ليكسمبورݣ

ليكسمبورݣ (بالليكسمبورݣية: Lëtzebuerg - بلألمانية: Luxemburg - بلفرانساوية: Luxembourg)، رسميا الدوقية لكبيرة د ليكسمبورݣ هي بلاد ماكاطلش على لبحر جات ف لغرب د أوروپا. تاتحدّها بلجيكا من الشمال و لغرب، ألمانيا من الشرق، و فرانسا من لجنوب. لمساحة د لبلاد هي 2586 كم مربع، و هي محسوبة من أصغر لبلدان ف أوروپا.

ليكسمبورݣ عندها تاريخ مرتابط بلجيران ديالها، و ف لقرون لوسطانية كانت مرات مستاقلة و مرّات تابعة لفرانسا ولاّ للنمسا ولاّ هولاندا. ف 1815، ف لمؤتمر د ڤيينا، ولاّت الدوقية د ليكسمبورݣ بلاد مستاقلة و كانو تيحميوها هولاندا و ألمانيا باش ما تستعمرهاش فرانسا. ف 1839، من مورا التورة د بلجيكا، تخاد الطّرف د ليكسمبورݣ اللي كانو الناس كيهضرو فيه لفرونسي و دخل مع بلجيكا، و الطرف اللي كانو الناس كيهضرو فيه الليكسمبورݣية ولاّ هو الدولة د ليكسمبورݣ بلحدود اللي عندها دابا.

تيسكنو ف ليكسمبورݣ شويا كتر من نص د لمليون د الناس، و لعاصمة ديالها هي لمدينة د لوكسمبورݣ، اللي هي وحدا من لعواصم الربعة د لإتحاد لأوروپي (لعواصم لاخرا هي بريكسيل و ستراسبورݣ و فرانكفورت). اللغات الرسمية د لبلاد هوما الليكسمبورݣية و لألمانية و لفرانساوية، و لفلوس اللي كاتخدّم فيها هي لأورو. كتر من النص د السكان د لبلاد برانيين، حيت لإقتصاد د لبلاد خدام مزيان و فيها بزاف د لإمتيازات من الناحية لمادية. هي من لبلدان اللي أسسو لإتحاد لأوروپي^[1] و لأمم لمتحدة و لمنضمة د التعاون لإقتصادي و التنمية، و الناطو و لبينيلوكس.

عيون لكلام

^ "لوكسمبورغ - الاتحدا الأوروبي بالعربية". مأرشيڤي من لأصل ف 2021-12-18. تطّالع عليه ب تاريخ 2021-04-29.

تقدر تزيد شوف بزاف د تّصاور و لمعلومات ديال Luxembourg ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "لوكسمبورغ - الاتحدا الأوروبي بالعربية". مأرشيڤي من لأصل ف 2021-12-18. تطّالع عليه ب تاريخ 2021-04-29.

[1]