أحمد جواد
أحمد جواد
| ||
 | ||
| معلومات عامة | ||
| زيادة | 9 أكتوبر 1961 ولاد حسين | |
| لموت | 2 أبريل 2023 (61 عام) الرباط | |
| طريقة دلموت | نتيحار | |
| سباب لموت | حروق من الدرجة التالتة | |
| لجنسية | لمغريب | |
| لحرفة | مومتيل و كاتيب مسراحي | |
| لّوغات لي كيعرف | عربية | |
أحمد جواد (مزيود ف ولاد حسين ف 9 أكتوبر 1961، توفّى ف 2 أبريل 2023 ف الرباط) كان مومتيل و كاتب مسراحي مغريبي. ف 27 مارس 2023، شعل ف راسو لعافية قدام لمبنى ديال وزارة التقافة، باش يحتج على ما عتابرو تهميش ليه و ل لأعمال ديالو، و كان ديجا كيهدد باش يحرق راسو ل نفس لأسباب من 2013.[1]
أحمد جواد مجوج ب لفنانة علية جبور، و عندهوم جوج ولاد.
أحمد جواد تّولد ف جماعة ولاد حسين لي تابعة ل إقليم الجديدة، و كان عندو 4 د لخوت و 4 د لخواتات. بّاه كان خيّاط و فلاح. كبر مابين الجديدة و الدوار ديالهوم لي كان بعيد ب 20 كيلوميطر على لمدينة. على 14 عام خرج من لقراية، ملي كان ف لعام التاني د لكوليج، باش يلتاحق ب دار الشباب ف الجديدة. ف لخزانة د لكتوبا ديالها تعرّف على لمسرح على طريق لكتابات ديال موليير، شيكسپير و لكاتب السوري سعد الله ونوس.[2]
بدا أحمد جواد لكاريير ديالو ف مسرح لهواة، و كان موضّاف ف مسرح محمد لخامس.[3] شارك ف بزاف د لمسراحيات كا مومتيل، من تأليف كتّاب بحال أحمد الطيب لعلج و يوسف فاضل. داز من بعد ل لكتابة و ألّف مسراحيات لي دازو ف عروض ف بلقصيري و سلا.
- عروس الشواطئ
- الله يرحم مي طامو
- العين والخلخال
- البوهالي
- حلاق درب الفقراء
- ورقة وقلم
- هو
- درس في الحب
- ↑ "وفاة المسرحي المغربي أحمد جواد بعد أيام من إضرامه النار في جسده". 2023-04-03. مأرشيڤي من لأصل ف 2023-07-08. تطّالع عليه ب تاريخ 2023-07-08.
- ↑ "رسالة يأس أخيرة - القصة الكاملة لأحمد جواد الفنان الذي "أشعل جسده" بدل الشموع". 2023-03-31. مأرشيڤي من لأصل ف 2023-07-08. تطّالع عليه ب تاريخ 2023-07-08.
- ↑ ""مات بعدما أضرم النار في جسده".. من هو الفنان أحمد جواد؟". 2023-04-03. مأرشيڤي من لأصل ف 2023-07-08. تطّالع عليه ب تاريخ 2023-07-08.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |