضمّ ليه فايي. ملي كان الرئيس ديال النقابة، ناضل فايي باش يسهّل لملكية د لعقار و الديور ل لعومالا ديال الضرائب و لأملاك.[7]
فايي كان ف اللول ضيف على حيزب PASTEF ملي تأسس، ولايني بزّربة طلع ف لمناصب تا ولّا من أهم الشخصيات ف لحيزب.[2] كان من أهم الناس لي بناو لإديولوجيا و الديزاين ديال لحملة لإنتخابية د عصمان صونكو، ف لإنتخابات الرياسية د 2019، لي جا فيها صونكو التالت.[7] ف فبراير 2021، ولّا فايي لأمين لعام د لحيزب، بعدما تشد صونكو ف لحبس بسباب إتهامات ديال لإغتصاب. باش يوصل ل السلطة، حاول فايي يطبق سطراتيجية ديال توحيد لمعارضة على ود لإنتخابات د 2022، و حصل التحالف ديال "نحررو الشعب" على 56 كرسي ف لبرلمان.[7] ولايني فايي فشل باش ياخد لمنصب ديال عمدة د ندياڭانياو.[8]
- ↑ Maclean, Ruth (25 مارس 2024). "Young Opposition Candidate Set to Become Senegal's President". The New York Times. Archived from the original on 27 مارس 2024. Retrieved 27 مارس 2024.
- 1 2 3 "Bassirou Diomaye Faye: what's Senegal opposition contender about?". African Press Agency (ب American English). 11 مارس 2024. Archived from the original on 27 مارس 2024. Retrieved 23 مارس 2024.
- ↑ France 24. "Le nouveau président sénégalais Bassirou Diomaye Faye promet un "changement systémique." AFP, John Wessels (02 April 2024). (retrieved 13 April 2024)
- ↑ Jeune Afrique, "Bassirou Diomaye Faye : candidat éclair, président surprise." By Marième Soumaré (29 March 2024 (retrieved 13 April 2024)
- ↑ Maclean, Ruth (12 أبريل 2024). "From Village to Prison to Africa's Youngest Elected President". The New York Times. Retrieved 12 أبريل 2024.
- ↑ Ly, Mouhamed Abdallah; Bassène, Pape Chérif Bertrand (2024-03-28). "Bassirou Diomaye Faye: from prison runner-up to president of Senegal". The Conversation (ب American English). Archived from the original on 3 أبريل 2024. Retrieved 2024-03-30.
- 1 2 3 Kane, Coumba; Théa Ollivier (23 مارس 2024). "Senegal's presidential election: Bassirou Diomaye Faye, Ousmane Sonko's Plan B". Le Monde (ب الإنجليزية). Archived from the original on 25 مارس 2024. Retrieved 23 مارس 2024.
- ↑ Haque, Nicholas (2 أبريل 2024). "From prisoner to president in 20 days, Senegal's Diomaye Faye takes office". Al Jazeera. Archived from the original on 3 أبريل 2024. Retrieved 3 أبريل 2024.
