هشام أرازي

هشام أرازي
معلومات عامة
زيادة	19 أكتوبر 1973 (52 عام) الدار البيضا
لجنسية	لمغريب
لحرفة	لعّاب د الطينس
لّوغات لي كيعرف	عربية و لوغات أمازيغية
لكاريير ديال الشخص
شارك ف	لألعاب لأولمپية د الصيف 2004 لألعاب لأولمپية د الصيف 1996
رياضة
رياضة	الطينيس

هشام أرازي (تولد فالدار لبيضا ف 19 أكتوبر 1973) لعاب قديم ديال الطينيس مغريبي، كان كيتسمّا "السحّار لمغريبي د الطينيس" و لاّ "السحّار د التيرانات" حيت كانت عندو طريقة د اللعب فيها لفراجة بزاف.

بدا هشام أرازي لحتيراف ديال الطينيس ف 1993، و لكن ما تعرف مزيان تال 1997، ملّي ربح لبطولة د لحسن التاني فالدار لبيضا، و اللي كانت هي لبطولة لوحيدة اللي ربح ف لمسيرة لاحترافية ديالو. أحسن ترتيب كان عندو هو الترتيب 22 ف لعالم، و كان ف لعام 2001.

أرازي دار بزاف د النتائج مزيانة فأحسن لبطولات، و لعب جوج مرات ربع النهاية د رولان ݣاروس (1997، 1998) و جوج مرات الربع نهاية ديال بطولة أسطراليا (2000، 2004). أرازي ربح فلمسيرة ديالو بزاف د اللعّابة اللي كانو مرتبين هوما اللول ف لعالم، بحال رودجر فيديرير و أوندي آݣاسي و خوان كارلوس فيريرو.

بداياته

من بعد ما قطع هشام أرازي القراية فالثانوي، قرّر يخصّص كل وقتو لرياضة التنس. ساعدو فهاد الطريق الأب ديالو اللي كان مدرب فالتنس، وهكا دخل هشام عالم الاحتراف سنة 1993، وولا من أوائل المغاربة والعرب اللي وصلو للأدوار التمهيدية فبطولة عالمية فالتنس، وهي بطولة دبي سنة 1995.

من داك الوقت بدا نجم أرازي كيبان ويتألّق، حتى وصل القمة ديالو فبطولة أستراليا المفتوحة سنة 1998، ملي وصل لربع النهائي، قبل ما يخرج على يد المصنّف الأول فداك الوقت، الأمريكي بيت سامبراس. وبما أن هشام كان عندو طموح كبير باش يحقق إنجازات أكثر، جاب معاه المدرب الفرنسي باتريك شارتون، اللي خدم معاه ولكن ما كانش بصفة دائمة حيت الوضعية المادية ديال أرازي ما كانتش كتسمح.

ملي بدا هشام كيدخل فبطولات الناشئين، تزادت المصاريف بزاف، ولكن وزارة الخارجية المغربية عاوناتو بشوية ديال الدعم، وهاد الدعم ساعدو باش يحقق انتصارات مزيانة ويولي عندو مرتبة زوينة بين الناشئين. ومن بين الإنجازات اللي دارها فداك الوقت، كان الفوز ديالو على اللاعب المعروف كاريل نوفاتشيك، اللي كان وصل حتى هو لربع النهائي فبطولة أستراليا المفتوحة سنة 1995.

ف الرياضة

فمسيرة ارازي فالتنس، ربح لقب واحد ف ل فردي فـ بطولة من بطولات رابطة لاعبي التنس المحترفين، وكان هاد اللقب فـ الدار البيضاء. وصل "الساحر المغربي" لربع النهائي ديال بطولة أستراليا المفتوحة جوج مرات، وبطولة فرنسا المفتوحة حتى هي جوج مرات.

كانو بزاف ديال محللي التنس كيسمّيوه "ماكنرو المغربي" حيت كان عندو موهبة خارقة، وكيلعب بطريقة زوينة ولمسة فنية، والجمهور ديما كيشجعو حتى إلا ما كانش فبلادو.

قدر يربح على باتريك رافتر، اللي كان ربح بطولة أمريكا المفتوحة فـ عامي 1997 و1998، بجوج مجموعات بلا ما يخسر فالدور الأول من نفس البطولة. ولكن فالمجموعة الرابعة، طلعلو الزعاف من قرارات الحكام ديال الخط، وقال للحكم نورم كريست: "خرج من هنا"، وهاد الكلمة كانت الشعالة اللي بدات منها النهاية ديالو فالماتش وخلاّت رافتر يرجع ويتفوق.

وخلال مسيرتو، ربح على لاعبين كبار كانوا رقم واحد فالعالم من قبل، بحال روجر فيدرر، أندريه أغاسي، يفغيني كافيلنيكوف، مارات سافين، ليتون هيويت، خوان كارلوس فيريرو، كارلوس مويا، وجيم كورير.

معرض ديال تصاور

• 
  هشام ارازي
• 
  ملعب تنس

مصادر

ويكيميديا كومنز عندا تصاور و معلومات على هشام أرازي.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.