إل ݣراندي طوطو

من ويكيپيديا
إل ݣراندي طوطو
إل ݣراندي طوطو
معلومات عامة
زيادة 3 غشت 1996 (27 عام)
الدار البيضا
لجنسية لمغريب
لحرفة راپور و فنان
لّوغات لي كيعرف عربية، الداريجة لمغريبية، لفرانساوية و نڭليزية
معلومات خرى
لألة صوت
IMDB: nm11397114 Instagram: elgrandetoto Youtube: UCVG705xosVltZb52R0hHr_g Spotify: 4BFLElxtBEdsdwGA1kHTsx Last fm: ElGrandeToto Musicbrainz: 49487c06-ec80-470d-9f97-e80649a05b90 Discogs: 6983326 Allmusic: mn0003808975 Deezer: 52463032 Modifica els identificadors a Wikidata



طه فحصي، لمعروف بإل ݣراندي طوطو (بلحرف اللاتيني: El Grande Toto) هو راپور مغريبي تولد نهار 3 غشت 1996 ف الدار لبيضا. فحصي هو أكتر واحد تسمع ف سپوتيفاي من ݣاع لفنانا اللي كيغنيو بشي لهجة عربية (تسمع كتر من 20 مليون مرة)، و تشافو لأغاني ديالو ف يوتوب كتر من 300 مليون مرة. طوطو تيغني بلعربية و لفرانساوية و لينݣليزية، و ربح ف 2020 لجائزة د أحسن مغني د لهيپ هوپ ف جوائز الترفيه لإفريقية د لميريكان.[1]

السمية[بدل | بدل لكود]

ختار طه فحصي سميتو الفنية "الكراندي طوطو" باش تشبه لسميت الراپور لي بان عام 2012 و2011 لي سميتو طوطو رينا، و هاد السمية كاتشير فنفس الوقت لرايس د المافيا الطاليانية طوطو رينا.[2]

حياتو[بدل | بدل لكود]

تزاد طه ؤ كبر فحي بنجدية فكازا، ماتت مو لي كبرات ففرنسا ؤ هو فعمر صغير بسباب لكونصير، كيف ما أثر عليه الحادث ديال الحريق ديال دارهم. كان طه فحصي من صغرو عزيز عيله الراپ ؤ كان تايشطح "الكرامپ".[3]

الجوائز والإنجازات[بدل | بدل لكود]

  • عام 2020 خدا جايزة أحسن فنان هيپ هوپ وراپور فمسابقة «جوائز الترفيه الإفريقية فالميريكان».[4]
  • الألبوم ديال طوطو «كاميليون» خدا عام 2021 المرتبة السادسة عالميا من بين أكثر الألبومات الجديدة لي تسمع ليها ف سپوتيفاي، وهو إنجاز ماشي مسبوق لأي مغني ف منطقة الشرق الأوسط وشمال إفريقيا.[5]
  • دخل عام 2021 لليستة د فوربس د نجوم الموسيقى ف العالم العربي، واللي فيها 50 أنجح مغني وفرقة موسيقية عام 2021.[6][7]
  • أول مغني راپ مغربي خدا جايزة "الأسطوانة الذهبية" عام 2022 على أغنية "لوڤ نوانتيتي" معا الفنان "سي كاي".[8]
  • صنفاتو وكالة المغرب العربي للأنباء أحسن شخصية فنية عام 2021 [3]
  • تتوج ف حفل جوائز الموسيقا الإفريقية "أفريما 2021" كأكثر الفنانين الأفارقا لي جايين.[3]

الخلافات[بدل | بدل لكود]

ف مؤتمر صحفي ف مدينة الرباط، نهار 24 شتنبر 2022، تسول طوطو على لكماية د الحشيش اللي تايجرمو القانون الجنائي المغريبي،[9] طوطو دافع على لكماية دالحشيش و قال:

«تانكمي الحشيش، ومن بعد؟ تانجيبو منين زعما؟ راه تانجيبو غير من الدورة، غير من كتامة، بيناتنا غير 300 كلم على فين كاين المنبع ديال الحشيش، معروفة عالميا، ؤ بنادم تايجي من العالم كامل باش يكمي الحشيش هنايا ... إلى جينا نقولو بلي بنادم تايتأثر بفنان، واش أنا كميت كثر من بوب مارلي؟ واش أنا كميت كثر من سنوپ ضوڭ؟ ... لكن ماشي ضروري هاد الناس لي خلاوني نكمي لحشيش ..."

شهر أكتوبر 2022 عتاذر طه فحصي بعد مادارت هضرتو المشاكل.[10] و تعتاقل بسباب الدعاوي لي ترفعو ضدو من عند تلاتة ديال الفنانين ؤ صحفي ؤ بوليسي، ؤ تفتح تحقيق فڭاع التصريحات ديالو لي قبل.[11] ڭال محامي طه بلي ماخاصش نخدموه كوسيلة لتصفية الحسابات السياسية.[12] بعد مدة تسحبو الدعاوي من المحكمة ب ستثناء الصحافي المغريبي لعايش فبلجيكا محمد تيجيني. و قررات النيابة العامة فالدار البيضا تطلق صراحو بكفالة 20 ألف درهم.[13]

موسيقتو[بدل | بدل لكود]

ألبومات [14][بدل | بدل لكود]

  • ألبوم "المحظور - illicit"
  • ألبوم "كامليون - cameleon"، لي فات 100 مليون سماع من نهار خرج، شي لي كيتّعتابر سابقة ف لعالم لعربي.[15]
  • ألبوم "27"

أغاني سينڭل[14][بدل | بدل لكود]

