ويكيپيديا:حقوق التأليف والنشر

من ويكيپيديا

النص ديال ويكيپيديا محمي ب الحقوق ديال النشر (ب شكل أوطوماتيكي، على حساب الاتفاقية ديال بيرن) من طرف المحررين و المساهمين ديال ويكيپيديا. هاد النص كيكون مرخص ل العموم ديال الناس ب ترخيص واحد، ولا بزاف ديال التراخيص الليبيرالية. الأغلبية ديال النصوص ف ويكيپيديا و بزاف ديال التصاور كاتكون مرخصة ب شكل مشترك على حساب الترخيص د الرخصة ديال المشاع الإبداعي: النسبة-الترخيص شيرالايك 3.0 (CC BY-SA) و الرخصة ديال GNU ديال الوتائق الحرة (GFDL) (ما منسوخاش، بلا أقسام تابتة، و بلا نص ف الغلاف ديال القدّام ولا ديال اللور). كاينين نصوص اللي تستوردو غير ب الترخيص ديال CC BY-SA ولا ترخيص متطابق معاه و اللي ما يمكنش تتعاود تتخدّم ب الرخصة ديال GNU ديال الوتائق الحرة؛ غادي يتشار ل هاد النوع من النصوص ف القاع ديال الصفحة، ف التعديلات ديالها، ولا ف الصفحة ديال النقاش ديال الارتيكل اللي فيه هاد النص. كل تصويرة عندها صفحة ديال الوصف ديالها اللي كاتبيّن الترخيص اللي كاتعتامد عليه ولا، يلا ما كانتش فابور، الأساس المنطقي اللي الاستعمال ديالها كيعتامد عليه.

التراخيص ديال ويكيپيديا كايعطيو الحرية ديال الولوج ل المحتوى ديالنا ب نفس الطريقة اللي كاترخص اللوجيسييلات الحرة. يمكن ل الواحد يكوپيي شي محتوى من ويكيپيديا و بدّل فيه و يعاود يوزّعو يلا (و غير يلا) النسخة المنسوخة كانت موجودة ب نفس الشروط ل الناس الأخرين و فيها إشارة ل المؤلف ديال الارتيكل ف ويكيپيديا (نورمالمون الليان كيكون كافي باش يتحقق الشرط ديال الإسناد؛ شوف لتحت باش تعرف كتر). على داكشي، المحتوى المنسوخ ديال ويكيپيديا كيبقى فابور على حساب ترخيص مناسب و يمكن يتّستخدم من طرف أي واحد كيخضع ل واحد المجموعة من القيود اللي الهدف منها هو الضمان ديال هاد الحرية. هاد المبدأ كيتسمى الحقوق المتروكة (copyleft) على العكس ديال الحقوق ديال النشر (copyright) المعروفة.

ل هاد الهدف:

  • كيتّعطى الإدن ل النسخ و التوزيع و/ولا التعديل ديال نص ديال ويكيپيديا على حساب الشروط ديال الرخصة ديال المشاع الإبداعي المدكورة لفوق من غير يلا تدكرات شي حاجة اللي كاتعني العكس ديال داكشي، الرخصة ديال GNU ديال الوتائق الحرة (ما منسوخاش، بلا أقسام تابتة، و بلا نص ف الغلاف ديال القدّام ولا ديال اللور).
  • كاينة نسخة من الرخصة ديال المشاع الإبداعي: النسبة-الترخيص شيرالايك 3.0 هنا
  • كاينة نسخة من الرخصة ديال GNU ديال الوتائق الحرة هنا

النص ب النڭليزية ديال التراخيص ديال CC BY-SA و GFDL هما النصوص الوحيدين اللي عندهم قيمة و سند قانوني مابين المؤلفين و المستخدمين ديال ويكيپيديا. هادشي اللي جاي من بعد كيبقى غير تفسير ديال هاد التراخيص على ود الأهمية ديالها ب النسبة ل الالتزامات ديال المستخدمين و المساهمين.

الحقوق و الواجبات ديال المساهمين[بدل لكود]

يلا درتي مساهمة ب نص ف ويكيپيديا ب شكل مباشر، فا راك كاتعطي ترخيص ل الاستعمال ديالو مرة اخرى على حساب CC BY-SA و GFDL (ما منسوخاش، بلا أقسام تابتة، و بلا نص ف الغلاف ديال القدّام ولا ديال اللور)، يقدر الواحد يساهم ب محتوى ماشي نصي على حساب واحد المجموعة ديال التراخيص المختالفة اللي كاتدعم الهدف العام اللي هو نخلّيو الواحد يعاود يستعمل و يوزّع ب شكل حر.

يلا كنتي باغي تستورد نص لقيتيه ف بلاصة اخرى، ولا ألّفتيه نتا مع ناس اخرين، ما غاديش يمكن ليك تستوردو من غير يلا كان متوفر على حساب شروط اللي خاصها تكون متوافقة مع الترخيص ديال CC BY-SA، ما غاديش تحتاج تتأكد واش النص اللي بغيتي تستوردو متوفر على حساب الرخصة ديال GNU ديال الوتائق الحرة من غير يلا كنتي نتا هو المؤلف الوحيد ديال النص. و زيدون على داكشي، عافاك دير ف بالك بيلا ما يمكنش ليك تستورد محتوى متوفر غير ب الرخصة ديال GNU ديال الوتائق الحرة. يعني، يمكن ليك تستورد غير النص اللي عندو ترخيص متناسب مع CC BY-SA بوحدو ولا نص عندو ترخيص مضوبل ديال GFDL و CC BY-SA. يلا كنتي نتا هو المؤلف ديال النص، غادي يخصك تدير ليه ترخيص على حساب CC BY-SA و GNU ب جوج.

يلا ديجا تم النشر ديال شي محتوى و بغيتي تهديه ل ويكيپيديا على حساب ترخيص مناسب، غادي يخصك تتأكد من الإدن ديال حقوق النشر ب واحد من الإجراءات اللي كانخدمو بيهم عندنا. شوف ويكيپيديا: التبرع ب محتوى محمي ب الحقوق ديال الطبع و النشر باش تشوف التفاصيل. يلا ما كنتيش مول الحقوق ديال الطبع و النشر، غادي يكون مازال خاصك تتأكد من الإدن ديال حقوق النشر؛ شوف لتحت باش تقرا تفاصيل كتر على هاد الموضوع.

الحقوق ديال النشر ديال المحتوى اللي كاتساهم بيه ف ويكيپيديا كيبقاو ف الملكية ديالك. الحقوق ما كيولّيوش ديال ويكيپيديا. تقدر من بعد تعاود تنشرو و ترخّصو ب الطريقة اللي تبغي. بلحاق واخا هكداك، ما يمكنش ليك تتراجع على الترخيص ديال النسخات ديال المحتوى اللي كاتدير هنا؛ هاد النسخات غادي يبقاو مرخّصين حتى يدخلو ف الملكية العامة ملي تتسالى الصلاحية ديال الحقوق ديال النشر ديالك (دابا، الصلاحية كاتتسالى بعد عشرات السنين من مور الموت ديال المؤلف).

الاستعمال ديال محتوى محمي ب حقوق النشر ديال ناس اخرين[بدل لكود]

الأعمال الإبداعية كلهم كيكونو محميين ب الحقوق ديال الطبع و النشر، على حساب الاتفاق الدولي، من غير يلا كانو داخلين ف الملكية العامة ولا يتم التنازل على الحقوق ديال النشر ديالهم ب شكل صريح. عادةً، خاص ويكيپيديا تحصل على الإدن ديال الاستخدام ديال المحتوى المحمي ب الحقوق ديال النشر. كاينين ضروف اللي كاتخلّي الاستعمال ديال المحتوى المحمي يكون قانوني و بلا إدن؛ شوف ويكيپيديا: محتوى ماشي حر باش تتعرف على تفاصيل كتر على فوقاش و كيفاش تستخدم هاد المحتوى. واخا هكداك، الهدف ديالنا هو نكونو قادرين نعاودو التوزيع ديال شحال ما كان ممكن من المحتوى ديال ويكيپيديا ب حرية. عليها، التصاور و الملفات الصوتية الأصلية اللي كيكونو مرخصين على حساب CC BY-SA و GFDL، ولا داخلين ف الملكية العامة، كيكون عندهم تفضيل كبير على المحتوى المحمي ب الحقوق ديال الطبع و النشر و اللي كيتخدّم على حساب الاستعمال العادل ولا غيرو.

يلا كنتي باغي تستورد محتوى لقيتيه ف بلاصة اخرى و ما كيوفيش ب السياسة و التوجيهات ديال المحتوى اللي ماشي حر، ما غاديش يمكن ليك تدير داكشي من غير يلا كان مجال عام ولا متوفر ب الشروط ديال CC BY-SA، يلا ستوردتي محتوى على حساب ترخيص كيتطلب الإسناد، غادي يخصك تدكر السمية ديال المؤلف (ولا المؤلفين) ب شكل معقول. و ف الأغلبية ديال الحالات، غادي يخصك تتأكد بيلا المحتوى مرخص ب شكل متناسب ولا بيلا هي مجال عام. يلا كان المصدر الأصلي كيعبّر على إسقاط المسؤولية ديال الحقوق ديال النشر ولا أي إشارة كاتبيّن بيلا المحتوى حر، الليان اللي كيدّي ليه ف الوصف ديال الميديا ولا ف الصفحة ديال النقاش يقدر يكون كافي. يلا كنتي حاصل على إدن خاص باش تستعمل محتوى محمي ب الحقوق ديال الطبع و النشر على حساب شروط متناسبة، غادي يخصك تشير ل هاد المسألة (حدا السميات و التواريخ المعنيين) و تتأكد من داكشي. شوف ويكيپيديا: الطلب ديال الإدن ديال حقوق النشر باش تطلب من مول الحقوق ديال الطبع و النشر يعطيك ترخيص صالح باش تستعملو ف المحتوى ديالو و الإجراءات ديال التأكد من هاد الترخيص.

عمرك ما تخدّم محتوى كينتاهك الحقوق ديال التأليف و النشر ديال الناس الاخرين. هاد المسألة تقدر تخلق مسؤوليات قانونية و تضر ب شكل خطير ويكيپيديا. يلا كنتي شاك، كتب المحتوى ب راسك، و ب داكشي غادي تخلق واحد المحتوى جديد محمي ب الحقوق ديال النشر اللي يمكن ليك تستعملو ف ويكيپيديا بلا مشاكل.

لاحض بيلا القانون ديال النشر كيحكم التعبير الإبداعي على الأفكار، و ماشي الأفكار ولا المعلومات ب راسها. عليها، القراية ديال شي محتوى اخر، و المعاودة ديال الكتابة ديالو ب الأسلوب و الكلمات ديالك و الإرسال ديالو ل ويكيپيديا كاتبقى مسألة مشروعة، طولما ما كاتتبعش المصدر بزاف. (شوف الأسئلة الشايعة على حقوق الطبع و النشر باش تعرف معلومات كتر على كيفاش تعاود تكتب ب شكل ضروري و الفرق مابين الملخص و الاختصار.) بلحاق واخا هكداك، كاتبقى مسألة ماشي أخلاقية (واخا قانونية) باش تدير داكشي بلا ما تشير ل الأصل ف المصادر (شوف الدليل ديال الپلاجيا).

الربط ب أعمال محمية ب الحقوق ديال النشر[بدل لكود]

حيتاش الأغلبية ديال الأعمال اللي تدارت مؤخراً كاتكون محمية ب الحقوق ديال الطبع و النشر، فا كل ارتيكل ف ويكيپيديا كاتستشهد ب المصادر ديالها كاتكون حتى هي محمية ب الحقوق ديال الطبع و النشر. ماشي ضروري ناخد الإدن من مول الحقوق ديال الطبع و النشر قبل ما ندير الربط ب المحتوى المحمي ب هاد الحقوق، حيتاش حتى المؤلف ديال الكتاب ما كيحتاجش ل إدن باش يشير ل الخدمة ديال شخص اخر ف القائمة ديال المصادر. ب نفس الشكل، ويكيپيديا إدن ما كاتقتاصرش على الترخيص ديال CC BY-SA و المحتوى اللي المصدر ديالو مفتوح.

