ݣواطيمالا
ݣواطيمالا
| ||||
|
República de Guatemala (es)
| ||||
| نشيد | النشيد لوطني د ڭواطيمالا
| |||
| لعاصيمة | ڭواطيمالا سيتي | |||
| الساكينة | ||||
| شحال دالسكان | 17,263,239 (2018) | |||
| السمية ديال السكان | ڭواطيمالي، ڭواطيمالية، ڭواطيماليين, ڭواطيماليات | |||
| اللوغات الرسمية | صبليونية | |||
| متوسط ديال لعمر | 73.409 (2016) | |||
| لجغرافيا | ||||
| لميساحة | 108,889 كم² | |||
| لقمة لعالية | بركان طاخومواكو و طاكانا (4,203 م) | |||
| لبلاصة الطايحة | لبحر د لكاريبي (0 م) | |||
| لإدارة | ||||
| رئيس غواتيمالا | برناردو أريفالو | |||
| رئيس غواتيمالا | برناردو أريفالو، أليخاندرو ڭياماتي، جيمي موراليس، أليخاندرو مالدونادو أغيري، أوتو بيريز مولينا، ألفارو كولوم، أوسكار بيرغر، ألفونسو بورتيو و ألفارو أرزو | |||
| لبرلمان | لكونڭريس د ڭواطيمالا | |||
| لقتيصاد | ||||
| الناتج الداخلي لكامل | 86,053,079,767 $ (2021) | |||
| لبيطالة (شوماج) | 3 % (2014) | |||
| مؤشر التنمية لبشرية | 0.627 (2021) | |||
| لفلوس | كيطزال | |||
| معلومات خرة | ||||
| توقيت ديال لبلاد | ڭرينيتش -6 America/Guatemala | |||
| رمز لبلاد | GT | |||
| رمز لانترنيت | .gt | |||
| رمز التيليفون | +502 | |||
| نماري د ليرجونس | 123، 128، ١١٠ و 120 | |||
| جيهة د صوڭان | ليمن | |||
| السيت الرسمي | guatemala.gob.gt | |||
ݣواطيمالا (ب الصبليونية: República de Guatemala) هي بلاد ف أمريكا لوسطانية. تاتحدّها لمكسيك من الشمال و لغرب، لمحيط لمهدن من لجنوب لغربي، بيليز من لجنوب الشرقي، لبحر د لكاريبي و هوندوراس من الشرق، و الصالڤادور من لجنوب الشرقي. ݣواطيمالا هي لبلاد اللي فيها أكبر عدد د السكان ف أمريكا لوسطانية.
قبل ما يدخلو لأوروپيين للمنطقة اللي فيها دابا ݣواطيمالا، كانو السكان تابعين للحضارة ديال لمايا. ف لقرن 16 ستعمرات صبانيا لمنطقة، و بقات حاكماها تال 1821، اللي هو لعام اللي ستاقلات فيه و كانت طرف من لجمهورية لفيديريالية د أمريكا لوسطانية، اللي تفككّات ف 1841 و خرجات منها لجمهورية د ݣواطيمالا.
فاللخر د لقرن 20 (من 1960 تال 1996)، وقعات حرب أهلية ف ݣواطيمالا بقات 36 عام، و تدخلات لأمم لمتحدة باش تحبسها تا سيناو ݣاع لأطراف اتفاقية د السلام بيناتهم.
تيسكنو ف ݣواطيمالا شويا كتر من 17 لمليون د الناس، و لعاصمة ديالها و أكبر مدينة فيها هي ݣواطيمالا سيتي. اللغة الرسمية ف لبلاد هي الصبليونية، و أكتر دين كيتبّعوه الناس هو لمسيحية (88% د الناس مسيحيين). لفلوس ديال ݣواطيمالا هوما ل كيتزال.
لموسيقا لݣواطيمالية فيها بزاف ديال شكال وستيلات. تغيير جتيماعي فݣواطيمالا تقوى ب لموسيقا، بحال نويبا كانسيون، لي كاتجمع بين لقيصات لقدام ولمشاكل ديال دابا، ولقيم سياسية وحتا نضال ديال ناس لعاديين. شعب ديال لمايا كان عندو معا تقافة ديال لموسيقا، كيما باين فرموز ديالهم.[1][2] ݣواطيمالا كانت وحدا من لبلايص لولا ف لعالم جديد لي دخلات ليها لموسيقا لؤروپية، من 1524. بزاف ديال لملحنين من ستيلات مختالفة ديال لموسيقا بحال نهضة، باروك، رومانسية، ولمعاصرة شاركو فبزاف ديال لأعمال. لماريمبا، لي كيشبه لكزيلوفون ب لخشب،[3] هي لألة ديال لبلاد ولموسيقا ديالو كاينة فݣواطيمالا كاملة[4]، وطورات ريپيرطوار كبير د لأغاني لي ولات شعبية لكتر من قرن.
لا هيسطوريا خينيرال دي ݣواطيمالا نشرات واحد سيري ديال سيديات جامعين تاريخ لموسيقا فݣواطيمالا، لي فيه ݣاع ستيلات، من لفترات ديال لمايا، ستيعمار، ستيقلال ولجمهورية حتال دابا. بزاف ديال لݣروپات لمعاصرة فݣواطيمالا كيلعبو لموسيقا لكاريبية، صالصا، لپونطا د ݣاريفونا، لاتين پوپ، لموسيقات د لمكسيك، ولمارياتشي.
- ^ Bethany Kay Duke (2014). "Palatial soundscapes : music in Maya court societies". University of Texas (ب نڭليزية). مأرشيڤي من لأصل ف 2023-06-05. تطّالع عليه ب تاريخ 2020-06-04.
- ^ "Mayan instrument iconography". International Repertory of Music Literature (ب نڭليزية). 2013-10-13. مأرشيڤي من لأصل ف 2023-06-10. تطّالع عليه ب تاريخ 2020-06-04.
- ^ Vivien Schweitzer (2008-06-29). "The Marimba, Rich and Warm, Makes Itself Heard". The New York Times (ب نڭليزية). مأرشيڤي من لأصل ف 2023-02-04. تطّالع عليه ب تاريخ 2020-06-04.
- ^ Saeed Saeed (2018-03-22). "Also performing at Festival in the Park". The National (ب نڭليزية). مأرشيڤي من لأصل ف 2020-08-10. تطّالع عليه ب تاريخ 2020-06-04.
|
تقدر تزيد شوف بزاف د تّصاور و لمعلومات ديال Guatemala ف ويكيميديا كومنز. |