ويكيپيديا:لفقرة د لوفيات ف الصفحة اللولة
لفقرة د لوفيات ف الصفحة اللولة هي طرف من لخبار ديال الصفحة اللولا لي مخصصة ل لوفيات اللخرة د شخصيات عندها ملحوضية ف لعام الجاري. لأولوية كاتّعطى ل الشخصيات لمغريبية ؤلا لي عندها رتيباط ب لمغريب (متلاً تولدات ؤلا عاشت ؤلا ماتت ف لمغريب)، ولاكين أي شخصية عندها صيت عالمي ؤلا تّكتب عليها مقال ف ويكيپيديا ب الداريجة تقدر تزاد تماك معا تاريخ د لوفاة ف لعام الجاري.
كاينين بزاف د لأسباب علاش كاين تركيز ف ويكيپيديا على الشخصيات لي توفات، سيرتو ف وقت قريب:
- توفر الشروط د لملحوضية: ب نّسبة ل لأشخاص، الشروط د لملحوضية من بينهوم توفر عناصر بيوڭرافية، بحال تاريخ الزيادة و لوفاة، و ف بعض لحالات ماكيتوفّروش تا كايموت الشخص. حيت كيولي تاريخ لوفاة معروف، و غالباً كاتكتب عليه الصحافة، ولا ڭاع كيخرجو كتوبا ديال سيرة لحياة ديالو، زيادة على لأعمال لي دار لي كاتزيد تتبت لملحوضية ديال الشخص.
- لكتابة د السيرة د لحياة د الناس لحيين ف ويكيپيديا كاتقدر تسبب مشاكيل، سيرتو يلا تكتبو وقائع لي يقدرو يسببو مشاكل أخلاقية ؤلا قانونية. الناس لي توفاو ب لموقابيل كيطرحو مشاكل قل حيت لكتابة عليهوم سوا ب حاجة مزيانة ؤلا خايبة، ماغاديش تأتر عليهوم ؤلا تضرب ف مصالح ديالهوم.
- لفترة مور ماكاتموت شي شخصية عندها وزن كاتكون أحسن فرصة باش السيرة و لأعمال ديالها يتكتبو و يبقاو ل لأجيال الجاية، حيت بزاف د لمصادر ل هاد لمعلومات يقدرو يتحيّدو من بعد ؤ تولي لملاقية ديالهوم صعيبة، بلا كترة لمواضيع و لمستجدات لي تقدر تجي من بعد و ترد لكتابة د هاد السيرة ماشي من لأولويات ف فترات جايين.