انتقل إلى المحتوى

إل ريسيطاس

من ويكيپيديا
إل ريسيطاس
معلومات عامة
زيادة5 أبريل 1956
سيڤييا
لموت28 أبريل 2021 (65 عام)
سيڤييا
طريقة دلموتموتة طبيعية
سباب لموتنوبة قلبية
لجنسيةسپانيا
لحرفةفكاهي، مومتيل، فنان كوميدي و ميم إنترنت
لّوغات لي كيعرفصبليونية
معلومات خرى
دينكاطوليكية
IMDB: nm1889162 Modifica els identificadors a Wikidata


خوان خويا بورخا، تولد فـ5 أبريل 1956 ف سيڤيا ؤ مات فـ28 أبريل 2021 ف نفس لمدينة[1]، كان فنان كوميدي ؤ ممتيل صبليوني معروف كتر بسميت إل ريسيطاس. خدا شعبية كبيرة ف 2015 بسباب بزاف د لميمز مبنية على لحوار لي دار ف يونيو 2007 ف لبرنامج د راطونيس كولوراوس معا خيسوس كينطيرو.[2]

حياتو

[بدل | بدل لكود]

تزاد خويا ف سيڤيا ف 5 أبريل 1956.[3] كان عندو بزاف د لخدامي ف حياتو، من بينهم طياب ؤ لخويان د لخناشي د سيمة.[4]

أول مرة بان ف تلفازة كان ف عام 2000، ف لبرنامج د خيسوس كينطيرو إل ڤاݣاموندو، فين دار حوارات على وضعيات مختالفة د لحياة مع شريكو "إل پييطو" ولا "إل كونياو"، ب طريقة كوميدية.[3] ولا معروف ب ضحكة ديالو لي ب نبرة عالية مع تصفار (لي وصفها جورنال لݣارديان دايرا بحال "دلفين ب لعادة 20 ف نهار"[2])،هادشي لي خلا يسميوه ب "إل ريسيطاس"[5] ("سي ضحكة" ب داريجة). بان حتا ف لفيلم لي خرج ف 2005 طورينطي 3: إل پروطيكطور. ملي ولا معروف ف لعالام كامل جوايه 2015، ولا كيدير حتا عروض ل شركات خارج صبانيا، بحال متلان واحد لإشهار فينلاندي.[6]

ميمز د لحوار د راطونيس كولوراوس

[بدل | بدل لكود]

ف يونيو 2007، بان خويا ف لبرنامج د راطونيس كولوراوس معا خيسوس كينطيرو ؤ هضر على واحد لحادتة وقعات ملي كان خدام ف ريسطورا كيغسل لواني. لقيصة هي باش/بلي راه خلا شي مقالي د لپاييلا ف ليل ف لبحر باش يتغسلو راسهم، ؤ ملي رجع ف صباح باش ياخدهم، لقاهم داهم لما د لبحر مع لمد. ملي كان كيعاود لقيصة كان كيقطعها بزاف د لمرات ب ضحكة ديالو لمعلومة.[2] تحط لڤيديو لأصلي ف يوتوب نهار 25 يونيو 2007، ؤتشاف كتر من مليون مرة قبل تمن سنين من ما بان لميمز.[7]

ف مارس 2014، خداو لإخوان لمسلمين لقطات من لحوار باش يضحكو على رائيس لميصري عبدلفتاح سيسي.[8] خرجو حتا نسخ اخرا كاتضحك، ؤ غالبا ما كاتكون على تيكنولوجيا ؤ لعاب.[2] أكتر نسخ د لڤيديو تشافت د خويا مطرجمينو كانت د شي مصمم د لكارطة د روسوم نڤيديا جيفورص جي تي إكس، ؤ مصمم د تيم فورطريس 2، وموضاف د ڤالڤ كيناقش ضوطا 2، ؤ ممتيل د كانون كيناقش كاميرا C300، وموضاف د إكس بوكس لايڤ كيوصف نيضام د لمنصة، ولا مصور د سينيما كيوصف تصوير ب لكاميرا لحمرا.[9]

