پيپا پيݣ

سمع (فيشي)
من ويكيپيديا
پيپا پيݣ
النوع مسلسلات الأطفال التلفزيونية و مسلسل كوميدي
التأليف Neville Astley و مارك بيكر
لموسيقى Julian Nott
لبلاد نڭليز
اللوغة نڭليزية
لينتاج
الشركة د لينتاج Astley Baker Davies، eOne Family Brands و Hasbro Entertainment
لبت ولعرض
لبدية 31 ماي 2004
شحال د لحلقات 394
شحال د لمواسيم 10
لقنوات اللي داز منها Channel 5 و نيك جونيور
IMDB: tt0426769 Allocine: 17368 TV.com: shows/peppa-pig
Facebook: OfficialPeppaPig Twitter: PeppaPig Instagram: officialpeppa Youtube: UCAOtE1V7Ots4DjM8JLlrYgg Souncloud: PeppaPig-Music Spotify: 2gJLanGIV9JqQuKBCWy9ZG Musicbrainz: 96ff366c-97ea-4d11-b42a-235307506ed9 Modifica els identificadors a Wikidata




پيپا پيݣ Peppa Pig ولا پيپا Peppa، مسلسل د التلفازة بريطاني ديال رّوسوم داروه نيڤيل آستلي و مارك بيكير و نتجاتو شركة إنترتينمنت وان. لإنتاج ديالو بدا ف 2004 و بقا 6 د لمواسم تال 2011.

ف لمجموع فيه 420 حلقة كل وحدة فيها ما بين 10 د دّقايق و ربع ساعة.

لمسلسل كايدور على واحد لعائلة د لحلالف عندهوم بنيتة "پيپا" و ووليد، خوها الصغير "جورج" ف عالم بسيط و ملون بزاف شخصيات ديالو كاملين حيوانات. هاد رّوسوم موجه ل لوليدات صّغار باش يتعلمو لهضرة و لكلمات و كيفاش يتعاملو مع ناس، و ب دّات ف صّواب و كيفاش يتعاونو بيناتهوم. لحوار و لكلام د لمسلسل فيه لمعاودة ب زّايد ديال لهضرة باش يستافدو تا لوليدات لّي عندهوم موشكيل باش يتعلمو.[1][2]

شّخصيات[بدل | بدل لكود]

  • پيپا پيݣ: شّخصية لّولة د لمسلسل و هي بنيتة حليليفة، عندها 4 سنين، عزيز عليها ضّحك و تقشاب و أعز حاجة عندها هي تنقز ف لݣلاتي د لغيس. عندها نونوس صغير ديالها سميتو تيدي. پيپا عزيز عليها خوها صّغير و كاتعاونو باش يفهم لحياة و كاتعلمو بزاف ديال لحوايج و تّويشيات ديال لّعب.
  • جورج پيݣ: خو پيپا صّغير، عندو عاماين، و ديما هاز معاه لّعبة لمفضلة ديالو، واحد دّيناصور مسميه "السي الديناصور". كايبكي بزاف و عندو واحد لبكية دايرة بحال شي خصّة ديال الدموع، كابكي فاش كايخاف من شي حاجة ولا فاش كاتشد فيه ختو و كاتبرزطو.
  • ماما پيݣ: هي لأم ديال پيپا و جورج و كاتخدم من دّار ف لپيسي ديالها و كاتخدم تا متطوعة ف لبومبية ديال لمدينة فين عايشين.
  • بابا پيݣ: باين پيپا و جورج لّي كايخدم مهندس معماري.

عيون لكلام[بدل | بدل لكود]

  1. ^ "سّيت د لمسلسل". مأرشيڤي من لأصل ف 2022-07-14. تطّالع عليه ب تاريخ 2020-04-01.
  2. ^ [https://www.imdb.com/title/tt0426769 الصفحة د ف imdb]
Wikimedia Commons تقدر تزيد شوف بزاف د تّصاور و لمعلومات ديال Peppa Pig ف ويكيميديا كومنز.