محمد عبدجليل
محمد عبدجليل
| ||
| معلومات عامة | ||
| زيادة | غشت 1968 (57 عام) الرباط | |
| لجنسية | لمغريب | |
| لحرفة | أنجينيور مدني و سياسي | |
| معلومات خرى | ||
| لحيزب | حيزب ستيقلال | |
محمد بن عبدجليل (مزيود ف غشت 1968 ف رّباط) هوّا موهنديس د طّرقان ؤ لقناطر ؤ سياسي مغريبي ؤ عضو ف حيزب سّتيقلال. خدا لمنصب ديال وزير نّقل ؤ لّوجيستيك ف 7 أكتوبر 2021 ف لحوكومة د أخنوش.[1]
محمد بن عبدجليل من فاميلة ستيقلالية أب على جد. جدو محمد بن عبدجليل كان مقاوم ؤ من بين لي سناو علا وتيقة لمطالبة ب سّتيقلال. بّاه كان بيزنيسمان ؤ مّو ؤستادة د لماط.[2]
محمد بن عبدجليل خدا لباك ديالو ف 1985 ف ليسي ليوطي، ؤ منها مشا ل فرانسا ؤ حصل علا ديپلوم د موهنديس من لمدراسة لوطنية د لقناطر ؤ طّرقان ف 1991. خدا موراها ماسطر ف تّبزنيس ؤ لإدارة (إم بي إي) من لمدراسة لحسنية د لأشغال لعومومية، ؤ خدم موراها ف فرانسا ف شركة أرتر أندرسن تال 1993. فاش رجع ل لمغريب خدم ف شركة بيمارو، لي تابعة ل شركة بويݣ. داز من بعد ل منصب مودير تيجاري ديال لفرع د بويݣ ف لمغريب، قبل مايولي مودير ديال لبرامج ؤ دّيراسات ف ويزارت تّجهيز ف لعهد ديال لوزير كريم غلاب ف 2003. كان رائيس مجلس لإدارة ديال مرسا ماروك لي كاتسيّر لمراسي د لمغريب من 2006 تا تعيّن وزير ف 2021.[3]
- ↑ "حكومة أخنوش بـ24 وزيراً ضمنهم 7 نساء" (ب العربية). 7 أكتوبر 2021. Archived from the original on 8 أبريل 2023.
- ↑ "الكفاءة والتجربة تقودان الاستقلالي محمد عبد الجليل لتولي وزارة النقل واللوجستيك". برلمان.كوم (ب العربية). Archived from the original on 2023-05-15. Retrieved 2021-10-09.
- ↑ "ها شكون هو محمد عبد الجليل اللي تعين وزير للنقل واللوجستيك". Archived from the original on 2023-05-13. Retrieved 2021-10-09.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |