واحة تغمرت

من ويكيپيديا
لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.
واحة تغمرت

واحة تغمرت هي واحد لواحة كاينا ف لجماعة ديال أسرير لي بعيدة على مدينة ݣلميم بـ 10 كلم. هاد لواحة كايجيو ليها بزاف ديال سياح لمغاربة وحتى لبرانيين، وفيها كاينين بزاف ديال دور ضيافة لي كايسيروها ناس لي هوما نيت ساكنين ف لواحة وكيقدمو خدمات للزوار والسياح ديال لواحة.[1]

واحة تغمرت مشهورة بزاف في المنطقة ديال كلميم حيتاش فيها مناظر طبيعية زوينة بزاف وأشجار ديال النخيل، ولكن هاذ الواحة تعرضات لبزاف ديال لحرائق اللي أثرو عليها وعلى الجمال ديالها. ولكن كاينين برامج رسمية اللي كيدرسوها المسؤولين باش يعاودو يرجعو الواحة كيفما كانت فالأول، ولكن بينما يوجدو هاذ البرامج، بداو الناس كايزرعو الأشجال المثمرة فالواحة اللي معروفة بيها المنطقة خصوصا الاشجار ديال الرمان والزيتون والكرموص، منها غاذي يعاونو الواحة تحيا من جديد ومنها نيت غاذي يتعلمو الشباب كيفاش يزرعو.[2][3][4]

المتحف ديال تغمرت
واحة تغمرت

المتحف ديال تغمرت[بدل | بدل لكود]

هو واحد المتحف كاين نيت ف الواحة ديال تغمرت وفيه واحد المجموعة ناذرة ومهمة ديال القطع الأثرية اللي كاتعبر على المظاهر ديال الحياة والإبداع لي كان ومازال كاين عند القبائل الرحل ديال الصحرا. وكايضم هاذ المتحف مجموعة ديال المصنوعات اليدوية اللي مصنوعة من الجلد، واللباس، والأدوات الحجرية والمعدنية اللي كانو كايخدمو بيها الناس ديال الصحراء أيام زمان. وبالتالي فهاذ المتحف كايتعتابر معلمة ثقافية وسياحية بامتياز وكايعاون يزيد يشهر المنطقة ويعرف بيها للسياح اللي كايجيو كايكتاشفوها.[5]

عيون لكلام[بدل | بدل لكود]

  1. ^ "واحة تغمرت ذاكرة للترميم ونخيل للإنقاذ". مأرشيڤي من لأصل ف 2021-04-23. تطّالع عليه ب تاريخ 2021-04-18.
  2. ^ "واحة تغمرت بكلميم". مأرشيڤي من لأصل ف 2023-05-28. تطّالع عليه ب تاريخ 2021-04-18.
  3. ^ "النيران تحول واحة تغمرت إلى رماد". مأرشيڤي من لأصل ف 2021-04-22. تطّالع عليه ب تاريخ 2021-04-18.
  4. ^ "حريق مهول يلتهم واحة تغمرت". مأرشيڤي من لأصل ف 2021-04-23. تطّالع عليه ب تاريخ 2021-04-18.
  5. ^ "متحف تغمرت". مأرشيڤي من لأصل ف 2021-04-22. تطّالع عليه ب تاريخ 2021-04-18.