سوريا
سوريا
| ||||
|
الجمهورية العربية السورية (ar)
| ||||
| نشيد | حماة الديار
| |||
| لعاصيمة | ديمشق | |||
| الساكينة | ||||
| شحال دالسكان | 23,865,423 (2024) | |||
| السمية ديال السكان | سوري، سورية، سوريين, سوريات | |||
| اللوغات الرسمية | عربية | |||
| متوسط ديال لعمر | 72 (2022) | |||
| لجغرافيا | ||||
| لميساحة | 185,180 كم² | |||
| لقمة لعالية | جبل الشيخ (2,813.95 م) | |||
| لبلاصة الطايحة | ضاية طبريا (−214 م) | |||
| لإدارة | ||||
| نضام الدولة | نظام شبه رئاسي | |||
| رئيس الجمهورية العربية السورية | بشار لأسد | |||
| رئيس وزراء سوريا | محمد البشير | |||
| لبرلمان | مجلس الشعب السوري | |||
| سلطة لقضائية لكبيرة | المحكمة الدستورية العليا | |||
| لقتيصاد | ||||
| مؤشر التنمية لبشرية | 0.577 (2021) | |||
| لفلوس | ليرة سورية | |||
| معلومات خرة | ||||
| توقيت ديال لبلاد | ڭرينيتش + 3 Asia/Damascus | |||
| رمز لبلاد | SY | |||
| رمز لانترنيت | .sy | |||
| رمز التيليفون | +963 | |||
| نماري د ليرجونس | 112، ١١٠ و 113 | |||
| جيهة د صوڭان | ليمن | |||
.svg)
سوريا، ولا سورية (رسميا: لجمهورية لعربية السورية) هي بلاد جات ف لغرب د آسيا. تايحدها لبحر لبيض لمتوسط من لغرب، لبنان من لجنوب لغربي، تركيا من الشمال، لعراق من الشرق، و لأردن و فلسطين من لجنوب. سوريا بلاد متنوعة فيها السهول والجبال و الصحرا، و مقسومة على 14 محافضة. و لكن دابا سوريا تفتقر الى رئيس جمهورية بعدما هرب بشار الاسد لوجهة تاحد ما عارفها لدابا.
سوريا من لبلدان اللوالا ف لعالم اللي بدات فيها لحضارة، و كاتسما هي و لعراق ب "لمهد ديال لإنسانية". بزاف د لمدونا اللي فيها بحال دمشق و حلب محسوبين من أقدم لمدون ف لعالم، اللي باقين مسكنونين تال دابا. دازو من سوريا بزاف د لحضارات بحال لأراميين و الرومان و لبيزانطيين و لأمويين و لعباسيين و لعتمانيين. ف 8 مارس 1920 علنات سوريا على لإستقلال ديالها و لكن ستعمراتها فرانسا ف نفس لعام، و بقات فيها تال 1946، اللي هو التاريخ الرسمي ديال لإستقلال ديال سوريا.
سوريا عندها تاريخ طويل و غني، و فيها بزاف د المعالم التاريخية و الأثرية اللي كاتعكس الحضارات اللي دازت منها. من بين هاد المعالم كاين الجامع الأموي ف دمشق، اللي هو واحد من أقدم و أهم المساجد ف لعالم الإسلامي. و كاين زادة قلعة حلب اللي كاتعتبر من أقدم و أكبر القلاع ف لعالم.
ف المجال الثقافي، سوريا معروفة بالفن و الأدب و الموسيقى. بزاف د الشعراء و الكتاب السوريين عندهم شهرة عالمية، بحال نزار قباني اللي معروف بشعره الرومانسي و السياسي. و كاين زادة الموسيقى التقليدية السورية اللي كاتعكس تنوع الثقافات و الأعراق اللي كاينة ف البلاد.
ف المجال الاقتصادي، سوريا كانت تعتمد بزاف على الفلاحة و الصناعة و التجارة. و لكن بسباب الحرب الأهلية، الإقتصاد السوري تضرر بزاف، و بزاف د الناس فقدو خدمتهوم و ولاو يعيشو ف ظروف صعيبة. و لكن كاين محاولات ديال إعادة الإعمار و تحسين الوضع الإقتصادي ف البلاد.
تسيكنو ف سوريا تقريبا 17.5 مليون د الناس، و لعاصمة ديالها هي ديمشق. اللغة الرسمية د لبلاد هي لعربية، و كاين أقلية ف الشمال كيهضرو لكردية. لفلوس اللي كاتخدّم هي الليرة السورية. السكان ديال سوريا مخلطين و فيهم لمسلمين (السنة و الشيعة)، لمسيحيين، الدروز و ليزيديين. من 2011 دخلات لبلاد ف أزمة كانت بدات بمحاولة ديال التورة ديال الناس، و اللي ولات مبعد حرب أهلية ماتو فيها تال دابا كتر من نص مليون ديال الناس[1]، و 5 دلمليون اللي ولاو لاجئين ف لعالم كامل. بسباب هاد لأزمة، ما بقاتش سوريا ف بزاف د لمنضمات الدولية اللي كانت داخلة فيها، بحال لجامعة د الدول لعربية[2] لي طردوها و منضمة التعاون لإسلامي و لإتحاد للمتوسط.
و ف 8 دجنبر 2024 تعلن على سقوط النظام السوري ديال بشار الأسد بعدما هرب من البلاد لشي وجهة مامحدداش. على حساب مصادر روسية، راه طلب اللجوء السياسي ف روسيا و مشى معا فاميلتو ل موسكو.[3]
- ^ "نشطاء: "أكثر من نصف مليون قتيل في سوريا منذ اندلاع الحرب" - بي بي سي بلعربية (2018)". مأرشيڤي من لأصل ف 2022-05-02. تطّالع عليه ب تاريخ 2021-03-29.
- ^ "وزراء الخارجية العرب يعلقون عضوية سوريا ويدعون لسحب السفراء من دمشق - دويتشه ڤيله (2011)". مأرشيڤي من لأصل ف 2023-06-09. تطّالع عليه ب تاريخ 2021-03-29.
- ^ Gebeily، Maya؛ Azhari، Timour (8 December 2024). "Assad gets asylum in Russia, rebels sweep through Syria". Reuters.
|
تقدر تزيد شوف بزاف د تّصاور و لمعلومات ديال Syria ف ويكيميديا كومنز. |