إيمن متطرف
| ييمن متطرّف | |
|---|---|
_crop.jpg) | |
| انحياز سياسي | |
| كلاص فرعية ديال | ليمن (سياسة)، تطرف  |
| طرف من | ليمن (سياسة)، الطيف السياسي اليساري-اليميني، راديكالية سياسية |
| مبازي على | عضوانية |
| موصوف ف الليان | https://www.verfassungsschutz.de/EN/topics/right-wing-extremism/right-wing-extremism_node.html |
| النقيض | يسار متطرف |
ليمن لمتطرّف (ب لعربية يمين متطرّف) ولا ليمن لقاصح[1] هو مفهوم ف سّياسة لّي يمكن يكونو عندو بزّاف ديال لمعاني. ف لغالب د لحالات كايشير ل لمجموعات (أحزاب، عصابات، جْماعات) لّي عندها نتيقاد كبير ل لمفهوم ديال دّيموقراطية و كاتكون عندها إيديولوجية شومولية و يمكن تكون حتّا كاتنكر بلي شي جزء من لمجتمع خاص تكون عندهوم حقوق لمواطنة و يمكن ݣاع تعتابر أنهوم خاصّهوم يتحيّدو من لبلاد.[2]
ليمن لمتطرّف يمكن نلقاو فيه إيديولوجيات بحال نّازية جّديدة، لفاشية جّديدة و جّماعات دّينية لمتطرّفة ولا لأوصولية. لمفهوم كايشمل ف لعصر ديال ليوم حتّا جّماعات سّياسية شّعبوية و سّيادية.[2]
من بين لحوايج لمشروكة ما بين جّماعات د ليمن لمتطرّف كانلقاو أنّهم كاينتاقدو لنحيطاط لّي فيه لمجتمع ديال لعصر ديالهوم و ديما كايقارنوه ب شي "عصر ذهبي" ب نّسبة ليهوم هو لمعيار ديال لقوة ديال دّولة ولا جّماعة ديالهوم. من بين لأفكار لمشروكة بيناتهوم كاين حتا تّمجيد ديالهوم ل مجتمع فيه طبقة ديال سّياد (ولا شّرفا و نّبلاء) و تّمجيد ديالهوم ل رّوجولة و لكره ديالهوم ل تّحرر د لمرا و لحرّيات لفردية (لميتلية متلا)، و زيد عليها لخوف ديالهوم من تّخلاط د لأعراق (و ف شي حالات لعونصورية و تّمجيد ولا تّحقير د لأعراق).[2]
- ↑ "Que veut dire "extrême droite" ?". Archived from the original on 2023-06-05. Retrieved 2020-08-31.
- 1 2 3 "Extrême droite - Monde Diplomatique". Archived from the original on 2023-06-02. Retrieved 2020-08-31.
 |
ويكيميديا كومنز عندا تصاور و معلومات على إيمن متطرف. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
