أزمة ليصانص د1973
أزمة ليصانص د1973 بدات نهار 17 أكتوبر 1973 فاش لأعضاء ديال لمنضامة ديال الدول لعربية اللي كاتصدر لپيطرول (لأوپيك) ݣالت باللي بسباب حرب يوم كيپور (حرب أكتوبر)[1]، ماغايبقاوش يصدّرو بلپيطرول للبلدان اللي عاونات إسرائيل فلحرب ديالها معا سوريا ومصر (ميريكان، كانادا ولحلفاء ديالهوم فدول لغرب، والجاپون). لحصار تحبس فمارس 1974.
فنفس لوقت تقريبا تافقات الدول ديال لمنضامة دأوپيك باش تزيد التمن ديال ليصانص[2] فلعالام من مورا مافشلات لمفاوضات ديال "لخواتات السبعة" فالشهر اللي قبل. وبسباب ليعتيماد ديال لعالام لمتحضر على لپيطرول والدور ديال لأوپيك كفورنيسور رئيسي، هاد الزيادات فلأتمينة ضرّات بالدول اللي كانت مستاهدفاها، وفنفس لوقت حصرات لخدمة ديال ليقتيصاد. هاد الدول دارت قوانين باش ماعمّرها تكون باقي معتامدة على لپيطرول.
فهاد لوقت بزاف ديال لمشاكيل بانو. هاد لمشاكيل قدرات تأتر على ليقتيصاد دلعالام. لمشاكيل بقات حتال لبدية ديال التمانينات. التمن ديال ليصانص الطالع بقا حتال 1986. الجاپون كان قتيصادها مزيان من مورا لأزمة دليصانص د1973. هي اللي كانت بدات وتبعوها الدول لاخرين فلينتاج ديال طوموبيلات اللي كاتخدم بمازوط قليل، واللي كان ليقبال عليها كتير عوض دوك الطوموبيلات لكبار.[3] من موراها بدات كاتصاوب ليكترونيك بحال الراديوات والتلفازات. هاد الصيناعات هي اللي خلات الجاپون تزيد لقدّام من مورا الصدمة ديال لأزمة.
- ^ Smith, Charles D. (2006), Palestine and the Arab–Israeli Conflict, New York: Bedford, p. 329.
- ^ "OPEC Oil Embargo 1973–1974". U.S. Department of State, Office of the Historian. مأرشيڤي من لأصل ف 6 مارس 2014. تطّالع عليه ب تاريخ 30 غشت 2012.
- ^ Treece، James B. "10 ways the 1973 oil embargo changed the industry". مأرشيڤي من لأصل ف 4 غشت 2019. تطّالع عليه ب تاريخ 25 يونيو 2016.
|
تقدر تزيد شوف بزاف د تّصاور و لمعلومات ديال 1973 oil crisis ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |