ويكيپيديا:مجال سمياتي

مجالات سمياتية
مجالات سمياتية د لمواضيع		مجالات سمياتية د لمداكرة
0	مقال	مداكرة	1
2	خدايمي	لمداكرة د لخدايمي	3
4	ويكيپيديا	لمداكرة د ويكيپيديا	5
6	فيشي	لمداكرة د لفيشي	7
8	ميدياويكي	لمداكرة د ميدياويكي	9
10	موضيل	لمداكرة د لموضيل	11
12	معاونة	لمداكرة د لمعاونة	13
14	تصنيف	لمداكرة د تصنيف	15
100	قيسارية	لمداكرة د لقيسارية	101
118	واساخ	لمداكرة د لواساخ	119
828	مودول	مداكرة د لمودول	829
مامخدّمينش
710	سوتيتر (TimedText)	لمداكرة د سوتيتر	711
2300	[[ويكيپيديا:إضافة\|]]		2301
2302	[[ويكيپيديا:إضافة\|]]		2303
مجالات ڤيرتوالية
-1	خاص
-2	ميديا

لمجال سّمياتي ؤلا نّيمسپيس هوّا مجموعة د صّفحات لي لعنوان ديالها كيبدا ب واحد لكلمة مريزيرڤية لي كيقدر يتعرف عليها سّوفتوير ديال ميدياويكي، متبوعة ب جوج نقاطي. متلا جميع صّفاحي ديال لخدايميا كيبداو ب "خدايمي:". لمجال سّمياتي زيرو، لي كيكونو فيه لمقالات ؤ تّحويلات د لمقالات، هوّا لمجال سّمياتي لواحيد لي ماعندوش كلمة مريزيرڤية، مي كيكون لعنوان د صّفحة فيه مكتوب حرفي.

كاينين 14 د لمجالات سّمياتية ف ويكيپيديا ب دّاريجة، لي كلا واحد فيهوم عندو مجال سمياتي د لمداكرة كيقابلو. بعض هاد لمجالات سّمياتية بحال "إضافة" ؤ TimedText مامخدّمينش حالياً.

ف 25 شتنبر 2021، خرج قرار ديال جماعة لويكيپيديين لي على إترو تم تبديل سّميات د عاداد كبير د لمجالات سّمياتية، ؤ زّيادة ديال جوج مجالات سمياتية جداد ف ويكيپيديا ب دّاريجة هوما "قيسارية" ؤ "واساخ".

لمجالات سّمياتية د ويكيپيديا ب دّاريجة

شوف جميع لمجالات السمياتية ف ويكيپيديا ب الداريجة هنا.

مقال

صفحة متعمقة: ويكيپيديا:شنو هوا مقال؟

لمجال سّمياتي د لمقال، لي كيتّسما تا "لمجال سّمياتي رّئيسي"، هو مجال سمياتي فين كيكونو لمقالات لي كيطّالعو عليهوم لقاريين د ويكيپيديا. لمجال سّمياتي د لمقالات هوّا لواحيد لي ماعندوش كلمة مريزيرڤية، ؤ لعنوان ديالو كيكون مكتوب حرفي. هاد لمجال سّمياتي كيكونو فيه 4 د نّواع د لمحتويات:

لمقالات لعادية: لي كيهضرو على شي موضوع محدد، ب ليعتيماد على مصادر ؤلا عيون لي كاتدعم لمعلومات لي فيه. متلاً المغريب.
صفحات تّوضيح: فاش كاتكون شي كلمة كاتشير ل مجموعة د لمواضيع، سيرتو يلا كانو ف مجالات متباعدة بيناتها ؤ مايمكنش يتّكتب عليهوم ف نفس لمقال. متلا كورة (توضيح).
ليستات: مقالات لي كاتجرد مجموعة د لحوايج كاتنتامي ل نفس تّصنيف على شكل ليستة لي كاتحتاوي على معلومات إضافية على كلا عنصر ف لّيستة. متلاً ليستة د لمكتوبات ب داريجة.
تحويلات: صفحات لي كاتدّي كلا وحدة ل شي صفحة من نّواع تّلاتة لّولين، ؤ كايتزادو حيت كيكون شي موضوع كيقبل كتر من عنوان، سوا ب حوكم وجود مرادفات، ؤلا طرقان مختالفة د تّعبير، ؤلا لإملاء.

