ويكيپيديا:پروجي د ويكي
لپروجي د ويكي هوّ واحد لمجموعة د لكتاتبيا لي قرّرو ينضّمو لخدمة بيناتهوم، ب التركيز على شي مجال محدّد (متلا پروجي د ويكي لمغريب ؤلا پروجي د ويكي لماط)، ؤلا شي نوع د الصفاحي (متلا پروجي د ويكي توضيح)، ؤلا شي نوع د لعطاشات (متلا پروجي د ويكي عيون). ل حد الساعة كاينين 0 پروجي د ويكي ف ويكيپيديا ب الداريجة.
ماتخلّطش مابين پروجي د ويكي و حرْكة. لپروجي د ويكي كيكون خدّام عادةً على صفاحي ديجا كاينين، و ديما محلول ف لوقت و يقدرو يتزادو ليه مقالات بلا حساب، زيادة على كونو كيحطّ شروط ديال التقييم و مسائل خرين. لحرْكة كاتكون عادةً محدودة ف لوقت و ف لمواضيع و كيكون لهدف ديالها لمصاوبة ديال مقالات ماكاينينش ديجا ف لويكي.
باش تلقى پروجي د ويكي تنضمّ ليه، سير ل هاد التصنيف: تصنيف:پروجي د ويكي.
لاش كيصلاح؟[بدل لكود]
لپروجي د ويكي كينضّم هاد لمسايل لمتعلقين ب شي مجال:
- كيحدّد ليستة د لمواضيع لي عندهوم مقالات ف داك لمجال
- كيحدّد الشروط ديال التقييم و لقيمة ديال دوك لمواضيع على حساب لأهمية ديالهوم
- كيحدّد الشروط ديال التقييم و لقيمة ديال دوك لمقالات على حساب الجودة ديالهوم
- كيخدّم هاد التقييمات باش يحدّد لأولوية ديال لخدمة على دوك لمقالات (لمقالات لي ب أهمية كبيرة و جودة عيانة هوما لي عندهوم أعلى أولوية)
ف حالات خرين (نوع د الصفاحي، عطاشات)، لپروجي د ويكي كيخدّم شروط ديال التقييم لي كاتصبّ ف أهداف مماتلة، يعني كاتكلاصي لعطاشات لي خاص يتدارو باش يتم تحسين الجودة د لموسوعة.
لپروجي د ويكي يقدر يخدّم ؤلا يطوّر أدوات، بحال لموضيلات و لبوتات، لي كاتعاون لكتاتبيا لأعضاء ف لپروجي و كاتسهّل لخدمة ديالهوم. متلاً لموضيل ديال التقييم د لأهمية و الجودة يقدر يفرّقو بوت على الصفاحي د لمداكرة ديال لمقالات لمعنيين، و من بعد كيجي كتاتبي كيزيد التقييم ف لموضيل ب ليد، على حساب الشروط لي تم لإتفاق عليها ديجا.