يوجينيو زامبيجي

من ويكيپيديا
يوجينيو زامبيجي
معلومات عامة
زيادة 17 أكتوبر 1859
مُودِنة
لموت 1944 (84/85 عام)
مارانيلو
لجنسية مملكة إيطاليا (1861–1944)
لحرفة مصوّر و زوّاق
لّوغات لي كيعرف طاليانية


يوجينيو زامبيجي، تولد ف 17 أكتوبر 1859 ؤ مات ف 1944، كان رسام ؤ مصور طالياني، داخل ف تيار د رسم نوعي (رسم د لحياة ليومية).[1]

حياتو[بدل | بدل لكود]

تولد ف مودينا ؤ دخل لأكاديمية لفنون لجميلة ف نفس لمدينة لي كان شادها أنطونيو سيمونازي. ف عمر صغيرة ؤ من لوحات تاريخية لولة ديالو تأتر ب رسام لي أصلو من مودينا حتا هو جيوفاني موزيولي. مورما ربح جايزة پوليتي د رسم ف 1880، ب طابلو ديالو ريتياريوس[نوطة 1]، جاتو لفرصة باش يكمل قرايتو ف لول ف روما ؤ موراها ف فلورنسا لي ستاقر فيها ل ديما ف 1884. ف تمانينات د لقرن تسعطاش، بدا يخدم علا بزاف د لمشاهد د لحياة ليومية، لي دارت نجاج ماشي عادي ف سوق د لفن ؤ لمعارض دولية. تأثر ب ستيل د ݣايطانو كييريتشي ؤ لمدراسة لفلورنسية ماكيايولي. كان كيخدم ف لغالبية د لوقت ف دوك جوج مدون حتال لخر د حياتو.

كانت خدمتو كا مصور مرتابطة بزاف معا رسامي ديالو ؤ هادشي كان كيدار خصوصا ف ستوديو ديالو ب لمعاونة د عارضات لأزياء لي كيلبسو حوايج لفلاحة ولا حوايج ناس لعاديين.[2] مورما كياخد هاد تصاور، كيخدمهم لفنان ل باش يخلق تصويرة ناشطة ؤ شاعرية د لعيشة ف لعروبية د طاليان، خاوية من حتا تلميح لشي نقد جتيماعي، شي لي كان كيقدروه سياح لبرانيين لدرجة أن هادشي خلاه يدير سنسلة من نفس تصاور نمطية لمختالفة ف لعوامات لولة د لقرن لعشرين.

زامپيݣي توفا ف مارانيلو حدا مودينا ف 1944.

نوطات[بدل | بدل لكود]

  1. ^ ريتياريوس كاين دابا ف ݣاليريا پوليتي ف مودينا.

عيون لكلام[بدل | بدل لكود]

  1. ^ La margherita, canvas at Cassa de Risparmio of Modena.
  2. ^ Zampighi, dallo scatto al pennello مؤرشف 2016-03-05 فموقع وايباك ماشين, Exhibition in 2007, in Fotomuseo Panini.