منظمة أكاديمية التراث
منظمة أكاديمية التراث هي جمعية مغريبية كاينة ف بركان. تأسسات ف 8 يناير 2017 فمدينت بركان كجمعية وطنية عندها فروع، ولهدف الكبير ديالها كان تأطير ومأسسة التراث المحلي باش تعيدلو لعتيبار حيت كاتعتابرو كنز وراسمال مهم بزاف.[مصدر؟] وكتهدف أنها تشرك لفاعلين و لمتدخلين وكاع طبقات ديال لمجتمع خصوصا الشباب باش يطورو لفعل التراثي ويبينو الثقافة و لفلكلور لمحلي فوحد شكل أكاديمي بعيد على لفوضوية و لارتجال. كيرأسها لباحث فالتراث لمحلي عبدالله لحسايني.
- جائزة لحكاية التراثية ف جوج نوساخ 2016 /2018.
- معرض تراثي دوري ل سيدي محمد أبركان.
- دفعت ملف طلب تسجيل ليسي أبو الخير ف مدينة بركان ضمن لآثار لمغريبية.
- من بين لكتوب لي صدرتهم كتاب بنو يزناسن القصة الكاملة لي يحكي على تاريخ وتراث قبائل بني يزناسن وساكنة ديال سنسلة جبال بني يزناسن ولي كيوصل حتى للحضارة الايبروموريسية.
- طبعات حكاية تراثية أمازيغية لي معروفة على الصعيد المحلي وحتى فشمال افريقيا كامل عنوانها "سالف لونجا"
- طبعات تحقيق ديال مخطوطات ديال عالم مالكي من القرن خمسطاش فكتاب سميتو: "مخطوطات سيدي محمد ابركان"
- طبعات لحكاية لي فازت بجائزة الحكاية التراثية نسخة د2016 لي عنوانها "أريذال وعش العصافير" وطبعات الترجمة ديالها.
- بنات نصب تذكاري للمعلمة التراثية "سيدي محمد ابركان"
- دارت تحسيس ومراسلات ضد تخريب المعلمات الاثرية لقديمة :[1][2]
- جائزة ديال الحكاية التراثية : نافست تلاميذ المدن الشرقية على حكايات تراثية وطبعت الحكاية ديالت التلميذ الفايز.
- خدامة على خلق متحف لتاريخ المدينة [3] فالمعلمة ديالت سيدي محمد ابركان.
- دارت معاريض ديال تاريخ مدينت بركان ولمخطوطات مغريبية.
- ^ "أكاديمية التراث تدق ناقوس الخطر بخصوص قصبة المولى إسماعيل". مأرشيڤي من لأصل ف 2021-06-29. تطّالع عليه ب تاريخ 2021-06-25.
- ^ "اكاديمية التراث تراسل وزارة الاوقاف لحماية المعلمة الاثرية سيدي محمد ابركان". مأرشيڤي من لأصل ف 2021-06-29. تطّالع عليه ب تاريخ 2021-06-25.
- ^ "مشروع متحف لمدينة أبركان - أكاديمية التراث". مأرشيڤي من لأصل ف 2021-06-29. تطّالع عليه ب تاريخ 2021-06-25.