ڤينيل لاصق
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لڤينيل اللاصق ولّا غير لڤينيل هو مادة پلاستيكية مطاطية، كاين فيه لي كيتطبع مالفوق و كاين لي كيلصق ديريكت، كيخدمو بيه بزاف صحاب الطباعة الإلكترونية، و الماشينة لي كتطبع عليه سميتها تراسور ولا طابعة ديال الحجم لكبير. لڤينيل اللاصق فيه جوج نواع: لي كيتحيّد (ڤينيل وقتي)، و لي كيبقى لاصق ديما (ڤينيل دايم). كيتباع ب لوان و شكال مختالفين على حساب لإستعمال ديالو.[1]
لڤينيل اللاصق مصاوب ب مادة كلوريد لپوليڤينيل PVC.[2]
لڤينيل لوقتي كيصلاح ل لپروجيات على لمدى لقصير، بحال إعلانات وقتية، التغليف ديال لپرودويات د لماكلة ولّا لإليكطرونية، و غيرها، بحيت كيقدر يتحيّد ب سهولة ف أي وقت بلا مايخلي أتار على السطح ديال لحاجة لي تلصق فوقها.[1]
عكس هادشي، لڤينيل الدايم صعيب يتحيّد، و يلا تحيّد كيخلي أتار باينة كاتشوّه السطح، و كيتفضّل التخدام ديالو ف پروجيات على لمدى لبعيد، بحال ف لبلاكات ديال لحوانت لي كيخصهم يبقاو مدة طويلة و يقاومو عوامل الطقس.[1]
 هادي زريعة ديال مقالة خاصها تّوسع. تقدر تشارك ف لكتبة ديالها. |