إزنزارن

إزنزارن
معلومات عامة
نوع د لفرقة	فرقة د لموسيقا
لّوغة د لغنا	تاشلحيت
تاريخ د لبدية	1969

عبد الهادي إݣوت فواحد لمهرجان

إزنزارن (بالشلحة: ⵉⵣⵏⵣⴰⵔⴻⵏ) هي واحد لمجموعة موسيقية أمازيغية مغربية تاتغني بلأمازيغية, تأسسات ف 1972 فأݣادير.

شويًا من مورا ما تأسسًات لمجموعة, ماتفاهموش شي أعضاء فيها على كيفاش باغين يخدمو, حيث كاين اللي بغا يخدم فلموسيقا لملتازمة, وكاين اللي بغا يخدم على لموسيقا د النشاط ولعراس. ف 1975, تقسمات لمجموعة على جوج مجموعات, اللي هوما: إزنزارن عبد الهادي, و إزنزارن الشامخ.

التفسير د السًمية

إزنزارن تاتعني بالشلحة لأشعة د الشمش. ملًي كانت أتبدا لمجموعة, كان خاصهم يختارو سمية. فاللول كانت عندهم تلاتا د ليختيارات, اللي هي: إزنزارن, لمجاديل ولاً إمنارن. ختارو إزنزارن, وهي السميًة اللي باقا عندهم تال دابا.

أعضاء لمجموعة

اللًي أسسوها

لأعضاء اللًي أسسو لمجموعة فاللول كانو هوما:

• عبد لعزيز الشامخ.
• لحسن بوفرتل.
• عبد الهادي إݣوت.
• مصطفى الشاطر.
• مولاي إبراهيم الطالبي.

اللًي جاو من بعد

لأعضاء اللًي جاو جداد من بعد هوما:

• محمد حنفي.
• حسن بيري.
• عبد الله أوبلعيد.

لأغاني ديالهم

إزنزارن عندهم بزاف د لأغاني لمعروفة بحال:

• إمًي حنًا
• الزين
• واد إتمودًون
• ألݣماض

عيون لكلام

تقدر تزيد شوف بزاف د تّصاور و لمعلومات ديال Izenzaren ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.