ف مارس 2015،  خدا لميمز هتيمام كبر مورما تطلق لماك بوك د 2015، ؤ ترجم خويا لشي مصمم د لپروطوتيپ. شي شهورا مورما تحط، تشاف لڤيديو كتر من خمسة د لمليون مرة ف يوتوب.[10] تقارن تأتير د لميمز ب نسخ لي كاتضحك د دراما لحربية د عام 2004 ضاونفول (طيحة)، فين بزاف د لمشاهد د  لفيلم تكتبات  ب نفس الطريقة د تحريف طرجمة.[2]

تنشر ميمز أخور مشهور ف أبريل 2015 كيضحك على قضية سياسية ف سلوڤاكيا معروفة بسميت قضية ڤاهوستاف،[11] فين ترجم خويا لممتيل لكوميدي سلوڤاكي لمعروف يانو ݣوردوليس. ف يونيو 2016، تخدمات لڤيديو باش ضحك على لقرار د لخروج د بريطانيا من تيحاد الأوروپي، فين بان إل ريسيطاس بلي كان موستشار د دايڤيد كاميرون ف تخطيط لحملة د لخروج د بريطانيا من تيحاد الأوروپي.[11]

ف 2019، تزادت تصويرة تابتة مكبرة لوجه، بسميت KEKW، بحال تعبير د طرف تالت ف تويتش على فرانكرفايسزي. من أبريل 2021، كتر من 100000 قناة ف تويتش خدمات داك تعبير.[12] ب كتر من 400 مليون ستيخدام ف شاط، مكلاسي تعبير ف لبلاصة لعاشرة بين تعبيرات د فرانكرفايسزي لي مستعملة بزاف.[13][14]

صحة ؤ لموت

[بدل | بدل لكود]

ف شتنبر 2020، دخل خويا ل صبيطار دي لا كاريداد ف سيڤيا، فين دار عملية على مشكلة ف لأوعية ديال دم ؤ ضطرو يحيدو ليه رجل.[15]

قل من عام موراها، ف ضهور د 28 أبريل 2021، داو خويا من صبيطار دي لا كاريداد ل صبيطار لجاميعي بيرخين ديل روسيو، مورما تكفسات لوضعية ديالو. توفا مور ضهور د داك نهار بسباب مضاعفات د لمرض ف عمرو تقريبان 65 عام.[16]

أفلام

[بدل | بدل لكود]
  • 2005: طورينطي 3: إل پروطيكطور[17]

تلفازة

[بدل | بدل لكود]
  • 2000–2002: إل ڤاݣاموندو،[17] كانال 2 أندالوسيا
  • 2002–2005: راطونيس كولوراوس، كانال سور طيليڤيزيون[5]
  • 2006–2007: إل لوكو دي لا كولينا، لا1[5]
  • 2007–2012: إل ݣاطوپاردو، كانال سور[5]

