نبيل أحمجيق
نبيل أحمجيق
| ||
| معلومات عامة | ||
| زيادة | 31 دجنبر 1984 (39 عام) الحسيمة | |
| لجنسية | لمغريب | |
| لحرفة | محاسب، ناشط سياسي و سجين سياسي | |
| لّوغات لي كيعرف | تاريفيت، الداريجة لمغريبية، عربية و لفرانساوية | |
نبيل أحمجيق (بالريفية: ⵏⴰⴱⵉⵍ ⴰⵃⴰⵎⵊⵉⵇ) (تزاد نهار 31 دجنبر 1984 فلحسيمة) هو ناشط سياسي مغريبي, وواحد من الشيفان د لحراك د الريف, وكان تيتلقًب ب"الدينامو" ديالو.[1] نهار 5 يونيو 2017, تعتقال نبيل وموراها تحكم عليه ب 20 عام دلحبس.
تولد نبيل أحمجيق نهار 31 دجنبر 1984 فلحسيمة وكبر فيها. خدا لباك فلعلوم التجريبية ومن موراها خدا ديپلوم فتسيير لمقاولات.[2] دوًز واحد لوقيتة بيطالي, ومن موراها لقا خدمة د محاسب.
ملًي بدا لحراك د الريف, شارك فيه نبيل بزاف وكان واحد من لمنظمين لأساسيين د لمظاهرات فلحسيمة وفلخارج ديالها. كان معروف باللي كان تيطلق بزاف د الشعارات سلمية فلمظاهرات وكان تيحفز الناس اللي مشاركين فيها بالصوت ديالو. بقوة ما شارك فݣاع ليجتيماعات ولمظاهرات فلداخل ولخارج د مدينتو, وحيث كان تيخدم ويوجًد بزاف فالليل والنهار, تسمًا ب"الدينامو" ديال لحراك.
تعتاقل نبيل أحمجيق نهار 5 يونيو 2017 فلخمسة ونص د الصباح من دارهم, ومورا محاكمة ليبتيدائية وستيئنافية, تحكم عليه ب 20 عام دلحبس[3] ببزاف د التهم منها المشاركة في تدبير مؤامرة للمس بالسلامة الداخلية للدولة والمساهمة في تنظيم مظاهرات غير مصرح بها وعقد تجمعات عمومية بدون تصريح و لي قالو بزاف دلمنضمات بلي هاد لحكم قاصح و ضالم.[4]
- ^ "نبيل أحمجيق "دينامو" الحراك الشعبي بالريف - أطاك لمغريب (2018)". مأرشيڤي من لأصل ف 2023-04-01. تطّالع عليه ب تاريخ 2020-07-03.
- ^ "معتقلو حراك الريف - ثائرون ولكنّهم مسالمون - العربي الجديد (2017)". مأرشيڤي من لأصل ف 2020-12-03. تطّالع عليه ب تاريخ 2020-07-03.
- ^ "السجن 20 عاما للزفزافي ونشطاء آخرين في "حراك الريف" بالمغرب - DW (2018)". مأرشيڤي من لأصل ف 2023-04-15. تطّالع عليه ب تاريخ 2020-07-03.
- ^ "المغرب: الاستئناف في قضية حراك الريف، فرصة لإبطال محاكمة جائرة - منظمة العفو الدولية (2018)" (PDF). مأرشيڤي (PDF) من لأصل ف 2021-06-12. تطّالع عليه ب تاريخ 2020-07-03.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |