ويكيپيديا:طلب صلاحية أمغار

طلب صلاحية أمغار هي لعملية فين كاتقرر الجماعة د ويكيپيديا شكون غادي يولي أمغار (إداري)، لي هو خدايمي عندو صلاحيات تقنية زايدة كاتعاونو ف الصيانة د لويكي. تقدر ترشح راسك باش تولي أمغار، ؤلا ترشح شي خدايمي أخور لي كيبان ليك كيستاحق الصلاحيات. يلا رشحتي شي حد أخور، داك لخدايمي خاصو يقبل الترشيح بعدا، عاد تدوز الجماعة د ويكيپيديا ل لمرحلة د لأسئلة و لڤوط. لحْكام د صّفحة: أي خدايمي عندو كونط عندو لحقّ يناقش طّلبات و يطرح مسوالات باش يتعرّف على لمرشّح، و باش يقدر يفيد لپروجي د ويكي. كلّا مداكرة على طلب خاص يسيّرها شي أمغار. يلا تّقبل الطلب بعد سيمانة، خاص لمرشح يطلب صلاحيات د أمغار ف ميطاويكي (ل حد الساعة ماكاينش بيروقراطي ف ويكيپيديا ب الداريجة باش ينفّد لقرار نيشان) لقبول ؤلا الرفض د الطلب ماعندوش علاقة ب الضرورة غير معا لعدد د لأصوات، مي تا الجودة ديالها. يلا شي خدايمي رفض الطلب بلا مايعطي أسباب معقولة، ؤلا كان معروف عليه بلي كيدير لمشاكيل ؤلا التخريب ف لويكي، يقدر لأمغار لي كيسيّر لمداكرة د الطلب يتجاهل هاد لڤوط ف لقرار اللخراني بعدما ياخد لمرشح صلاحيات أمغار (ف حالة لقبول ديال الجماعة) ؤلا يلا رفضات الجماعة الطلب ف أغلبيتها بعدما دازت سيمانة، خاص شي أمغار ينقّي الصفحة الرئيسية د الطلبات، ب نقل الليان د الصفحة لفرعية ديال الطلب ل لأرشيڤ د الطلبات د تامغاريت، و تحياد لإحالة ديالها من الصفحة الرئيسية. من لأحسن يتزاد طاڭ ديال {{أرشيڤ مداكرة}} ل الصفحة لفرعية، باش مايبقاوش لخدايميا يكتبو فيها.

طلبات د صلاحية أمغار

كتب الطلب ديالك ف صفحة فرعية جديدة لي عندها عنوان بحال هاكا <ويكيپيديا:طلب صلاحية أمغار/سمية د لخدايمي ديالك>. شوف أمتلة ديال كيفاش كيتكتبو الطلبات ف لأرشيڤ. فاش تسالي، زيد الطلب ديالك تحت من هاد السطر ب هاد لكوض (عوّض ب السمية د لخدايمي ديالك): {{ويكيپيديا:طلب صلاحية أمغار/سمية د لخدايمي ديالك}}

ترشيحات لقدام

شوف لأرشيڤ.