إثران
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
إثران
| ||
| ||
| معلومات عامة | ||
| نوع د لفرقة | فرقة د لموسيقا | |
| لبلاد | لمغريب | |
| لّوغة د لغنا | تاريفيت | |
| تاريخ د لبدية | 1984 | |
إثران (بالريفية: ⵉⵝⵔⴰⵏ) هي واحد لمجموعة موسيقية مغربية تاتغني بلأمازيغية، تأسسات ف 1984 ف الناظور، من 6 د الصحاب. لقايد د لمجموعة، و واحد من لمؤسسين اللّوالا ديالها هو ميمون الرحموني، اللي ساكن دابا ف بلجيكا. خرّجات إثران كتر من 20 سيدي و كاسيطة من نهار بدات، و الستيل ديالها كيجمع ما بين لأغاني التقليدية د الريف، و لڭيطار ديال الضو و السنتير.[1]
إثران تاتعني بالريفية (و تا باللهجات لأمازيغية لخرة) "النجوم".
تأسسات إثران من 6 د الصحاب من الناظور، اللي هوما:[2]
- ميمون الرحموني - ساكن ف أنڤرس ف بلجيكا: من مواليد 1963 ف آيت سيدال إقليم الناظور، هو واحد من لي أسسو فرقة "أسَّام" عام 1978. منبعد دخل مع فرقة "إريزام" عام 1979، قبل ما يشكل واحد الثنائي مع الفنان حسن تبرينت، ف حققو الجائزة اللولة ديال لأغنية الشعبية لملتازمة ف 1980 ف مدينة الدارلبيضا. شي لي خلا المسيرة الغنائية ديالو تكون أكثر شعبية و شهرة هو التأسيس ديالو لمجموعة "إثران" ف 1984، لي خلا منها وحدة من أبرز المجموعات الغنائية الأمازيغية الريفية على الإطلاق.
- دحمان
- فيصل حمدي - لمعروف ب تومات (لخاوا بالريفية) - ساكن ف لوڤن ف بلجيكا
- قادر - ساكن ف بروكسيل
- حسن - ساكن ف نوس ف ألمانيا
- نور الدين - ساكن فالناظور
إثران خرجات أول ألبوم ديالها ف 1986، و عندها بزاف د لأغاني لمعروفة بحال:
- ⵢⵓⵛⵉ ⵛⵎ ⴱⴰⴱⴰⵎ - يوشيشم بابام (عطاك بّاك)
- ⵡⴰⵅⴰ ⵏⵣⵡⴰ ⴰ ⴰⵎⴰⵏ - واخا نزوا يامان (واخا قطعنا لما)
- ⵔⵄⵡⵉⵏ - رعوين (الريح)
- ⵉⵎⴷⵔⴰⵡⵏ - إمضراون (لمشاركين)
- ⵉⵏⵏⴰ ⵉⵢⵢⵉ ⴷ ⵉⵊⵊⵏ ⵡⴰⵡⴰⵔ إناييد ديجن واوار (قولو هضرة وحدا)
- ^ "مجموعة إثران - المهرجان الكبير للثقافة الأمازيغية - مجلس الجالية المغربية بالخارج (2014)" (PDF). مأرشيڤي (PDF) من لأصل ف 2023-09-04. تطّالع عليه ب تاريخ 2023-09-04.
- ^ "إثران - لمجموعة لأسطورية الريفية - فاظمة - بلفرونسي (2010)". مأرشيڤي من لأصل ف 5 شتنبر 2023.
 هادي زريعة ديال مقالة خاصها تّوسع. تقدر تشارك ف لكتبة ديالها. |