مولوخ
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
مولوخ ؤلا موليخ ؤلا موليك (ب لعبرية: מֹלֶךְ ؤلا הַמֹּלֶךְ، ب ليونانية لبالية: Μόλοχ، ب لاتينية: Moloch) رب كنعاني و مفهوم ف اللاهوت ليهودي و لمسيحي لي مرتابط ب التضحية ب الدراري الصغار.[1] هاد لمصطلح كيبان بزاف ف التاناخ، لي هوّا كتاب مقدس عند ليهود. التوارخيا باقين مامتافقينش واش مولوخ كان فعليا رب كنعاني ؤلا ممارسة مرتابطة ب طقوس وتنية ديال لقربان ل لأرباب د لكنعانيين.
من لقرون لوسطانية ف ؤروپا، كان كيتم تجسيد مولوخ كا تمتال ب راس عجل و يدين ممدودين لفوق، محطوط فوق عافية فين كيتّرما لقربان. هاد التجسيد جاي من دمج ديال لوصف ديالو ف لكتوبا د ليهود و النصارى، و من كتابات قديمة د لكنعانيين، زيادة على لأسطورة ليونانية ديال لمينوطور.
ف لأداب و السينيما لغربيين، تخدّم مولوخ بشكل رمزي باش يدل على واحد لقوة لي كاتطلب التضحية باش يقدر لواحد ياخد منها شي فايدة شخصية ف لموقابيل.
لأصل د لكلمة[بدل | بدل لكود]
كلمة "مولوخ" جات غالباً من الجدر mlk ف اللوغة لبونيقية، لي كاتعني سيد، ؤلا ماليك.
مولوخ ف لفن[بدل | بدل لكود]
لأداب[بدل | بدل لكود]
- 1667: قصيدة الجنة لمفقودة ديالت دجون ميلطون
- 1862: رواية صالامبو ديال ڭوسطاڤ فلوبير
- 1936: رواية لحرب ضد السمندل ديال لخيال لعلمي، د لكاتب التشيكي كاريل تشاپيك
- 1955: قصيدة غوتة Howl، ديالت لأديب لميريكاني ألن ڭينسبيرڭ
- 2014: مقال تأمولات ف مولوخ، لي حلل فيه لپسيكياطر لميريكاني سكوط أليكساندر التاريخ و التطور لمستقبلي ديال لحضارة لبشرية تحت ضو ديال مفهوم مولوخ كا رمز ديال واحد لپروصي تاريخي و جتيماعي و مؤسساتي ماكيتجسد ف تا شي كيان محدد، ولاكين كيأدي ب واحد السيستيم (متلاً مجتمع ؤلا لحضارة كاملة) ل لهاوية، يلا غلبات فيه لمصلحة لفردية و ماكانتش تعاون ؤلا تنسيق مابين لأفراد.
أفلام[بدل | بدل لكود]
- 1927: ميطروپوليس: فيلم ألماني د لخيال لعلمي من إخراج فريتس لانڭ
عيون لكلام[بدل | بدل لكود]
- ^ "Britannica, Moloch". مأرشيڤي من لأصل ف 2023-10-02. تطّالع عليه ب تاريخ 2023-04-23.