السينيݣال

من ويكيپيديا
(تحولات من السينيڭال)
اذهب إلى التنقل اذهب إلى البحث
السينيݣال

Senegaal (wo)

Flag of Senegal.svg Coat of arms of Senegal.svg
نشيد النشيد لوطني د السينيڭال

[[File:|100px]]

لعاصيمة داكار
الساكينة
شحال دالسكان 15,850,567 (2017)
اللوغات الرسمية لفرانساوية
لوولوف
باديارا
بالانطا
متوسط ديال لعمر 67.146 (2016)
لجغرافيا
لميساحة 196,722 كم²
لقمة لعالية جرف نيپان (531 م)
لبلاصة الطايحة لمحيط لأطلسي (0 م)
لإدارة
رئيس السنغال ماكي سال
رئيس السنغال ماكي سال
لبرلمان لجمعية لوطنية د السينيڭال
لقتيصاد
لبيطالة (شوماج) 10 % (2014)
مؤشر التنمية لبشرية 0.505 (2017)
لفلوس لفرنك لغرب إفريقي
معلومات خرا
توقيت ديال لبلاد ڭريتينش
رمز لبلاد SN
رمز لانترنيت ‎.sn‎
رمز التيليفون +221
نيميرويات دليرجونس 17 و 18
الجهة دالصوگان ليمن
السيت الرسمي gouv.sn

السينيݣال، رسميا لجمهورية د السينيݣال (ب لفرانساوية: République du Sénégal - ب لوولوف: Réewum Senegaal) هي بلاد جات ف لغرب د إفريقيا، ف لجنوب د لواد د السينيݣال. تاتحدّها من الشمال موريطانيا، من لغرب لمحيط لأطلسي، من الشرق مالي، و من لجنوب غينيا و غينيا بيصًاو. من غير هاد لحدود، السينيݣال ضايرة على بلاد آخرا من ݣاع الجوايه (هاد لبلاد جات داخلة فيها كاملة، من غير لغرب، اللي كيطل على لبحر)، و اللي هي ݣامبيا.

لبلاصة اللي فيها السينيݣال دابا تستعمرات من فرانسا ف لوسط د لقرن 19 (جوايه 1850)، و لكن شي بلايص ستعمراتهم بريطانيا (ولاّو مبعد هوما ݣامبيا). لحدود اللي تدارت ما بيناهم بجوج كانت هي باللي ݣامبيا غا تكون هي لبلاصة اللي ما بين 10 كيلوميطر من الشمال و لجنوب ديال لواد ݣامبيا، و داكشي لاخر هو السينيݣال. ستاقلات السينيݣال من فرانسا ف 20 يونيو 1960، و دارت دولة وحدا مع مالي كانت سميتها "لفيديرالية د مالي". هاد الدولة تفرقات مورا شهراين (20 غشت 1960)، و ولاّت كل وحدا فيهم بلاد.[1] ما بين 1982 و 1989 تجمعات السينيݣال و ݣامبيا ف بلاد وحدا كانت سميتها "سينيݣامبيا" و تا هي تفرقات. ف 1991 سيناو بجوج اتفاقية ديال الصحبة و لمعاونة بيناتهم، و اللي باقي متبعينها تال دابا.

تيسكنو ف السينيݣال تقريبا 16 لمليون د الناس، و لعاصمة ديالها هي داكار. اللغة الرسمية د لبلاد هي لفرانساوية (اللغة د لوولوف كاتخدّم بزاف تا هي)، و لفلوس اللي كيتخدّمو هوما لفرنك ديال غرب إفريقيا. السينيݣال دولة داخلة ف بزاف د لمنضمات الدولية بحال لأمم لمتحدة و لإتحاد لإفريقي و إيكوواس.

لعيون[بدل | بدل لكود]