خدايمي

صفحة متعمقة: ويكيپيديا:پاجات د لخدايميا

لمجال سّمياتي د لخدايمي هوّا فين كيكونو صّفحات د لخدايميا، ؤ لكلمة لمريزيرڤية ديالو هيّا خدايمي: (قبل كانت مستخدم:)، يعني جميع صّفحات د لخدايميا كيكونو ب هاد شّكل خدايمي:سمية د لخدايمي. هاد صّفحة كيكون لخدايمي حر يكتب فيها لي بغا، متلاً معلومات على راسو ؤ لمشاريع لي عندو ف ويكيپيديا ؤلا برا د ويكيپيديا. لخدايمي يقدر يزيد تا صفحات فرعية ب هاد شّكل "خدايمي:سمية د لخدايمي/عنوان د صفحة فرعية" باش يكتب فيهوم شي حوايج إضافيين يلا بغا، بحال تفاصيل ديال شي پروجي محدد، ؤلا شي خدمة د مقال باقي ماكاملاش، ؤ زيد ؤ زيد. حيت هاد صّفحات كيبقاو طرف من ويكيپيديا ؤ يقدر مبدئيا أي واحد يبدلهوم، من لأحسن مايحطش فيها لواحد معلومات حساسة على راسو.

پروجي ؤلا ويكيپيديا

صفحة متعمقة: ويكيپيديا:مجال سمياتي ويكيپيديا

لمجال سّمياتي د ويكيپيديا ؤلا لمجال سّمياتي د لپروجي هوّا فين كيكونو صفحات لي كيوصفو لپروجي د ويكيپيديا لخاص ب لّوغة (دّاريجة ف هاد لحالة). هادشي كيشمل سّياسات لعامة ؤ لخاصة، تّعليميات لي كيشرحو كيفاش كيتدارو شي تويشيات، ؤ مقالات ؤ تخميمات على شنو طاري ف ويكيپيديا ب دّاريجة. جميع صّفاحي ف هاد لمجال سّمياتي كيبداو لعناوين ديالهوم ب ويكيپيديا:.

فيشي

صفحة متعمقة: ويكيپيديا:فيشي

لمجال سّمياتي د لفيشي، هوّا فين كيتزادو لفيشيات، بحال تّصاور، لڤيديوات ؤ لؤديوات. كيكونو فيه تا لوصف ديال لفيشي ؤ حقوق لملكية ديالو. لكلمة لمريزيرڤية ديالو هيّا فيشي: (قبل كانت ملف:).

ميدياويكي

صفحة متعمقة: ويكيپيديا:ميدياويكي

هاد لمجال سّمياتي كيكونو فيه صفاحي د لانطيرفاص بحال سّكريپتات د سي إس إس ؤلا جاڤاسكريپت، لي كيتحكّمو ف شّكل ؤلا تّصرف ديال عناصر ف صفاحي خرين بحال طابلوات، فورمات، بوطونات ؤ غيرهوم. صّفاحي ف هاد لمجال سّمياتي كيكونو ديما محميين من لخدايميا لعاديين ؤلا لي داخلين غير ب لأيپي. لكلمة لمريزيرڤية ديالو هيّا ميدياويكي:.

موضيل

صفحة متعمقة: ويكيپيديا:موضيل

قبل كان سميتو "قالب"، ؤ كيحتاوي على صفحات لي لمحتوى ديالها كيتزاد عادةً على نطاق واسع ف صفاحي خرين، بحال لبانييرات لي كيبانو لفوق ديال شي صفحة، ؤلا طّابلوات د لمعلومات، ؤ غيرهوم. ف بزاف د لحالات كيعتامد على كوض ديال لووا، سيرتو يلا كانت لوضيفة ديالو معقّدة. صّفاحي ديال هاد لمجال سّمياتي كيبداو ب موضيل: (قبل ب قالب:).

معاونة

صفحة متعمقة: ويكيپيديا:معاونة

هاد لمجال سّمياتي كيكونو فيه صفاحي د لمعاونة لي كيشرحو تفاصيل تنضيمية ؤلا سيرتو تقنية، بحال نواع طّاڭات لي كاينين ؤ لاش كيصلاحو، كيفاش كيتزداو لفيشيات (تصاور، ڤيديوات...) ف شي مقال، ؤ مسايل خرة. لكلمة لمريزيرڤية ديالو هيّا معاونة: (قبل كانت مساعدة:).

تصنيف

صفحة متعمقة: ويكيپيديا:تصنيف

كيكونو فيه تّصنيفات ديال جميع نواع صّفاحي كيما كان لمجال سّمياتي ديالهوم (وخا قليل فاش كيتخدّم ف صّفاحي د لخدايميا ؤلا لمجالات سّمياتية د لمداكرة). تا تّصنيفات براسهوم كيكونو عندهوم تصنيفات ف لعادة. ف صّفحة ديال شي تصنيف كاتبان ليستة د صّفاحي لي كاينين ف داك تّصنيف، ولاكين هاد لّيستة ماكاتكونش مكتوبة تماك. باش تزيد صفحة ل شي تصنيف خاص تزيد داك تّصنيف ف ديك صّفحة نيت ب هاد شّكل [[تصنيف:سمية د تّصنيف]]. يلا بغيتي باش تحيل ل صّفحة د تّصنيف براسها (ماشي تزيد صّفحة لي نتا فيها ل داك تّصنيف) خاص تكتب هاكا [[:تصنيف:سمية د تّصنيف]] يعني تزيد رمز د جوج نقاطي قبل من لعنوان د تّصنيف.

قيسارية

صفحة متعمقة: ويكيپيديا:قيسارية

هاد لمجال سّمياتي كيعرض مجموعة د لمحتويات لمتعلقة ب موضوع كبير لي مكتوبين عليه بزاف د لمقالات، تصنيفات، ؤ محتويات خرين بحال تصاور ؤ ڤيديوات، ؤ كيكون نيت بحال قيسارية يقدر يتسارا فيها لقاري ؤ يتعرّف على داك لموضوع. متلاً قيسارية:لمغريب. جميع لقيساريات كيبداو لعناوين ديالهوم ب لكلمة لمريزيرڤية قيسارية:.

واساخ

صفحة متعمقة: ويكيپيديا:واساخ

لمجال سّمياتي د لواساخ هوّا فين كيقدرو يتزادو مقالات لي ماواجدينش مزيان، ؤلا مشكوك ف لملحوضية ديالهوم، ؤلا خاصهوم باقي يتطورو من نّاحية د لأسلوب. ف لعادة تا لبوتات لي كيزيدو لمقالات، خاصهوم يحطوهوم ف لواساخ بعدا باش يتڤاليداو، من غير يلا سمحات جّماعة باش يتزادو نيشان ف لمجال سّمياتي رّئيسي. لكلمة لمريزيرڤية هنا هيّا واساخ:.

مودول

صفحة متعمقة: ويكيپيديا:لووا

لمجال سّمياتي د لمودول ؤلا لووا، كيكونو فيه فيشيات ديال پروڭرامات مكتوبين ب لّونڭاج لووا، لي كيديرو حسابات ؤ طريطما د تّيكست لي مايمكنش يتدار ب سوهولة ف لموضيلات ؤلا ف صّفاحي لوخرين نيشان. لكلمة لمريزيرڤية ديالو دابا هيّا وحدة: ولاكين جّماعة د لويكيپيديين كانت قررات باش يتبدّل ل مودول:، شّي لي باقي ماتطبق ل حد سّاعة.

