آنݣيلا ميركيل
آنݣيلا دوروتيا ميركيل (ب لألمانية: Angela Dorothea Merkel)، تولدات نهار 17 يوليوز 1954 فهامبورݣ، وكانت سميتها ف لولادة آنݣيلا كاسنر، هي سياسية ألمانية واخدة لمنصب ديال لمستشارة د ألمانيا من 2005 تال دابا. من 2000 ل 2018 كانت ميركيل هي الشافة ديال لحزب ديال ليتيحاد الديموقراطي لمسيحي (CDU).
ميركيل تعرفات ببزاف د السميات بحال: الشافة د ليتيحاد لأوروپي، أقوى مرا فلعالم، ولاً لقايدة د لعالم لحر.[1] خدات السمية د أقوى مرا ف لعالم 9 د لمرات على حساب التصنيف د فوربس (رقم قياسي)[2]، وتكلاصات جوج مرات تاني أقوى واحد ف لعالم مع فوربس نيت، وهو أعلى ترتيب دارتو مرا ف تاريخ.
ف 2015، ختارت لمجلة لميريكانية د "تايم" ميركيل هي الشخصية د لعام، ووصفاتها ب لمستشارة د لعالم لحر.[3]
- ^ "إندبندنت: الآن ميركل قائدة العالم الحر وليس ترمب - الجزيرة (2017)". مأرشيڤي من لأصل ف 2022-08-19. تطّالع عليه ب تاريخ 2020-08-02.
- ^ "ميركل تتربع على عرش أقوى نساء العالم للمرة التاسعة على التوالي - نسمة تي ڤي (2019)". مأرشيڤي من لأصل ف 2022-05-24. تطّالع عليه ب تاريخ 2020-08-02.
- ^ "مجلة "تايم" الأمريكية تختار ميركل شخصية العام - DW (2015)". مأرشيڤي من لأصل ف 2022-08-13. تطّالع عليه ب تاريخ 2020-08-02.
|
تقدر تزيد شوف بزاف د تّصاور و لمعلومات ديال Angela Merkel ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |