الريش

الريش
‫الريش‬ (ar) ⴰⵔⵔⵉⵛ (tzm)
لبلاصة
لبلاد	لمغريب
لإقليم	إقليم ميدلت
السكان
شحال دالسكان	28,462 (2024)
شحال دلفاميلات	10,000 (2022)
معلومات خرين
الرمز لجغرافي	6546835

رّيش مدينة مغريبية و جماعة ترابية حضرية كاينة ف إقليم ميدلت، جهة درعا تافيلالت، ساكنين فيها 28.462 واحد، على حسب لإحصاء لعام 2024.

تعليم

• نسبة لأمية (نّاس لّي ما كايعرفوش يقراو ولا يكتبو) : 23,5%.
• نسبة سّكان لّي قاريين فوق ليسي (ليسي و جامعة): 21,3%.

قتيصاد

• نسبة نّاس نّشيطين (لّي يقدرو يخدمو): 37,6%.
• نسبة لبطالة (نّاس لّي ما خدامينش و تايقلبو على خدمة): 22,3%.
• نسبة نّاس اللي خدامين ف دّولة : 25,4%.
• نسبة نّاس اللي خدامين ف لپريڤي:39,6%.

ريش

رّيش (بلأمازيغية: أريش) كتعني “درع ديال صخر” أو تجمع ديال لحجر. تأسسات لمدينة على يد عشيرة آيت حاحو، من فرع آيت مومو زدكية. كاينة ف لامتداد لأول ديال لأطلس بين واد زيز أوواد سيدي حمزة، بين رّاشيدية (66 كلم) وميدلت (75 كلم). وكتعتبر ملتقى طّرق مهم كيربط مكناس، أو واحات تافيلالت، وتنغير عبر أسول وإملشيل. سّاكنة كتهضر ب لأمازيغية، ورّيش تابعة لإقليم ميدلت بجهة درعة تافيلالت. تأسسات لجماعة لحضرية فيها عام 1959.أو ولات بلدية سنة 1992.

نشأة

رّيش بدات بحال لقصر من لقرن 17، ودازت من مراحل ديال لهديم وتعاودات ف لبني. فـ1919، ف لاستعمار لفرنسي، تبنى مركز رّيش بمعسكرات وحي خاص ب ليهود ولمسيحيين، وكان لهدف هو تسهيل سّيطرة على جبال لأطلس لكبير شرقي. لبني ديال لمدينة تأتر ب لهندسة لأمازيغيةلمحلية، خاصة لقصبات ولقصورا.

سكان

أكترية ديال سكّان من قبيلة آيت إزدك، وكتعتبر رّيش مركز مهم بعد ميدلت ورّاشيدية. ومع لجفاف ف تمانينات ولهجرة لقروية، تزادو سكّان من قبال خرى بحال آيت حديدو وآيت مرغاد وآيت سغروشن وفيلالين.

لمآثر

فيها بزاف ديال لمعالم لتاريخية، منها: ـ إغرم ن ريش (ريش لقديم). ـ لكنيسة لكاثوليكية ف لحي لمسيحي لحي ديال ليهود ولبياعا ليهود ـ ضريح سيدي علي سهلي ـ لقوس (تقويسة) ولمدخل لقديم لمدينة ـ أو لقيسارية

طقس

أو لىّ لمناخ ف هو معتدل، حار ف صّيف وبارد ف شتا. كاين جبل لعياشي (3757 مترو) ليّ كيعطي واحد جمالية لمنطقة. تساقطات لمطرية مامنظماش (بين 60 و340 ملم سنويا). تلوج بين يناير وأبريل كيأتر على لفلاحة، ولكن تلوج كتعاون ملي كدوب ف لمخزون ديال لما. رياح لقوية كتجي من لجنوب ديال شرق ف صيف ومن شمال ديال لغرب ف لخريف.

تراب

كاين جوج أنواع ديال تراب رئيسيين: ـ تراب رملي (حوالي 95%). ـ تراب طيني (5%).

