مطار الرباط سلا الدولي

من ويكيپيديا
اذهب إلى التنقل اذهب إلى البحث
مطار الرباط سلا الدولي
ⴰⵣⴰⴳⵯⵣ ⴰⴳⵔⵖⵍⴰⵏ ⴰⵔⴱⴰⵜ ⵙⴻⵍⴰ
مطار الرباط سلا الدولي
IATA: RBA ICAO: GMME
معلومات عامة
النوع مدني + عسكري
لمالك لمكتب لوطني للمطارات
لمدينة سلا، لمغريب
لرتيفاع بلميترو 276
ليحداتيات خط الطول: -6.74253702°

خط لعرض: 34.05031267°

السيت الرسمي onda.ma…
لخريطة

مطار الرباط سلا الدولي (IATA:RBA ، ICAO:GMME) هو مطار كاين فمدينة سلا لمغريبية وكايسيرڤي جهة الرباط سلا القنيطرة. كيبعد لمطار على الصونطرڤيل ديال الرباط بـ8 كيلوميتر. كيتعتابر سادس أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج، وكايقدر يهز 3.500.000 مسافر ومتوقع تزيد تالين 4 دلمليون.

التجهيزات[بدل | بدل لكود]

لمحطة لجوية اللولة فيها 16.000m²، والتانية فيها 3.500m². فـ20 شهر 1، 2012 تفتحات لمحطة اللولة وعندها قدرة باش تهز 3.500.000 مسافر فلعام[1]، يعني كتر من الضوبل ديال داكشي اللي كان فلمحطة لقديمة (اللي ديما كانت سميتها لمحطة لجوية 2).[2]

فلبلاصة لعمومية كاينين وكالات ديال لكري دالطوموبيلات، بنكات، ݣيشيات، كافي-بار بكيوسك صغير وخدمة ديال التيليفون ولفاكس. لبلاصة دلمغادرة فيها حتى هي كافي-بار ومحلات حرة، تيليفونات وبلايص ديال لكمي. لولوج للمطار كاين بالطاكسي أولا الطوبيس أولا بالطوموبيلة پريڤي، وكاينين حتى بلايص ديال لپاركينݣ.

بالنسبة للپارتية ديال لعسكر فراها مجهزة مزيان وكايكونو فيها لقوات لمسلحة لملكية، حيتاش لمطار قريب للرباط لعاصمة ديال لمغريب. كاين مركز ديال لعمليات كبير خاص فيه لأسطول ديال طيارات جدارمية اللي كاتطفي لعافية، وفيه حتى ديپو كبير ديال الطيارات دلملك ولحوكومة.

لإحصائيات[بدل | بدل لكود]

لحركة دلمسافرين:

2012 2013 2014 2015 2016 2017 2018 2019
351867 485713 684213 705950 873169 923576 987485 846 100 1
[3]
% 38,04+ % 40,87+ % 3,18+ 23,69%+ 5,77%+ 6,79%+ 11,46%+

لمصادير[بدل | بدل لكود]

  1. Rabat–Sale Airport تشاف فـ 22 يناير 2012
  2. لمصدر موقع ONDA لمغريب على مطار الرباط سلا (بلفرونسي) تشاف فـ 21 ماي 2008
  3. إحصائيات سنة 2019 - الموقع الرسمي للمكتب الوطني للمطارات مؤرشف بتاريخ 26 يناير 2020.
Wikimedia Commons تقدر تزيد شوف بزاف د صور و معلومات ديال Rabat-Salé Airport ف ويكيميديا كومنز.