الأخ رشيد
الأخ رشيد
| ||
| معلومات عامة | ||
| زيادة | 1971 (52/53 عام) سيدي بنور | |
| لجنسية | لمغريب | |
| لحرفة | مبشر، كاتب، يوتوبر و مقدم تلفزيوني | |
| لّوغات لي كيعرف | عربية، لوغات أمازيغية و نڭليزية | |
| معلومات خرى | ||
| دين | مسيحية | |
| سّيت رّسمي | http://v1.brotherrachid.com/ar-jo/ | |
   
| ||
الأخ رشيد (ب نّݣليزية: Brother Rachid) هو إعلامي مغربي مسيحي سميتو لحقيقية رشيد حمامي تزاد ف عام 1971 ف سيدي بنور ف لمغريب، (كان باه إمام و مات ف 2016). عتانق رشيد لمسيحية[1] ف لبدية ديال شبابو حيت كان متأتر ب إداعة ف الراديو «مونتي كارلو-Monte Carlo» و خرج من المغرب ل قبرص و عاونوه أعيان الكنيسة حيت باه ماتقبلش بلي ولدو بدل دينو. ألف ربعة د لكتوبا كايدوي فيهم على دين لإسلامي وكان مقدم برنامج "سؤال جريء" على قناة الحياة المسيحية ولي كايدير فيها لمقارنة بين لمسيحية و لإسلام و كاينتاقدو، ودابا كايقدم برنامج "بكل وضوح" على قناة الكرمة و عندو قناة فليوتوب لي كايتلاحو فيها ݣاع لحلقات (من برنامج سؤال جريء تا لبرنامج بكل وضوح) سميتها "قناة الأخ رشيد Brother Rachid TV" وفايتة 300 ألف أبوني.
تزاد رشيد ف لمغريب ف فاميلة مسلمة محافضة وكبر ف دكالة. كان باه إمام. حفظ سدس د لقرآن فاش كان عندو ست سنين. قرا لقتيصاد ؤ لأنفورماتيك ف جامعة الحسن التاني ف الدار لبيضا. ف عام 1990، ؤ كان فعمرو تسعطاش لعام، تحول من الإسلام ل لمسيحية بعد ما درس لختيلافات بين هاد جوج ديانات بغرض باش يدافع على لإسلام ولكن خرج منو. فاش عرفوه والديه عتانق لمسيحية، جراو عليه من دار ومشا يعيش مع واحد لمبشر ولكن ضطر ف لخر يهرب من لمغريب. من بعد ما عرف بلي كتر من 30 مليون مغريبي (و حتا جزايري) ماكايفهموش لعربية (لفوصحة) لي تكتب بها لقرآن، ناض طرجم لقرآن بدارجة لمغريبية باش بزاف د لمسلمين يفهمو لقرآن و لكلمات ديالو، ويخرجو من دّين (كاينين ڤيديوات ف يوتوب كايشرح لقرآن ب دّاريجة).
- داعش و الإسلام: من منظور مسلم سابق (ب لعربية). Seattle : Water Life Publishing. 2016. ص. 493. OCLC 1246306336. ردمك 9781935577577.
- ^ "فرانس24، الأخ رشيد" (ب لعربية). 24 أبريل 2017. مأرشيڤي من لأصل ف 2023-05-30. تطّالع عليه ب تاريخ 2021-07-28.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |