أتاي (مشروب)
أتاي
| ||
| ||
| معلومات عامة | ||
| سّمية لأصلية | 茶 و tê | |
| نوع د لمشروب | نقع، مشروب سخون، طعام منشط، أتاي و مشروب ماشي كوحولي | |
| مصاوب من | سخان، لوراق د اتاي، سكر، عفص، ما و كافيين | |
أتاي مشروب عندو ريحة زوينة ؤ كيتصاوب من عشبة أتاي. أتاي ف لعادة كيتّشرب سخون ؤ كيقدر يرتابط ب طقوس ؤ لوقيتات خاصين ديال تّحضير ؤ شّريب ديال أتاي على حساب لبلاد ؤ تّقافة. و جدر ديال أتاي ؤ لعشبة ديالو من شّينوا، لهند ؤ بلدان د شرق أسيا.[1] أتاي هوّا تاني مشروب كيتكونصوما ف لعالم مور لما. كاينين شلا نواع ديال أتاي لمشروب، لي كيختالفو ف رّيحة ؤ نّكهة ديالهوم. ؤ كيتّعتابر مادة منبهة ب نّسبة ل بنادم، حيت فيه مادة د لكافيين.
أتاي تّدكر أول مرة ف تّاريخ ف وتيقة شينوية كاترجع ل لقرن 3 ميلادي، ف نص ديال طّبيب شّينوي هوا توو، ؤ ولات عندو شعبية بزاف ف لفترة ديال سلالة تانڭ لي حكمات مابين لقرن 7 ؤ لقرن 10. موراها نتاشر ف شرق أسيا، ؤ من بعد جابوه لبرطقيزيين معاهوم ل ؤروپا ف لقرن 16. ف لقرن 17، شريب أتاي دخل ل تّقافة لبريطانية، ؤ لبريطانيين زرعو لعشبة ديالو بزاف ف لهند، ؤ بداو كيصدّروه ل لعالم كامل. أتاي دخل ل لمغريب ؤ شمال إفريقيا ف لقرن 18.
لموصطلح ديال أتاي د لعشوب كيشير ل نواع ديال مشروب أتاي لي مامصاوبينش من لعشبة د أتاي. من بين لأتايات لمعروفين ف لعالم، كاين أتاي اللي كيدار ف لمغريب، اللي تيتخدّم فيه أتاي خضر، مع النعناع ولا الشيبة، و شي مرات يقامة خرة.
- ^ Martin، لاورا (2007). Tea: The Drink that Changed the World. Tuttle Publishing. OCLC 1159227468. OL 1956186W. ردمك 978-0-8048-3724-8. مأرشيڤي من لأصل ف 2023-06-03. تطّالع عليه ب تاريخ 2022-08-28.
 هادي زريعة ديال مقالة خاصها تّوسع. تقدر تشارك ف لكتبة ديالها. |