نادية فتاح العلوي
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل:
|
نادية فتاح العلوي
| ||
 | ||
| معلومات عامة | ||
| زيادة | 17 شتنبر 1971 (54 عام) الرباط | |
| لجنسية | لمغريب | |
| لحرفة | مسيرة أعمال و سياسية | |
| معلومات خرى | ||
| لحيزب | تجمع لوطني د لأحرار | |
   | ||
نادية فتاح العلوي (مزيودة ف 17 شتنبر 1971) هيّا وزيرة د لقتيصاد ؤ لفينونس ؤ إصلاح لإدارة ف لحوكومة د أخنوش من 7 أكتوبر 2021.[1] كانت قبل وزيرة د سّياحة، نّقل لجوي، صّيناعة تّقليدية ؤ لقتيصاد لجتيماعي من أكتوبر 2019 ف لحوكومة د لعتماني تّانية.
كتعتبر نادية فتاح العلوي من أبرز النساء المغربيات اللي برزن فمجال الاقتصاد والأعمال. بعد ما خذات دبلومها من المدرسة العليا للتجارة فباريس (HEC) عام 1994، رجعات للمغرب وبداات المسار المهني ديالها فمدينة الدار البيضاء، كمستشارة فمؤسسة “آرثر أندرسون” المتخصصة فالتدقيق المالي وتمويل الشركات.[2]
من بعد، التحقت بشركة “أكسا” وشغلات فيها منصب مسؤولة على قسم التأمين على الحياة، وبقات فيه حتى لعام 2000. من بعد، أسسات شركة خاصة كتخدم فمجال صناديق الاستثمار وتمويل الشركات تابعة لمجموعة اقتصادية معروفة، وكانت المديرة العامة ديالها حتى لعام 2004.[2]
ما بين 2005 و2009، خدامات فشركة تأمينات أخرى كمديرة عامة مكلفة بقطب الدعم والتمويل. من بعد خاضت تجربة جديدة فمؤسسة مالية مهمة، وقدرات فيها تقود مشاريع رائدة على الصعيد الإفريقي والعربي.[2]
فرجعت من بعد لمجموعة “سهام” وشغلات منصب المديرة العامة المكلفة بالشؤون المالية ما بين 2014 و2017، وهو العام اللي تولات فيه منصب المديرة العامة لشركة “سهام للتأمين” فرع المغرب، وبقات فهذ المنصب حتى تعيينها عضوة فالحكومة الجديدة.[2]
تسلمات وزارة السياحة والصناعة التقليدية، ومن بعد تولات منصب وزيرة المالية فحكومة عزيز أخنوش، لتكون من بين الوجوه النسائية القوية اللي مثلات المرأة المغربية فالمناصب العليا بثقة وكفاءة.[2]
تعيين نادية فتاح العلوي فمنصب وزيرة الاقتصاد والمالية كان سابقة فالمغرب، حيث ولات أول امرأة فالتاريخ المغربي كتتولى هاد المنصب الحكومي الرفيع.[3]
نادية فتاح العلوي، اللي كتنتامي لحزب التجمع الوطني للأحرار، سبق ليها شغلات فالحكومة السابقة منصب وزيرة السياحة والنقل الجوي والصناعة التقليدية والاقتصاد الاجتماعي، وورّات فيه كفاءة كبيرة وقدرة على التسيير.[3]
فتاح العلوي معروفة بخبرتها الكبيرة فمجال التأمين والمالية، واسمها لمع فإفريقيا كاملة فمجال المال والأعمال. شركة “سهام” الكبيرة، اللي كتضم 56 شركة تابعة فـ26 دولة، اختارتها تكون على رأس إدارتها بفضل التجربة والحنكة ديالها.[3]
فتاح العلوي خريجة المدرسة العليا د التجارة ف باريس (HEC Paris)، و بدات المسار المهني ديالها عام 1997 ف فرنسا مع شركة “آرثر أندرسن”. من بعد لتاحقات ب مجموعة “سهام للتأمين”، و طلعات فيها خطوة ب خطوة حتى ولات رئيسة مجلس الإدارة ديال “سهام” فـ 2017.[3]
هي مؤسسة و مديرة نادي “Club des Femmes au Maroc” و عضوة ف الشبكة الدولية “Women Corporate Directors”، اللي كتجمع عيالات قياديات من مختلف دول العالم.[3]
وسنة 2016، اختارتها مجلة جون أفريك (Jeune Afrique) ضمن أفضل خمس نساء إفريقيات رائدات، فاش كانت المديرة العامة المفوضة لـ“سهام فينانس”. هاد التتويج جا اعترافًا بالإنجازات ديالها فمجال التأمين بإفريقيا، خصوصاً بعدما قدرات توسّع نشاط الشركة فأسواق جديدة بحال نيجيريا، أنغولا، كينيا، رواندا، وجزر موريس.[3]
نادية فتاح العلوي اليوم كتمثل نموذج ديال المرأة المغربية الطموحة اللي جمعت بين التكوين الراقي، الخبرة، والقيادة، ووصلات بجهدها لأعلى المناصب فالدولة.[3]
- ↑ "حكومة أخنوش بـ24 وزيراً ضمنهم 7 نساء" (ب العربية). 7 أكتوبر 2021. Archived from the original on 8 أبريل 2023.
- 1 2 3 4 5 "جديد أنفو:". www.jadidinfo.com. Retrieved 2025-10-16.
- 1 2 3 4 5 6 7 "مرحبا بكم على موقعنا كفى بريس - [ kafapress.ma ]". kafapress.ma (ب العربية). Retrieved 2025-10-16.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |