مدافعة د موازين
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
لمدافعة د موازين طرات ف 23 ماي 2009 ف التيران د حي النهضة ف الرباط. علّاقل 11 واحد من لي كانو حاضرين ف مهرجان موازين توفاو بسباب لمدافعة، منهوم 5 د لعيالات، 4 د الرجال و 2 مراهقين، و 40 واحد تجرحو.[1][2]
لمدافعة طرات ملي حاولو لحاضرين ل حفلة ديال عبدلعزيز الستاتي لي كانت عاد سالات، باش يخرجو بزّربة.[3][4] واحد السياج طاح ف هاد لمحاولة و عرّض لحياة د 70000 حاضر ل لخطر.[2] لحفلة د الستاتي كانت بدات معطلة على لوقت لي كان ف الجدول، و هادشي خلّا ناس لي كانو حاضرين ل حفلات خرين، منهوم ديال ستيڤي واندر، باش يمشيو يحضرو ل الستاتي. بسباب الطلب لكبير، كان تم تحويل لحفلة من منصة صغيرة ل التيران باش يكونو كراسا كافيين على مقاس الطلب د الجماهير.[5][6][6]
أغلبية د لي ماتو كانو صغار ف لعمر و كاملين كانو مغاربا. 8 من لمجروحين كانو ف حالة خطيرة. تلقاو الضحايا مورما تسالات لمدافعة، و كانو ماتو مخنوقين بسباب الزحام و الضغط د بنادم.[7]
لوالي د الرباط حسن لمراني ڭال بلي لحاضرين هوما السباب ف لمدافعة حيت حاولو باش يخرجو بزّربة و نقّزو فوق لبارييرات د لحديد.[2] واحد من لحاضرين تساءل علاش لبوليس سدو لبيبان و ماتدخلوش ملي لقضية ولات خطيرة.[2] 3000 بوليسي كانو خدّامين ف لحادات. جمعية مغريب التقافات نشرات بيان عبّرات فيه على "لحزن الشديد ديالها"، و عزّات جميع لي تأترو ب هاد لفاجعة. لماليك محمد السادس صيفط بريات د التعزية ل لفاميلات د الضحايا، و عرض باش يخلص جميع مصاريف لڭنازة و السبيطار. وزارة الداخلية علنات بلي غادي تدير تحقيق ف لقضية.[3]
- ^ "BBC News – Deadly stampede at Rabat festival". bbc.co.uk. تطّالع عليه ب تاريخ 29 شتنبر 2015.
- ^ a b c d "Deadly stampede at Rabat festival". BBC News. 2009-05-24. مأرشيڤي من لأصل ف May 26, 2009. تطّالع عليه ب تاريخ 2009-05-25.
- ^ a b "11 killed in stampede at Rabat world music festival". France 24. 2009-05-25. مأرشيڤي من لأصل ف 2009-06-14. تطّالع عليه ب تاريخ 2009-05-25.
- ^ "Eleven killed in Moroccan stampede". The Irish Times. 2009-05-25. مأرشيڤي من لأصل ف 2012-10-14. تطّالع عليه ب تاريخ 2009-05-25.
- ^ "11 killed in Rabat stampede". Kenyan Broadcasting Corporation. 2009-05-25. مأرشيڤي من لأصل ف 2009-08-12. تطّالع عليه ب تاريخ 2009-05-25.
- ^ a b "Stampede during Moroccan music festival kills 11". CBC. 2009-05-25. مأرشيڤي من لأصل ف 27 ماي 2009. تطّالع عليه ب تاريخ 2009-05-25.
- ^ Booth، Jenny (2009-05-25). "Stampede kills 11 people at world music festival in Morocco". The Times. London. تطّالع عليه ب تاريخ 2009-05-25.