يونس لعيناوي

يونس لعيناوي
معلومات عامة
زيادة	12 شتنبر 1971 (54 عام) الرباط
لجنسية	لمغريب فرانصا
لحرفة	لعّاب د الطينس
لّوغات لي كيعرف	عربية و لوغات أمازيغية
لكاريير ديال الشخص
شارك ف	لألعاب لأولمپية د الصيف 2004 لألعاب لأولمپية د الصيف 1992
لفاميلة
لولاد	نائل العيناوي
رياضة
رياضة	الطينيس
تخصص	كرة المضرب فردي كرة المضرب زوجي

يونس لعيناوي (تولد ف الرباط نهار 12 شتنبر 1972) لعّاب مغريبي قديم ديال التينيس حتارف هاد الرياضة ف 1990 و عتازل ف 2017. ربح لعيناوي ف لمسيرة ديالو 5 د لبطولات حترافية (آ طي پّي ATP) و أحسن ترتيب وصل ليه كان هو 14 ف لعالم، ف مارس 2003.

أحسن النتائج اللي دار يونس لعيناوي ف لبطولات ديال ݣرون شليم هي ربع النهاية، و وصل ليها جوج مرات ف لبطولة د أسطراليا لمحلولة (2000، 2003) و جوج مرات ف لبطولة د ميريكان لمحلولة (2002، 2003).

لعيناوي تعرف بزاف من مورا لماتش ديال ربع النهاية د لبطولة د أسطراليا لمحلولة، ضد لميريكاني آندي روديك، اللي كان واحد من أطول لماتشات د الطينيس ف التاريخ، و ربح فيه روديك السيط لخامس ب 21-19.

حياتو

لبّات و لأم ديال يونس العيناوي كانو دايرين مجهود كبير باش يكمل قرايتو و يعطيها الأولوية ف حياتو، ولكن الشغف ديالو ب التينيس كان كيكبر مع الوقت.

كان كيتدرب ف واحد النادي ديال التينيس ف العاصمة منين يسالي القراية، حتى جات الفرصة وهو عندو 18 عام، قدر يقنع واليديه باش يعاونوه يسافر ل فلوريدا ف ميريكان، باش يدوز واحد الدورة التدريبية ف التينيس اللي كان عندها تأثير كبير ف صقل الموهبة ديالو.

حتارف يونس رياضة التينيس، و خدم مورا الإعتزال مستشار ديال وزير الرياضة و الشباب باش البلاد تستافد من تجربتو ف تطوير رياضة التينيس.

لمسار الرياضي ديالو

بدا العيناوي الرحلة ديالو ف العالم الإحترافي ديال التينيس عام 1990، و بقى ف هاد الميدان علاين عشرين عام. ف البداية، كان كيدور بين الدوريات الصغار باش ياخد التجربة و يصقل المهارات ديالو، و بشوية بشوية بدا كايطلع ف الترتيب العالمي.

أول إنجاز كبير دارو كان ف بلادو المغرب عام 1993، منين ولى وصيف بطل دوري الدار البيضا الدولي، و هادي كانت نقطة التحوّل ف المسار ديالو، حيت من تم بدا كيبان على الساحة العالمية. و فـ 1995، بصم على حضور قوي ف بطولة رولان ڭاروص الفرنسية، و وصل فيها للدور ربع النهائي.

و ف العام اللي بعدو، 1996، العيناوي وصل ل نهائيات ثلاثة د لبطولات لكبار و كان قريب بزاف يدخل ف تصنيف أحسن عشرة د اللعابا ف العالم، ولكن لإصابة وقفاتو شوية، و خلاتو يبعد على التيرانات مدة.

بعدما رجع تألّق بشكل لافت عام 2002، منين ربح ثلاث بطولات ف ميونيخ، الدارلبيضا، و الدوحة، و زاد وصل حتى ل ربع نهائي بطولة أمريكا المفتوحة، اللي كتعتبر من أكبر أربع بطولات ف العالم. هاد الإنجازات خلات السمية د العيناوي تبان ف الساحة الدولية.

ولايني من أهم اللحظات ف لكاريير ديالو هو لماتش ديالو ف بطولة أستراليا المفتوحة عام 2003، ضد اللعاب لميريكاني أندي روديك، اللي كان من أطول و أقوى الماتشات ف التاريخ، دار كثر من خمسة سوايع ديال اللعب. المعلق جون ماكنرو، اللي كان كيغطي لماتش، قال عليه بلي كان "أروع ماتش علق عليه ف مسيرتو".

مصادر

ويكيميديا كومنز عندا تصاور و معلومات على يونس لعيناوي.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.