واخا هكداك، يلا كنتي عارف ولا شاك ب شكل معقول بيلا واحد الموقع ديال الويب فيه خدمة كاتنتاهك الحقوق ديال النشر ديال المبدع، ما تربطش ب هاد النسخة، بحال متلاً الربط ب موقع فيه الكلمات ديال الأغاني الشعبية بلا إدن ديال موالين الحقوق ديال الطبع ولا النشر. التوجيه ديال ناس اخرين بلعاني ل موقع كينتاهك الحقوق ديال الطبع و النشر كيتّعتابر شكل من الأشكال ديال الانتهاك المشترك ف الولايات المتاحدة ديال ميريكان. الربط ب موقع كيوزّع ب شكل ماشي قانوني الخدمة ديال شخص اخر كيطيّح السمعة ديال ويكيپيديا. بلحاق عوتاني، يلا كان الارتيكل ديال ويكيپيديا كيهضر على شي موقع ديال الويب، يمكن ليك تزيد الليان ديال داك الموقع واخا يكونو فيه خروقات ديال حقوق النشر.

ما تنساش بيلا السياق مهم حتى هو. تقدر متلاً تربط ب الريڤيو ديال شي موقع معروف على شي فيلم، واخا يكون فيه تصاور من الفيلم (هاد الاستعمال عادةً كيكون مسموح بيه ب شكل صريح من طرف الموزعين ولا مسموح بيه على حساب القانون ديال الاستعمال العادل)، بلحاق الربط ب التصاور ديال الفيلم نيشان كيحيّد السياق و التبرير ديال الاستعمال العادل.

الانتهاك ديال حقوق النشر[بدل لكود]

المساهمين اللي كينشرو محتوى محمي ب الحقوق ديال الطبع و النشر دابا و ساعة و كيتجاهلو التحديرات اللي تعطات ليهم، يقدرو يتمنعو من التحرير من طرف أي أمغار باش يتم التجنب ديال المشاكل.

يلا شكيتي ف شي محتوى بان ليك بيلا كينتاهك هاد الحقوق، خاصك ضروري و على الاقل تجبد المشكل ف الصفحة ديال النقاش ديال ديك الصفحة. يمكن الاخرين من بعد يتأكدو من المحتوى و يتّاخدو القرارات الضرورية. بزاف ديال الحالات يمكن يكونو إندارات ماشي صحيحة. متلاً، النص اللي تلقاه ف بلاصة اخرى على الويب و اللي تكوپيا من ويكيپيديا أصلاً ما يمكنش لينا نعتابروه انتهاك ديال الحقوق ديال النشر. و يلا كانت الصفحة فيها محتوى كينتاهك هاد الحقوق، خاصو يزول ف البلاصة. شوف ويكيپيديا: الانتهاك ديال حقوق النشر باش تعرف كتر، و شوف ويكيپيديا: المشاكل ديال حقوق النشر باش تاخد توجيهات ب الدّيطاي.

توجيهات خاصة ب التصاور و الڤيديوات و محتوات اخرى[بدل لكود]

التصاور، الڤيديوات، و الأوديوات، بحال المحتويات النصية، حتى هما معنيين ب الحقوق ديال النشر. ديما كاين شي واحد اللي عندو الحقوق ديال الطبع و النشر ديال شي محتوى من هاد النوع من غير يلا توضع ب شكل صريح ف المجال العام. الترخيص ديال هاد المحتويات خاصو يكون جاي نيشان من عند مول الحقوق ولا شي واحد قادر يدير الترخيص ف بلاصتو. كاينين حالات اللي كيكون مسموح فيها الاستعمال ديال هاد النوع من المحتوى بلا ما ناخدو ب عين الاعتبار المطالبات ديال الحقوق ديال النشر؛ شوف ويكيپيديا: محتوى ماشي حر

خاص تكون واحد العلامة ف الصفحات ديال الوصف ديال التصاور كاتخص الحالة القانونية ديالهم، بحال ما مدكور ف ويكيپيديا: العلامات ديال حقوق النشر ديال التصاور. التصاور اللي ما فيهمش هاد العلامة ولا اللي ما توضعاتش فيهم هاد العلامة ب شكل صحيح غادين يتمسحو.