  • دلالي (مع حمزة- 2023)
  • ولد العدول (2023)
  • ديما باريو (مع 2023 - sazamyzy)
  • دروبا (2023)
  • كاليتي - Qualité (مع Fresh laDouille عام 2023)
  • RIP عام 2023
  • نية (مع نهير عام 2023)
  • ؤخوس سين فير - ojos sin ver (مع مراد عام 2023)
  • ريميكس شمال إفريقيا ( مع ليك عام 2023)
  • من يعلم (رفقة نيرو عام 2023)
  • طوني مونطانا (عام 2023 مع كوفس)
  • القليل - Low (عام 2023)
  • سييررر (2023)
  • حلمت 6 (2022)
  • خيال -  Silhouette (2022)
  • ڭوڤا - Gova (2022)
  • ڭول طاپي - Gueule Tapée (2022)
  • كومفورتر - Comforter (مع أيرا ستار عام 2022)
  • سالينا (2022)
  • هولا ويي  - Hola Ouais (رفقة يانسو 2022)
  • فيميجين - fumigène (2022)
  • كازابلانكا (2022)
  • هاو هاي - How high ( مع مورو عام 2022)
  • حلمت 5 (2022)
  • مش خالصة (مع ويجز 2021)
  • صالاد كوكو - Salade Coco (2021)
  • مغير (2021) (جا الرابع ف لأعمال الرايجة على "يوتوب" ف لعالم - 2021)
  • پابلو 2 (2021)
  • هلا هلا (2020)
  • لوڤ نوانتيتي (مع سي كاي - 2020)
  • كونفيني - Confiné (2020)
  • كريمينيل - Criminel (2020)
  • ميكاسا - Mikasa (2020)
  • ڤيطامين - Vitamine DZ
  • ددد DDD (مع الدون بيڭ 2020)
  • هورسيري - Hors Série (2020)
  • حلمت 4 (2019)
  • تشيكو - Chiico (2019 مع دوليبران)
  • كينيدي - Kennedy (2019 مع پيزا)
  • ڭروبيز - Groupies (2019)
  • بيضاوي (2019)
  • حلمت 3 (2019)
  • جمع و طوي (2018)
  • پيكولا Piccola (2018)
  • ڤيرسيس - Versus (2018)
  • أباش - Apach (2018)
  • حلمت 2 (2018)
  • لوكو -Loco (2018)
  • قودوها (2018)
  • سلاي (مع منال) - 2018
  • پابلو (2017)

عيون الكلام[بدل | بدل لكود]

  1. ^ "اختيار "طوطو" كأفضل فنان هيب هوب في افريقيا - لو 360 (2020)". مأرشيڤي من لأصل ف 2023-04-17. تطّالع عليه ب تاريخ 2022-01-23.
  2. ^ "Le Scan - Le podcast marocain de l'actualité - Affaire ElGrande Toto : quand le rap dérape ?". web.archive.org. 2022-11-06. Archived from the original on 2022-11-06. تطّالع عليه ب تاريخ 2023-11-27.CS1 maint: unfit url (link)
  3. ^ a b c Maroc24 (2022-02-03). "El Grande Toto :الدافع الرئيسي لمسيرتي الفنية كان حب الثقافة وحب الموسيقى وحب المغرب". Maroc24 (ب لعربية). تطّالع عليه ب تاريخ 2023-11-27.
  4. ^ اختيار "طوطو" كأفضل فنان هيب هوب في افريقيا - ال360 (2020) مؤرشف 2021-10-11 فموقع وايباك ماشين
  5. ^ كاميليون | الجراندي طوطو - معازف (2021) مؤرشف 2021-10-11 فموقع وايباك ماشين
  6. ^ طوطو وبهاوي ولمجرد ضمن قائمة "فوربس" لأنجح نجوم الفن - ال360 (2021) مؤرشف 2021-04-12 فموقع وايباك ماشين
  7. ^ إل كراندي طوطو - لائحة فوربس (2021) مؤرشف 2021-10-11 فموقع وايباك ماشين
  8. ^ "بالصور: الرابور "طوطو" يحصل على جائزة "الأسطوانة الذهبية" | www.le360.ma". web.archive.org. 2022-05-16. Archived from the original on 2022-05-16. تطّالع عليه ب تاريخ 2023-11-27.CS1 maint: unfit url (link)
  9. ^ "وزارة العدل". web.archive.org. 2022-11-06. Archived from the original on 2022-11-06. تطّالع عليه ب تاريخ 2023-11-27.CS1 maint: unfit url (link)
  10. ^ "مهرجان البولفار وتصريحات طوطو: حفلة موسيقية في المغرب تنتهي بـ"أعمال عنف وتحرش" - BBC News عربي". web.archive.org. 2022-10-27. Archived from the original on 2022-10-27. تطّالع عليه ب تاريخ 2023-11-27.CS1 maint: unfit url (link)
  11. ^ ""الكراندي طوطو": مغني الراب المغربي الشهير يواجه تهما بالقذف والتهديد ومنعا من السفر - BBC News عربي". web.archive.org. 2022-11-05. Archived from the original on 2022-11-05. تطّالع عليه ب تاريخ 2023-11-27.CS1 maint: unfit url (link)
  12. ^ Empty citation (معاونة)
  13. ^ "Rapper Toto released on bail as case unfolds". web.archive.org. 2022-10-26. Archived from the original on 2022-10-26. تطّالع عليه ب تاريخ 2023-11-27.CS1 maint: unfit url (link)
  14. ^ a b "Spotify". open.spotify.com. تطّالع عليه ب تاريخ 2023-11-27.
  15. ^ Empty citation (معاونة)

شوف تا[بدل | بدل لكود]