ؤطاكو

من ويكيپيديا
حي أكيهابارا ف جّاپون، واحد من أهم لبلايص كيمشيو ليهم لؤطاكو

ؤطاكوجاپونية お宅 ؤلا オタク ؤلا ヲタク) هيّا واحد لكلمة أصلها جاپوني كتݣال ف لمغريب ؤ ف بزاف د لبلدان علا نّاس لي عزيز عليهوم لأنيمي ؤلا لمانݣا. ف جاپونية كتشير ل أي واحد عندو هواية كيحماق عليها، بحال لّوعاب د تيليجو، ؤ كيتبع لجديد ؤ لأخبار ديالها ؤ ف بعض لمرات كيشري أي حاجة متعلقة ب ديك لهواية. كتكوّن هاد لكلمة من جوج د لمورصوات: مورصو ؤ كيعني تّفخيم ؤ مرصو طاكو لي كيعني دّار ب جّاپونية (ؤطاكو هي طريقة مأدبة ؤ مصوابة باش تݣول ل شي واحد دارك ؤلا نتا). لمقابل ديالها ب نݣليزية هوّا ݣيك Geek.

كلمة ؤطاكو تستعملات ل أول مرة بشكل رسمي ف مقال ديال صّحفي أكيو ناكاموري نشرو ف 1983 ب عنوان おたくの研究 (دراسة ديال لؤطاكو)، ؤ من تماك ولّات منتاشرة بزاف. قبل من داكشي كانو شلّة د لكلمات موجودين ف جّاپون كيشيرو ل هاد نّوع د نّاس.[1] كلمة ؤطاكو ف تّمانينات كان عندها معنى شوية تحقيري ؤ كانت كتشير ل ناس عندهم مشاكل نفسية ؤ جتيماعية، نعيزاليين ؤ مهووسين ب لهواية ديالهم. معا مرور لوقت، سيرتو معا لنتيشار د لأنترنيت ولّا عندها معنى إيجابي. ؤ معا ولّات طبقة كبيرة ديال لؤطاكو ف جّاپون ؤ علا برا، ولّات صناعات خاصة باش تلبي رّغبات ديالهم، من لإنتاج ديال لأنيميات، لمانݣات، لپوسطيرات، تّماتيل ديال شّخصيات، لّبسات ؤ غيرهم. لحجم ديال سّوق ديال لؤطاكو تقدّر ب 2 ترليون ين جاپوني ف 2003، ؤلا 18 مليار دولار ميريكاني.[2]

عيون لكلام[بدل | بدل لكود]

  1. ^ "Otaku Research #1 "This City is Full of Otaku" by Nakamori Akio" (ب نݣليزية). مأرشيڤي من لأصل ف 2023-06-10. تطّالع عليه ب تاريخ 2020-02-18.CS1 maint: unrecognized language (link)
  2. ^ "Otaku Business Gives Japan's Economy a Lift" (ب نݣليزية). 30 غشت 2005. مأرشيڤي من لأصل ف 2023-04-09. تطّالع عليه ب تاريخ 2020-02-18.CS1 maint: unrecognized language (link)
Wikimedia Commons تقدر تزيد شوف بزاف د تّصاور و لمعلومات ديال Otaku ف ويكيميديا كومنز.
هادي زريعة ديال مقالة خاصها تّوسع. تقدر تشارك ف لكتبة ديالها.