پاو دونيس
پاو دونيس
| ||
_(cropped).jpg)
| ||
| معلومات عامة | ||
| زيادة | 11 أكتوبر 1966 برشلونة | |
| لموت | 9 يونيو 2020 (53 عام) Bagergue | |
| طريقة دلموت | موتة طبيعية | |
| سباب لموت | سرطان القولون | |
| لجنسية | صبانيا | |
| لحرفة | مغني مؤلف، ملحّين و عازف قيثارة | |
| لّوغات لي كيعرف | لكاطالانية، صبليونية و لألمانية | |
| معلومات خرى | ||
| لألة | لݣيطار و صوت | |
| رياضة | ||
| رياضة | تزلج على الجليد | |
| لجوايز | ||
   
| ||
پاو دونيس (ب لكاطالان: Pau Donés Cirera)، خلاق ف بارسيلونا ف 11 أكتوبر 1966 و مات ف ليريدا ف 9 جوان 2020) مغني و ݣيطاريست و ملحن سپانيولي تشهر ب لݣروپ لّي كان من لمؤسسين ديالو خارابي دي پالو.[1]
حياتو[بدل | بدل لكود]
پاو خلاق ف بارسيلونا و كان هو لكبير من بين خّوتو ب ربعة. فاش كانت عندو سطاش لعام نتاحرات لواليدة ديالو و صدماتو بزاف هاد لموصيبة و كان خاصو يتكلف ب خوتو صّغار. ما كانش عندو معا لقراية بزاف، كان كايعاني من مرض الديسليكسي (صّعوبة باش يقرا) و جراو عليه 6 د لمرات من لمدرسة.
قدر يضبّر على أول ݣيطار فاش كانت عندو 12 لعام و فاش دار 15 لعام أسس هو وخوه مارك ݣروپ سماوه Jay. & Company Band. بداو تايغينيو ف قاعات صغيرة ف بارسيلونا و نّواحي ديالها، پاو خدم بزّاف ديال لخدامي (سرباي، مانكان، مسؤول ف شركة د لإشهار) و عاوناتو لخدمة ديالو باش يضبّر لمصاريف ديال لݣروپ و قدر يشري لماطريال باش يخدم (سينطيتيزور، بواط د ميكساج و ݣيطار إلكتريك).
قرا پاو ف لجاميعة د بارسيلونا و خدا لّيصونص ف لقتيصاد.
ف 1995، أسس لݣروب خارابي دي پالو و لّي كان بدا ب نجاح عالمي ب أغنية لافلاكا لّي كتبها پاو على ود واحد لمرا لّي كان تعرف عليها ف كوبا.
ف لمجموع خارابي دي پالو صدرو 12 ألبوم بين 1996 و 2020.
پاو مرض ب كونسير د لكولون ف 2015 و بقا كايتضارب معاه حتا مات ف 9 جوان 2020.
كتب أوطوبيوݣرافيا ديالو سماها "50 صدمة... و مازال كانحلم" و نجحات ب شكل كبير بحيت باعت علاين 10 لاف نسخة ف سّيمانة لّولة باش خرجات.[2][3]
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال Pau Donés ف ويكيميديا كومنز. |