لمداكرات

كلا مجال سمياتي من لي مدكورين لفوق كيكون عندو مجال سمياتي د لمداكرة معاه، ؤ لي كيبانو صّفاحي ديالهوم ف تبويبة حدا تّبويبة ديال صّفحة رّئيسية. هاد لمجالات سّمياتية كيصلاحو ل لمداكرة مابين لكتاتبيا باش ينسّقو بيناتهوم ف إصلاح ؤ تطوير صّفاحي. لكلمات لمريزيرڤيين د لمداكرة كاتكون فيهوم عادة يا إما مداكرة، لمداكرة د ؤلا نقاش، زائد لمجال د سّمياتي لي مربوطين بيه، متلا لمداكرة د تصنيف: ؤلا لمداكرة د لمعاونة: ؤلا نقاش لوحدة:.

مجالات سمياتية مامخدّماش

سوتيتر

مجال سمياتي مامخدّش دابا ف ويكيپيديا ب دّاريجة، ولاكين كيكونو فيه عادةً لفيشيات د سّوتيتر، من نوع srt، ديال ڤيديوات ؤ ؤديو. لكلمة لمريزيرڤية ديالو هيّ TimedText:. لمجال سّمياتي د لمداكرة لي تابع ليه هوّا TimedText Talk.

إضافة ؤ تعريف لإضافة

هاد لمجالات سّمياتية مامخدّماش ف ويكيپيديا ب دّاريجة، ؤ تا ف ويكيپيديات خرين بحال ويكيپيديا ب نّڭليزية، قليل فاش كاتخدّم. لغاراض منها هوّا باش تزيد شي وضايف لي كيقدر لخدايمي يفعّلها ف تّفضيلات ديالو. هاد لوضيفة دابا تقدر تّدار غير ب لمجال سّمياتي د ميدياويكي، معا لكتابة د لعنوان ب هاد شّكل:

ميدياويكي:Gadget-+<سمية_د_لإضافة>

تعريف لإضافة ف ويكيپيديا ب نّڭليزية كيستعمل Mediawiki:Gadgets-definition.

مجالات سمياتية ڤيرتوالية

هاد لمجالات سّمياتية ماعندهاش مجالات سمياتية د لمداكرة تابعة ليها.

خاص

صفحة متعمقة: ويكيپيديا:صفحات خاصة

كيكونو فيه صفحات خاصة لي كايجينيريها سّوفتوير د ويكي ؤ مايمكنش تّبدل ب ليد من طاراف لخدايميا (من غير لعناوين ؤ بعض سّميات لي كاينين ف لپروجي د طّرجامة د ويكي). لكلمة لمريزيرڤية ديالو هيّا خاص:.

ميديا

صفحة متعمقة: معاونة:فيشيات

مجال سمياتي لي صفاحيه كيبينو لفيشي براسو ماشي صّفحة د لوصف ديالو (لي كاتبدا ب فيشي:). لكلمة لمريزيرڤية ديالو هيّا ميديا:.

إحصائيات

إحصائيات
مجال سمياتي	حساب	صفاحي رئيسيين	تحويلات
مقالات	29426	9603	19823
مداكرة	355	272	83
خدايمي	273	226	47
لمداكرة د لخدايمي	11325	11124	201
ويكيپيديا	302	223	79
لمداكرة د ويكيپيديا	48	37	11
فيشي	166	166	0
لمداكرة د لفيشي	0	0	0
ميدياويكي	153	153	0
لمداكرة د ميدياويكي	3	3	0
موضيل	11148	9511	1637
لمداكرة د لموضيل	38	36	2
معاونة	10	7	3
لمداكرة د لمعاونة	2	2	0
تصنيف	12549	12350	199
لمداكرة د تصنيف	42	34	8
قيسارية	50	47	3
لمداكرة د لقيسارية	1	1	0
واساخ	19	19	0
لمداكرة د لواساخ	9	7	2
مودول	658	658	0
مداكرة د لمودول	1	1	0
TimedText	0	0	0
TimedText talk	0	0	0
	0	0	0
	0	0	0
	0	0	0
	0	0	0