پاكيطا ڭورونيو

من ويكيپيديا
پاكيطا ڭورونيو
پاكيطا ڭورونيو
معلومات عامة
زيادة 5 نونبر 1913
مدريد (صبانيا)
لموت 22 غشت 2017 (103 عام)
الرباط (لمغريب)
لجنسية صبانيا
لحرفة مناضل، Conseiller du roi و مساعدة شخصية
لّوغات لي كيعرف صبليونية و لفرانساوية


فرانسيسكا لوپيز كوادرادو، لمعروفة كتر ب سميت پاكيطا ڭورونيو، تولدات ف 5 نونبر 1913 ف مدريد ؤ ماتت ف 22 غشت 2017 ف رّباط، هي موناضيلة ديال لحيزب شّيوعي صّبليوني، لاجئة ف لمغريب ف لوقيتة ديال سپانيا لفرانكاوية.

كانت لكاتيبة لخاصة ديال لحسن تّاني، ؤ كانت معروفة ف لعاصيمة د لمغريب، ؤ تشهرات ب لقب "لعاشقة د رّباط".

حياتها[بدل | بدل لكود]

تولدات ف مدريد ف 5 نونبر 1913 وسط فاميلة مرفحة، تربات ب لمبادئ لجمهورية ؤ لقيم ضد لإكليروس. ف دارهم، كانو كيتلاقاو بزاف د لمتقفين ؤ لفنانين، بحال طوماس بريطون ؤ بيسينطي بلاسكو إبانييز.[1] جدها كان كيعجبو پابلو إڭليسياس پوس.[2]

لجمهورية تّانية ؤ لحرب د صبانيا[بدل | بدل لكود]

فاش تعلنات لجمهورية تّانية، ف 1931، صافطوها واليديها تقرا ف باريز. ملي رجعات ل مدريد، خدماتها شاريكة ديال طيارات إبيريا، والاكين بدات لحرب لأهلية.

تصافطات فاميلتها ل بالينسيا. دخلات موراها ف لحيزب شّيوعي صّبليوني ؤ تلاقات ب دولوريس إباروري.

ب سباب ضغط ديال تّقدم لفرانكاوي، كان عليها تمشي ل برصلونة، موراها، ف يناير 1939، ف لوقيتة ديال ريتيرادا، مشات على رجليها ل لمنفى على طريق جبال لپيريني.[3] تبعات مها ل پيرپينيان.

لجئات ف لمخيم د بولو، ؤ قررات تمشي ل لمغريب، ف رحلة خداتها ب لباطو من پور ڤوندر حتال وهران، منين لتاحقات ب رّباط.[4]

لعيشة ف لمغريب[بدل | بدل لكود]

خدمات پاكيطا سكريتيرة ف لمدراسة لمولوية ف رّباط.[5] ف 1956، ولات لكاتيبة لخاصة د لحسن تّاني، ف لوقيتة لي مازال كان فيها أمير، ؤ بقات مكملة ف لأنشطة ديالها د نضال ضد فرانكو. خرجات من لپوصط ديالها ف 1971.[6]

توفات ف 2017، ؤ خلات دكرى ديال مرا ملتازمة ؤ محتارمة ف لمدينة لي تبناتها، فين كيلقبوها ب "لعاشقة د رّباط".[7] تدفات ف لمقبارة د رّباط حدا مها.[8]

عيون لكلام[بدل | بدل لكود]

  1. ^ Paquita Gorroño (Francisca López Cuadrado) Una exiliada en Rabat (102 años en unas páginas) (ب صبليونية). Bernabé López García. 2013.
  2. ^ Barbarroja, Cristina S. (2016-04-13). "Paquita Gorroño, la 'Pasionaria de Rabat'". publico.es (ب صبليونية). تطّالع عليه ب تاريخ 2017-09-29.
  3. ^ "Fallece a los 103 años Paquita Gorroño, "la Pasionaria de Rabat"". efe.com (ب صبليونية). 2017-08-22. تطّالع عليه ب تاريخ 2022-05-11.
  4. ^ Otazu, Javier (2017-08-30). "La "Pasionaria de Rabat" fue enterrada envuelta en la bandera republicana". efe.com (ب صبليونية). تطّالع عليه ب تاريخ 2022-05-12.
  5. ^ بوخزار, محمد (2017-08-25). "رحيل باكيتا غورونيو الشيوعية الاسبانية التي احتضنها القصر الملكي المغربي". elaphmorocco.com (ب لعربية). تطّالع عليه ب تاريخ 2022-08-27.
  6. ^ Junquera, Natalia (2013-06-25). "A republican in Hassan II's court". إل پاييس (ب نڭليزية). تطّالع عليه ب تاريخ 2022-05-12.
  7. ^ Aboulfaraj, Zaïnab (2017-08-23). "Paquita Gorroño, la «passionnée de Rabat» n'est plus". yabiladi.com (ب لفرانساوية). تطّالع عليه ب تاريخ 2022-05-11.
  8. ^ Moreno, Sonia (2017-08-31). "El último adiós a la 'Pasionaria de Rabat': "¡Salud y República!"". راديو كادينا سير (ب صبليونية). تطّالع عليه ب تاريخ 2022-05-12.