أولوز

أولوز
‫اولوز‬ (ar) ⴰⵡⵍⵓⵣ (tzm)
لبلاصة
لبلاد	لمغريب
لإقليم	إقليم تارودانت
السكان
شحال دالسكان	15,383 (1994)
شحال دلفاميلات	4,605 (2024)
معلومات خرين
توقيت ديال لمدينة	ڭريتينش (توقيت قياسي) ڭرينيتش + 1 (التوقيت د الصيف)
الرمز لجغرافي	2557533 و 6546373

أولوز مدينة مغريبية و جماعة ترابية حضرية كاينة في إقليم تارودانت، جهة سوس ماسة، ساكنين فيها 17351 نسمة، على حسب الإحصاء العام 2014.

أحواش، أولوز، لمغريب

كتاب عن لمغريب، لأطلس

نخيل لواحة، أولوز

لبير، أولوز

فيرمة، أولوز، مغريب

إحصائيات

• نسبة الأمية: 38,2%.
• نسبة سكان لّي قاريين فوق ثانوي (ثانوي و جامعة): 9,4%.
• نسبة نّاس نّشيطين (لي يقدرو يخدمو): 40,2%.
• نسبة لبطالة: 12,7%.
• نسبة نّاس لّي خدّامين في الدولة (أولا لبيطاليين لّي سبق ليهوم خدمو): 10,9%.
• نسبة نّاس لّي خدامين ف لخصوصي (أولا لبيطاليين لّي سبق ليهوم خدمو): 39,1.

تعريف أولوز

أولوز هي مدينة مغربية كاينة ف إقليم تارودانت، تابعة لجهة سوس ماسة ف لجنوب ديال لمغريب. بعيدة على مدينة تارودانت بحوالي 80 كيلومتر. أولوز كانت ف لأصل جماعة قروية، ومن بعد ولات جماعة حضرية عام 2008. وكيبلغ عدد سّكان ديالها 17,409 نسمة حسب لإحصاء لعام لسكّان والسكنى ديال سنة 2014.

لمدينة معروفة بتوفرها على موارد مائية مهمة، حيت كاين فيها سد أولوز وسد لمختار سّوسي. وكتشتهر بأن فيها بزاف ديال معاصر زيت زيتون، وبأشجار لوز ولأركان.

تسمية

أولوز هي كلمة أمازيغية، وكيترجح ب لي لأصل ديالها كيرجع لجوج احتمالات:

• لاحتمال لأول: جاية من تعبير الأمازيغي "أوي لوز"، بمعنى دي معاك شوية ديال لوز، حيث لمنطقة معروفة بزراعة لوز، وكان كيتقدم كهدية لزوّار.

• لاحتمال ثّاني: جاية من كلمة أبلوز، ومعناها لغيس، حيت لمنطقة كتكتر فيها لغيوسات وقت الشتا. وكاين دليل على هاد شي ف اسم حي معروف بــ أگادير نبلاز، بمعنى حصن لأوحال.

وكيتعتابر لاحتمال لأول هو لأقرب للصواب. وف تسمية أولوز كلمة أمازيغية، وكيتنطق لاسم ديالها بتفخيم لّام وبزاي مفخمة ومشمومة. وكاينين جوج احتمالات ف الأصل ديال هاد تسمية.

وكيتعتابر لاحتمال لّول هو لأقرب لصواب. وما معروفش ب ضبط فوقاش تعطا لهاد لمنطقة هاد لإسم، حيت كانت معروفة من قبل باسم راس لواد، يعني منبع وادي سوس. وف لقديم من شحال هادي كانت لمنطقة معروفة ب اسم راس لواد، يعني وادي سوس.

أحياء لمدينة

من لأحياء ديال مدينة أولوز/Oulouz: حي تمكوت نوزرو، تمكوت نوعرابن، حي تبرسمومت، حي أندا، حي أسراكن، حي أگادير نسكتي، حي تگاديرت، حي أسكن، حي أگادير نبلاز، حي زاوية أمزيل، حي أيت مولاي علي، حي أيت ملاي فضيل، حي تمدغارت، حي تزمورت، حي أيت محمد أعلي، حي زاوية اكضاض، حي تركانت، حي أمخرس، حي أوسلا، حي تدارت، حي أدوز، حي الجردة، حي أورير، حي تغزوت، لحي لإداري، حي لبور، حي أمغلي، حي تكركوست، حي تمكوت جديد، حي دار جديدة، دّرب جديد، حي تدلي، وحي أماري.

مشاكل لمدينة

حيت كانت أولوز من قبل جماعة قروية ؤلا ولّات من بعد جماعة حضرية، ف لمدينة كتعاني من بزاف ديال لمشاكل، خصوصاً لي عندها علاقة ب لبنيات تّحتية، بحال قلّة طّرقان لمعبدة، وانعدام تطهير سائل، ومشكل تدبير نفايات صّلبة.

وباش يتجاوزو بعض هاد لإكراهات، دار لمجلس لجماعي ديال أولوز خطوة باش يشري عقار لمساحة ديالو 10 هكتارات، من أجل لبني محطة ديال معالجة لمياه لعادمة.

نقل ولمواصلات

يمكن لوصول لمدينة أولوز بسهولة عبر طريق لوطنية رقم 10. وكيدوزو منها طوبيسات لنقل لمسافرين لمدون أخرى بحال دار لبيضا، تارودانت، أگادير، وارزازات. ؤكاينين حتى طاكسيات لكبار، ؤنقل لمزدوج.

تقدرو تلقاو تصاور زوينين بزاف تّصوّرو تقريباً فـ سنة 1927 فـ أولوز، عند لقايد لعربي دردوري، وموجودين فـ أرشيف دار تصوير ديال مراكش.

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.