هوكايدو

من ويكيپيديا
راية عمالة هوكايدو
خريطة هوكّايدو

هوكّايدوجاپونية:北海道,hokːaidoː)، وكاتعني "الطريق ديال بحر الشمال"، و كانت كاتسمى زمان اِزو ولّا ييزو، هي الجزيرة الشمالية[1] ما بين الجزاير الربعة الكبار ديال جاپون، و رسميًا، هوكايدو كاتشكل فنفس الوقت عمالة و جهة، عاصمتها هي مدينة صاپّورو، و فالجزيرة عايشين بعض الناس من الآينو، اللي هما السكان اللولين ديال كتيرة جزاير جاپون.

جغرافيا[بدل | بدل لكود]

تضاريس[بدل | بدل لكود]

جبل يوطي

هوكايدو كاينة فالشمال ديال الجبّان، قريبة من سيبيريا، و ضاير بها البحر الهادي من الشرق و بحر الجبّان من الغرب و بحر اوخوتسك من الشمال، ومفارقة مع جزيرة هونشو بالبوغاز ديال تسوݣارو.

71% من الجزيرة عامر غيب، و 16% اراضي فلاحية.

عمالة هوكايدو داخلة فيها بزاف ديال الجزاير آخرى بحال ريشيري و اوكوشيري و ريبون.

جو[بدل | بدل لكود]

هوكايدو معروفة بصيافها الباردين و الجافّين (حاجة اللي كاتخلّي بزاف ديال السياح يزورو) و شتاواتها الصعاب، الحرارة المتوسطة فشهر غشت كاتكون فجوايه 22 °C ، و فشهر يناير كاتكون ما بين -4 °C  و -12 °C،على حساب خط العرض و العلو ديال كل بلاصة.

الجزيرة فيها شلا رعدات دياول التلج اللي كايجيو من سيبيريا.

تاريخ[بدل | بدل لكود]

هوكايدو فلاصل كانت ارض شعب الاينو[2]، و لدابا مازلنا نقدرو نلقاو الاتر ديال لغتهم فسميّات بعض البلايص فالجزيرة، و بزاف ديال المدن، و فشلا انواع ديال الشجر و الحيوان ( بحال يزوماتسو، واللي كاتعني تايدا "الصنوبر" ديال هوكايدو).

تقسيم اِداري[بدل | بدل لكود]

هوكايدو هي فنفس الوقت عمالة (هوكايدو) و جهة جبّانية (هوكايدوكين؛ واخا هاد اللقب قليل اِلا تستعمل، و كايتستعمل غير فاش المفارقة كاتكون ضرورية). عاصمة العمالة هي مدينة صاپورو.

اهم مدن فالعمالة هما صاپورو و هاكوداتي و اَساهيكاوا.

اقتصاد[بدل | بدل لكود]

واخا كاينة شوية ديال الصناعة (الكاغيط، البيرّة، الماكلة)، كتيرة الصنايع كاينة فالمجال ديال السرابس(الخدمات). السياحة مهمة بزاف للعمالة و بالخصوص فالصيف اللي كايكون فيه الحال بارد، عكس الجزاير اللاخرى اللي كاتكون سخونة.

فلاحة[بدل | بدل لكود]

هوكايدو هي العمالة اللي عندها اكتر غلّات ديال الفلاحة فالجبّان[3]، وبالخصوص الروز و الحوت. كتيرت المجال ديال الفلاحة متطور بزاف: تربية البهايم، الزرع، الصيد. الربُع ديال الارض المحروتة فالبلاد كاينا فهاد العمالة. اهم الغلّات هما: القمح (65%)، باطاطا (79.5%)، الباربا (100%).

سياحة[بدل | بدل لكود]

بلاصة السياحة مهمة فاقتصاد ديال جزيرة هوكايدو. عام 2014، جا للجبّان كتر من 13 مليون سايح برّاني، و هاد العدد كايتزاد عام على عام، كتيرة هاد السياح اصلهم من آسيا، و بالخصوص من الشينوا، طايوان، و كوريا الجنوبية.

تقافة[بدل | بدل لكود]

عيد التلج ديال صاپورو (النحت على التلج).

مسابقات على العودان.

منازه وطنية:

  • المنزه الوطني ديال اَكان
  • المنزه الوطني ديال دايسيتسوزان
  • المنزه الوطني ديال كوشيرو شيتسوݣين
  • المنزه الوطني ديال ريشيري ريبون ساروبيتسو
  • المنزه الوطني ديال شيريطوكو
  • المنزه الوطني ديال شيكوتسو طويا

بعض الناس دياول هوكايدو[بدل | بدل لكود]

عيون لكلام[بدل | بدل لكود]

Wikimedia Commons تقدر تزيد شوف بزاف د تّصاور و لمعلومات ديال Hokkaido ف ويكيميديا كومنز.