الضريح د سيدي موسى

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

تصويرة د الضريح د سيدي موسى من لخارج.

الضريح د سيدي موسى الدكالي، اللّي معروف تا ب سيدي موسى، هو ضريح ديال لولي الصالح سيدي موسى الدكالي، كيطل على لمحيط لأطلسي، و جا ف لمدينة د سلا، ف لمغريب.

كيتعتابر هاد الضريح من لبنايات التاريخية، و اللي داخلة فلآثار ديال لمدينة د سلا، و داخلة تا مع التراث لوطني د لمغريب، على حساب قرار وزاري خرج ف 16 أكتوبر 1948، و بان ف الجريدة الرسمية المغربية رقم 1882 نهار 19 نونبر 1948.

سيدي موسى الدكالي

تبنا الضريح باش يكرّم سيدي موسى الدكالي، اللي كان ولي صالح عاش بوحدو معزول فلمنطقة، كيعيش من لحوت اللي كيصيّد من لبحر و من لبقّولة اللي فلأرض، تا مات ف عام 580 هجرية.

ملّي مات سيدي موسى، تدفن خارج السور ديال سلا، و تبنات على لقبر ديالو قبّة كبيرة، تصلحات من مورا 500 عام، فلعهد ديال لمولى سماعيل، و هي اللي عطات هاد الضريح اللي كانشوفو ليوما.

دابا كاتسمّا ݣاع لحومة اللي ف لخارج ديال السور ديال سلا من جيهت الشمال "سيدي موسى"، ماشي غي الضريح.

عيون لكلام

تقدر تزيد شوف بزاف د تّصاور و لمعلومات ديال Mausoleum Sidi Moussa (Salé) ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.