مصادر

[بدل | بدل لكود]
  1. ↑ Sevilla، Diario de (5 أبريل 2019). "El Risitas confirma que "los franceses están locos" (con él)". Diario de Sevilla. مأرشيڤي من لأصل ف 2023-02-17. تطّالع عليه ب تاريخ 2021-04-30.
  2. 1 2 3 4 5 Parkinson، Hannah Jane (13 مارس 2015). "Apple engineer spoof video: is Spanish Laughing Guy the new Downfall?". The Guardian. مأرشيڤي من لأصل ف 31 مارس 2019. تطّالع عليه ب تاريخ 13 مارس 2015.
  3. 1 2 "Fallece el humorista Juan Joya Borja, 'El risitas'". La Vanguardia (ب صبليونية). 28 أبريل 2021. مأرشيڤي من لأصل ف 29 أبريل 2021. تطّالع عليه ب تاريخ 28 أبريل 2021.
  4. ↑ "Noche de humor este sábado con 'El Risitas' en Nerva" (ب Spanish). huelvaya.es. 13 أكتوبر 2015. مأرشيڤي من لأصل ف 29 نونبر 2020. تطّالع عليه ب تاريخ 28 أبريل 2021.CS1 maint: unrecognized language (link)
  5. 1 2 3 4 "Muere Juan Joya, 'El Risitas', que alcanzó la fama con Jesús Quintero". EL PAÍS (ب صبليونية). 28 أبريل 2021. مأرشيڤي من لأصل ف 28 أبريل 2021. تطّالع عليه ب تاريخ 28 أبريل 2021.
  6. ↑ "'El Risitas' triunfa en Finlandia con un anuncio de pizzas" (ب Spanish). 20 minutos. 21 أكتوبر 2015. مأرشيڤي من لأصل ف 29 أبريل 2021. تطّالع عليه ب تاريخ 19 شتنبر 2018.CS1 maint: unrecognized language (link)
  7. ↑ El Risitas, Jesús Quintero (24 يونيو 2007). Risitas y las paelleras [Risitas and paelleras (paella pans)] (Television production) (ب Spanish). Spain: Canal Sur (broadcaster), video via Jesús Quintero's YouTube channel. مأرشيڤي من لأصل ف 15 أكتوبر 2023. تطّالع عليه ب تاريخ 12 أبريل 2015.CS1 maint: unrecognized language (link) Note: The date value is the video upload date on YouTube.
  8. ↑ "Viaje a Egipto del 'Risitas' y los 'Hermanos Ubnormales'" (ب Spanish). El Mundo. 4 يونيو 2014. مأرشيڤي من لأصل ف 23 يونيو 2016. تطّالع عليه ب تاريخ 13 مارس 2015.CS1 maint: unrecognized language (link)
  9. ↑ Hardy، Robert (14 مارس 2015). "Hilarious Parody Video: DP Discovers That He Has to Shoot on a RED Camera". nofilmschool. مأرشيڤي من لأصل ف 31 مارس 2019. تطّالع عليه ب تاريخ 12 أبريل 2015.
  10. ↑ "'El Risitas' sorprende en Estados Unidos como ingeniero de Apple" (ب Spanish). Europa Press. 12 مارس 2015. مأرشيڤي من لأصل ف 13 مارس 2015. تطّالع عليه ب تاريخ 13 مارس 2015.CS1 maint: unrecognized language (link)
  11. 1 2 "(Risitas Parody) Brexit, UK leaves the EU".
  12. ↑ "KEKW". مأرشيڤي من لأصل ف 29 أبريل 2021. تطّالع عليه ب تاريخ 27 أكتوبر 2019 – على طريق FrankerFaceZ.
  13. ↑ "KEKW". مأرشيڤي من لأصل ف 11 يونيو 2020. تطّالع عليه ب تاريخ 1 غشت 2020 – على طريق SlangLang.
  14. ↑ StreamElements. "Twitch Emotes Tracking Chat Stats by StreamElements". StreamElements (ب نڭليزية). مأرشيڤي من لأصل ف 28 أبريل 2021. تطّالع عليه ب تاريخ 29 أبريل 2021.
  15. ↑ "El Risitas, ingresado en Sevilla tras sufrir la amputación de su pierna" (ب Spanish). 13 شتنبر 2020. مأرشيڤي من لأصل ف 29 أبريل 2021. تطّالع عليه ب تاريخ 15 شتنبر 2020.CS1 maint: unrecognized language (link)
  16. ↑ Ybarra Bores، Pedro (28 أبريل 2021). "Muere 'el Risitas'" ['El Risitas' dies]. ABC Sevilla (ب صبليونية). مأرشيڤي من لأصل ف 28 أبريل 2021. تطّالع عليه ب تاريخ 28 أبريل 2021.
  17. 1 2 "Muere el 'Risitas' con 65 años, el del famoso 'cuñaooooo'". RTVE.es (ب صبليونية). 28 أبريل 2021. مأرشيڤي من لأصل ف 29 أبريل 2021. تطّالع عليه ب تاريخ 28 أبريل 2021.
Wikimedia Commons ويكيميديا كومنز عندا تصاور و معلومات على إل ريسيطاس.
مرجّعة من "https://ary.wikipedia.org/w/index.php?title=إل_ريسيطاس&oldid=449043"