معاونة:كيفاش تربط صفحة ب لوغات خرين
أغلبية د الصفاحي لي كاينين ف ويكيپيديا يقدرو يتربطو معا لموقابيلات ديالهوم ف ويكيپيديات خرين. الستيتناءَات هوما الصفاحي ديال لمجال السمياتي "ميدياويكي"، الصفاحي د الستيل (دياول لموضيلات و لمودولات)، الصفاحي د الشرح (دياول لموضيلات و لمودولات)، و بعض الصفاحي لفرعيين لخرين د لمودولات.
هاد لڭيد كيشرح كيفاش تقدر تربط الصفاحي د ويكيپيديا ب الداريجة ب لموقابيلات ديالهوم، ب طرقان مختالفين. الربيط معا صفحة وحدة موقابيلة كافي باش تّربط الصفحة د ويكيپيديا معا جميع الصفاحي لخرين.
الصفاحي د التحويل من لأحسن مايتربطوش من غير ف شي حالات خاصة.
-
1. ف صّفحة د لمقال، شوف علّيسر لتحت شوية، غادي تبان ليك "زيد ليانات بين اللوغات" ؤ كليكي عليها (يلا كنتي مخدّم الشكل د لانطيرفاص "ڤيكتور 2022" غادي يخصك تكليكي بعدا على "أدوات" عاد غادي تبان ليك "زيد ليانات بين اللوغات") -
2. خاص يطلع ليك هاد الشريجم -
3. ف بلاصت لّوغة دخّل لكوض د لّوغة تابعاها wiki. متلا نّڭليزية enwiki، لعربية arwiki، لفرانساوية frwiki. ف بلاصت صّفحة، دّخل لعنوان د لارتيكل ف ديك لويكيپيديا. هنا متال ديال لارتيكل د عبد الرحيم التونسي. كليكي على "ربط معا صفحة" -
4. غادي تطلع ليك موراها ليستة ديال لعناوين د لمقالات لموقابيلة ف لوغات مختالفين. تيقّن بلي راك ختاريتي لموضوع الصحيح (شي مرات تقدر ب لغالاط تختار صفحة ديال التحويل ؤلا التوضيح ماشي الصفحة الرئيسية). كليكي على "أكّد" -
5. يلا ماكانت تا شي إيرور، غادي يطلع ليك هاد الشريجم. كليكي على "سد الشريجم د لختيار و عاود شارجي الصفحة". يلا طلع ليك ميصاج د ليرور، هادا كيعني ف لغالب بلي الصفحة لي بغيتي تربط معاها ديجا مربوطة معا شي صفحة خرة ف ويكيپيديا ب الداريجة. سير ل ديك الصفحة (تقدر تدوز ليها من ويكيداطا ؤلا من لويكيپيديا لخرة)، و شوف واش الصفحة مربوطة بشكل صحيح، ؤلا واش خاص شي صفحة من الجوج تّحيّد، ؤلا يتدمجو بجوج
يلا عندك شكل قديم ديال لانطيرفاص، شوف لأرشيڤ باش تلقى التعليمي لي خاص بيه، ولّا بدّل الشكل ديالها ف خاص:تفضيلات => مظهر.
هاد التعليمي كيهم الزيادة د ليان من ويكيداطا.
-
1. سير ل الصفحة ديال الستون د ويكيداطا ديال لموضوع (تقدر تدوز ليه من لويكيپيديا لخرة لي بغيتي تربط معاها، ؤلا تقلب ديريكت ف ويكيداطا). على الجنب ليمن لفوق (ولّا ف التحت، يلا عندك لانطيرفاص اللخرة) غادي يبان ليك الصندوق لي فيه الليانات د ويكيپيديا لي مربوطين معا الستون Item. كليكي على Edit. -
2. لتحت د الصندوقة غادي تبان بلاصة فين تقدر تدخل لكوض ديال اللوغة (الداريجة = ary) -
3. دخّل السمية ديال لمقال ب الداريجة لي بغيتي تربطو -
4. كليكي على publish
