الطاهر لخلج

من ويكيپيديا
اذهب إلى التنقل اذهب إلى البحث
Go-bottom.svg
مقالة مقطوعة من شجرة:
هاد لمقالة مقطوعة من شجرة، ما كاتوصل ليها تا شي مقالة خرا ف لموسوعة، حاول تزيد ليانات ديالها ف مقالات خرين
الطاهر لخلج
معلومات عامة
زيادة 16 يونيو 1968 (53 عام)
مراكش
لجنسية لمغريب
لحرفة كوايري
رياضة
رياضة كورة
پوسط لاعب وسط
لفراقي  تعديل قيمة لخاصية (P54) ف ويكي بيانات
أعوامفرقةماتشاتبيوتا
1990–1994(Wikidata:Q1028) لكوكب لمراكشي -
1994–1997(Wikidata:Q45) أونياو ليريا 43 (8)
1997–2000(Wikidata:Q45) نادي بنفيكا 72 (10)
2000–2003(Wikidata:Q145) نادي ساوثهامبتون 58 (3)
2003–2003(Wikidata:Q145) تشارلتون أثلتيك 3 (0)
لمونتخاب لوطني  تعديل قيمة لخاصية (P54) ف ويكي بيانات
1990–2001(Wikidata:Q1028) منتخب المغرب 49 (2)
FIFA: 92740 Modifica els identificadors a Wikidata



الطاهر لخلج (خلاق ف مراكش ف 16 يونيو 1968) كوايري مغربي دولي كان كيلعب ف لوسط دّفاعي. الطاهر ولد لمدرسة د لكوكاب و لعب لكورة بين 1987 و 2003 ف لمغريب و لبرطقيز و النݣليز. لعب 61 ماتش دولي مع لمونتاخاب و شارك معاه ف 2 كيسان د لعالم ف 94 و 98.[1]

حياتو[بدل | بدل لكود]

الطاهر ولد لحومة د لقصبة ف مراكش. بدا لكاريير ديالو ف فراقي صغار د لأحياء و كانت أول فرقة ديالو هي لتيحاد لمراكشي لّي كانت كاتخرج بزاف د لعايبية صغار ف مراكش. فاش كانت عندو 14 لعام دخل ل لمدرسة ديال لكوكاب و تما تفورما مزيان على يد مدربين بحال مولاي هاشم، بنصالح، المنصوري و بوستة.

فديك لوقيتة لكوكاب كان كايدربها مدرب برازيلي سميتو فلافيو لّي كان متبع لّعايبية د شّبان و قرر باش يدخل الطاهر يطريني مع لكبار. أول ماتش ديالو مع لكبار كان ف موسم 85-86 ضد ليفار، ولعب الطاهر ماتش كبير مع لعايبية أسطوريين ديال لكوكاب بحال جنينة، قيدّي، شليحة و بياض.

ف 87 دّا لبوطولة د شّبان مع لكوكاب و كاس لعرش مع لفرقة د لكبار. ف لعام لّي من بعد مشا مسلف باش يلعب مع الكمال المراكشي، وف لعام لّي من بعد رجع ل لكوكاب لّي دوز فيها 6 سنين ديما رسمي وكان كايلعب مدافع أوسط و وسط دفاعي. بين 87 و 94، دوز الطاهر مواسم كبيرة مع لكوكاب لّي كانت من أحسن لفراقي ف لمغريب و دّا معاهوم بوطولا (92) و 2 كيسان د لعرش (91 و 93). من بعد لمشاركات ديالو مع لمونتاخاب، مشا حتارف ف لبرطقيز فين دوز مواسم كبيرة مع بنفيكا لّي ربح معاهوم لبوطولا و لكاس د لبرطقيز.

مع لمونتاخاب، الطاهر كان ف تّسعينات من رّكايز لمهمين د لمغريب ف لوسط و لعب كاس عالم كبيرة ف 98 لّي تألق فيها و كان مورا 3 د لبيوت د لمونتاخاب: كان هو لّي عطا تّمريرات لحاسمة باش ماركاو حجي و هدا ضد النرويج و بصير ضد سكوتلاندا.[2]

لكاريير ديالو ف لفراقي[بدل | بدل لكود]

لفرقة لفترة ماتشات (بيوتا) لألقاب
لكوكاب 1987-1994 بطل لمغريب 1992

كأس لعرش 1987، 1991، 1993

ليرا لبرطقيزي 1994-1996
بنفيكا لبرطقيزي 1996-2000
ساوثهامپتون نݣليزي 2000-2003
تشارلطون نݣليزي 2003-2003

لكاريير ديالو مع لمونتاخاب[بدل | بدل لكود]

  • ماتشات : 61
  • أول ماتش دولي : 21 فبراير 1990 ضد لكوت ديفوار
  • أول بيت دولي : 4 أكتوبر 1992 ضد مالي
  • عدد لبيوتا: 3
  • 2 لمشاركات ف كأس لعالم : 1994 و 1998
  • 2 لمشاركات ف كأس إفريقيا للأمم : 1998, 2000

عيون لكلام[بدل | بدل لكود]