مهدية

مهدية
‫المهدية‬ (ar) ⵎⵀⴷⵉⵢⴰ (tzm)
لبلاصة
لبلاد	لمغريب
لإقليم	إقليم لقنيطرة
السكان
شحال دالسكان	58,558 (2024)
شحال دلفاميلات	16,071 (2024)
معلومات خرين
الرمز لجغرافي	6546240

مهدية مدينة مغريبية و جماعة ترابية حضرية كاينة ف إقليم قنيطرة، جهة رّباط سلا قنيطرة، ساكنين فيها 28636 واحد، على حسب لإحصاء لعام 2014.

هي معروفة ب المرسى جهة واد سبو، و حدها الغابة المحمية سيدي بوغابة، و قصبة يعقوب المنصور. البحر ديالو معروف صحاب سورف و تزالق.

تعليم

• نسبة لأمية (نّاس لّي ما كايعرفوش يقراو ولا يكتبو) : 21,6%
• نسبة سّكان لّي قاريين فوق الليسي (ليسي و جامعة): 16,4%

السكان

السنة	1994	2004	2014	2024
عدد السكان	5.905	16.262	28.636	58.558

الأغلبية ت السكان الحاليين من أصول أمازيغية، وهاجر جزء كبير منهم من المناطق الجبلية والصحراوية ديال المغرب ابتداءً من الستينات. كما استقرات حتى بعض العائلات الميسورة فهاد المنطقة، وبنات فيها منازل ثانية أو شقق للعطل والاستجمام.

إقتصاد

• نسبة نّاس نّشيطين (لّي يقدرو يخدمو): 51,7%
• نسبة لبطالة (نّاس لّي ما خدامينش و تايقلبو على خدمة): 18,4%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 11,4%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):54,9%

تاريخ

لمهدية كانت معروفة فلقْديم باسم المعمورة، وكان عندها ميناء مهم على ساحل لمغربي. حسب بعض روايات لقديمة، أسس لقرطاجيون مستعمرة فهاد لبلاصة ف لقرن لخامس قبل لميلاد، وكانو كيسميوها Thymiaterium.

الاحتلال البرتغالي (1515م)

شاطئ لمهدية

ملّي شدّوها البرتغاليين عام 1515 وسمّاوها São João da Mamora. فلمدة ديال توسع لبرتغالي، سيطروا على بزاف ت لمدن وحصون فساحل لأطلسي لمغربي. ولكن من بعد بداو كيتخلاو على بزاف من لمواقع بين 1541 و1550، وبقاو غير فـسبتة وطنجة ومازاغان.

وكر للقراصنة

فبداية القرن 17، ولات لمهدية ملجأ مهم للقراصنة لبحريين، خصوصاً لإنجليز ولهولنديين، حيت كانت قريبة من إسبانيا ومن طرق تجارة لبحرية. سلطنة سعدية كانت كتتسامح معاهم حيث كانو كيدخلو لفلوس للبلاد.

الاحتلال الإسباني (1614–1681)

راية تفرنسا فوق قصبة لمهدية، لحصن لبرتغالي لقديم القريب

لإسبان احتلو لمدينة عام 1614 بقيادة الأميرال Luis Fajardo، وسمّاوها La Mamora. دارو فيها حصن قوي وسكنو فيها حامية عسكرية كبيرة.

القائد سيدي العياشي قاوم لإسبان، وهاجم سفنهم، وحاول يسترجع لمدينة أكثر من مرة.

بقاو لإسبان مسيطرين عليها 67 عام، حتى استرجعها سلطان لعلوي مولاي اسماعيل عام 1681.

لحكم لمغربي (1681-1912)

من بعد ما استرجعها سلطان مولاي إسماعيل، تسمات المهدية، وتصلحات لقصبة لإسبانية لقديمة وولات هي قصبة المهدية.

جيرولامو ديسيبولو – حصن لمعمورة، لي استولى عليه لكاثوليك سنة 1614،

من 1694 حتى 1696 دار لبرتغاليون حصار على لميناء باش يحاربو لقرصنة. وفـ1795 سد السلطان مولاي سليمان لميناء باش يمنع لتدخلات لأجنبية، ومن بعد ضعفت لمدينة بزاف.

لحماية لفرنسية (1912-1956)

احتلها الفرنسيون سنة 1911 قبل فرض الحماية رسمياً على لمغريب.

وفـ1942، خلال Operation Torch، نزل حوالي 9,000 جندي من قوات الحلفاء فالمهدية على متن 19 سفينة حربية.

المراجع

ويكيميديا كومنز عندا تصاور و معلومات على مهدية.

هادي زريعة ديال مقالة خاصها تّوسع. تقدر تشارك ف لكتبة ديالها.