أيل لأطلس
أيل لأطلس
| ||
| ||
| معلومات عامة | ||
| سمية لعيلمية | Cervus elaphus barbarus (إدوارد تورنر بينيت، 1833) | |
| لخاصية د ترتاب | نوع تحتاني | |
| تابع ل | أيل حمر | |
أيْل لأطلس (السمية لعيلمية: Cervus elaphus barbarus، سيرڤوس إلافوس بارباروس)، هو نوع فرعي ديال لأيل لحمر، مستوطن أصلي ف جبال لأطلس ف لمغريب و شمال إفريقيا. هو النوع د لأيل لوحيد لي باقي مستوطن إفريقيا. هاد لحيوان كاين ب عداد قلال ف شي محميات ف لمغريب بحال تازݣة و كايتعتابر من لحيوانات لمهددين ب النقيراض.[1]
أيل لأطلس صغير ب لموقارنة معا لأيل لحمر لعادي. لکسدة ديالو ملونة ب لقهوي غالق معا شوية د النقاط بويض ف كرشو و ضهرو. مقارنة ب لأيل لحمر، لݣرون د لأيل لأطلسي صغار.
لمفتارسات د أيل لأطلس منها، ولا كان منها، سبع لأطلس، دب لأطلس، نمر لأطلس (ليوپار)، و الديب لإفريقي ولا كيف ما كانعيطو ليه الديب. ولكن آپار من الديب لإفريقي، ݣاع هاد لمفتارسات مهددين ب النقيراض ولا ديجا نقارضو بحال الدب لأطلسي، ف لبلايص لي كايكون فيهم لأيل لأطلسي.
نقارض لأيل لأطلسي من لمغريب ف اللخر د لقرن 19،[2] منين جاو الصبليون ف الشمال د لمغريب، جابو معاهوم نوع قريب ليهوم جينيا هو لأيل لأوروپي.
عام 1994، كلّفات لمندوبية السامية ل لمياه و لغابات شركة مغريبية-آلمانية، ب تخصاص ݣطار و نص مسيّج ف لمحمية د تازݣة (لي مساحتها تقريبا 14 لألف ݣطار). جابو 8 من لأيايل لأطلسية لمنقحين جينيا من تونس، 2 دكور و 6 د النتوات، و طلقوهوم ف ديك لرض لمسيّجة لمخصوصة ليهوم، موراها بعام جابو 10 خرين و زادو لݣطارات، حتى بداو كايكترو ل 71 راس ف عام 2005.
ف عام 2019، كاين تقريبا 250 راس ف محمية تازݣة، و محمية الصخيرات و محميات خرين، بحال محمية جبل بوهاشم (تقريبا 8000 ݣطار) لي تطلق فيها هاد النوع ف 2020،[3] بعد ما نقارض منها 150 عام قبل. بدات لعملية ب قنص ݣاع لي بقى من لأيايل لأوروپية لي مامأصلاش ف لمغريب، باش يقدرو يمنعو لمجاوجة بينات لأيايل لأطلسيين و لوروپيين، لي غاتودي لتكرويزات بينات النواع ب جوج.
أبرز مسبب ل لموت ل أيل لأطلس هوما لقناصا ب السلاح. وقفو الجونضارم لملكي د إقليم تازة، ف 21 ماي 2023، عيصابة ف حالة تالبوس، و هوما كايسلخو واحد لأيل مورا ما دبحوه و قنصوه ب السلاح.[3]
- ^ "Barbary stag (Cervus elaphus barbarus)". U.S. Fish and Wildlife Service (ب نڭليزية).
- ^ "إطلاق مجموعة من الأيائل البربرية بمحمية بوهاشم بإقليم تطوان". Map Ecology (ب لعربية). 2020-12-25. تطّالع عليه ب تاريخ 2024-07-04.
- ^ a b الشكوري، كمال (2023-05-22). "صيد الأيل البربري يوقع 4 أشخاص في قبضة الدرك الملكي بواد أمليل". خبايا نيوز (ب لعربية). تطّالع عليه ب تاريخ 2024-07-04.