الحقوق و الواجبات ف المعاودة ديال الاستعمال[بدل لكود]

المحتوى ديال ويكيپيديا الوحيد اللي خاصك تتاصل ب المؤسسة ديال ويكيميديا باش تعاود تخدّمو هما الشعارات ديال ويكيميديا/ويكيپيديا اللي عندهم علامة تجارية و اللي ما يمكنش تتعاود تتخدّم بشكل حر و بلا إدن. يلا كنتي باغي تخدّم محتويات اخرين ديال ويكيپيديا ف الكتوبا/الارتيكلات/المواقع ديال الويب ديالك ولا غيرها، تقدر تدير داكشي ب شرط ما يكونش الاستعمال على حساب الحكام ديال المحتوى اللي ماشي حر و يكون كيحتارم الشروط ديال الترخيص. معلومات كتر كاينة لتحت.

المعاودة ديال الاستعمال ديال شي نص[بدل لكود]

الإسناد[بدل لكود]

باش تقدر تعاود تستعمل شي نص من ويكيپيديا كيف ما كان الشكل ديال الاستعمال، خاصك ضروري تسند النص ل المؤلفين ديالو إما ب الإشارة ل (1) هيپرلينك (فين ما كان ممكن) ولا العنوان URL ديال الصفحة ولا الصفحات اللي بغيتي تعاود تستعملها، (2) هيپرلينك (فين ما كان ممكن) ولا العنوان URL ديال شي نسخة بديلة و مستاقرة ف الانترنيت و اللي يمكن الواحد يوصل ليها فابور و كاتتناسب مع الترخيص و عاطية إسناد ل المؤلفين ب طريقة مناسبة، ولا (3) تدير واحد الليست فيها المؤلفين كاملين (يمكن ليك تفيلطري الليست باش ما تشملش المساهمات الصغيرة بزاف ولا اللي ما عندهاش شي علاقة مباشرة). و هادشي كينطابق على النص اللي طوّرو المجتمع ديال ويكيپيديا. من الممكن تلقى متطلبات زايدة ف النصوص اللي جاية من مصادر خارجية. هاد المصادر خاصها تكون مدكورة ف الوجه ديال الارتيكل ولا ف الصفحة ديال النقاش.

الحقوق المتروكة (copyleft) و الشيرالايك[بدل لكود]

يلا درتي شي تبديلات ولا شي إضافات على الصفحة اللي بغيتي تعاود تستعملها، غادي يخصك ضروري ترخصها على حساب الرخصة ديال المشاع الإبداعي: النسبة-الترخيص شيرالايك 3.0 ولا من بعدها.

الإشارة ل التبديلات[بدل لكود]

يلا درتي تعديلات ولا إضافات، غادي يخصك تشير ليها ب طريقة معقولة. يلا كنتي باغي تعاود تستعمل الصفحة ف الويكي، متلاً، الإشارة ل داكشي ف التعديلات ديال الصفحة كاتكون كافية.

التوفّر الزايد ديال النص على حساب الرخصة ديال GNU د الوتائق الحرة[بدل لكود]

ب سباب المشاكل ديال التوافق، كل صفحة ما فيهاش نص متوفر على حساب الترخيص ديال CC BY-SA (ولا أي ترخيص متوافق معاه) كاتكون متوفرة على حساب الترخيص ديال GNU ديال الوتائق الحرة. باش تعرف واش الصفحة متوفرة مع الترخيص ديال GFDL، شوف القاع ديالها، التبديلات اللي دازو فيها، و الصفحة ديال النقاش باش تسند المحتوى. حيتاش النصوص اللي منشورين قبل 15 يونيو 2009 تنشرو على حساب الترخيص ديال GFDL، يمكن ليك تضمن هاد التوافق ب الاستعمال ديال التبديلات ديال الصفحة باش ترجّع المحتوى اللي تّنشر قبل من داك التاريخ.