لموارد لمائية

لمنطقة فيها:

ـ واد زيز. ـ واد زّاوية. ـ واد نزالة ـ وحتى 234 أو محطة ضخ أو16 عين ديال لما.

لاقتيصاد

رّيش مركز ديال تّبادل تجاري بين لقبايل. ولأنشطة رئيسية:

ـ تربية لبهايم. ـ لفلاحة. ـ تّجارة. ـ صّناعة تّقليدية. لفلاحة كتركّز على ضفاف واد زيز، مع تّنوع ف لفلاحة، ولكن كاين تشتت ف لملكية لفلاحية.

صناعات لغذائية

كاينة وحدة لتبريد ديال تفاح (كانت كتهز حتى لـ1600 طن، ولكن توقفات)، وتعاونية ديال لحليب كتصدر لمكناس. وكاين حتى قطاع زّيتون ف لمعاصر تّقليدية وعصرية.

صّناعة تقليدية

رّيش معروفة ب صّناعة تّقليدية لمتنوعة ول غنية، بحال زرابي وجلالب، وخاص هاد ترات يتحافظ عليه حيت كيساهم ف تنمية لاقيصادية.ولكن بعض لحرف ولّات نادرة بحال لفخار ودباغا وصياغة لحلي.

سياحة

لموقع ديال رّيش ف لأطلس لكبير كيخلّيها منطقة سياحية مهمّا، رغم أنّها مازال ما مستغلاش مزيان. من أهم لمؤهلات ديالها:

ـ حمّامات مولاي علي شريف. ـ حمامات مولاي هاشم. ـ شلّالات تيوزكين. ـ جبل لعياشي. ـ زاوية سيدي حمزة. ـ قصبات ولقصور تّقليدية.

كاين حتى ماسم وتظاهرات تقافية ودينية، إضافة لـ4 ديال لفنادق و10 ديال لمطاعم ف لمدينة.

لاقتصاد

كيُعتبر مركز ريش واحد لملتقى مهم لتبادل تجاري وتقافي بين مختلف لقبايل لمجاورة. نشاطات رئيسية كتركز على تربية لمواشي، لمراعي ولفلاحة. وكتبين دراسات أن دخل سكان كيعتمد ب لأساس على تجارة، أو لبني، أو صناعة تقليدية لي كتشكل نسبة مهمة من لمداخيل.

لفلاحة

لفلاحة ف ريش كتنتاشر بزاف على ضفاف واد زيز، وكتتميز بتنوع زراعات بين لأشجار لمثمرة وزراعات الأخرى. ولكن كيبان فهاد نظام واحد تشتت كبير فملكية لأراضي وضيعات لفلاحية. أما تربية لمواشي ف كتعتمد خصوصاً على لغنم ولبقر عند لفلاحين لمتوسطين ولكبار.

من بعد لاستقلال، عرفات لمدينة واحد تطور مهم بفضل نمو سكاني ولهجرة لقروية، خاصة من بعد جفاف 1982، وهاد شي خلا يتدارو تجهيزات وبنيات تحتية جديدة ف لمنطقة.

صناعات لغذائية

تشجيع لمنتوجات لفلاحية كيشكل هتمام كبير عند لفلاحين لميسورين ف لمنطقة. دّارت وحدة لتبريد ديال تفّاح بطاقة استيعابية كتوصل حتى لـ1600 طن، وكانت كتزوّد لفنادق سياحية فميدلت وسيدي حمزة، ولكن ل لأسف ما بقاتش خدّامة. كاينة حتى تعاونية ديال لحليب كتنتج بزاف، وكيتسوق ف مدينة مكناس. أما فيما يخص زّيتون، كاينين معصارات تقليدية، وزادو حتى وحدة عصرية باش طحن زيتون مدعمة بوحدة شبه عصرية، دخّلها لمكتب لجهوي لاستتمار لفلاحي لتافيلالت ف إطار تجربة بين 1999 و2000 باش يتحسن إنتاج زيت زّيتون.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.